Levítico 15:31 - Qullan Arunaka DC

³¹ ukhamat jumanakax israelitanakarux q'añu lurañanakat jithiqtayapxäta. Jan ukhamäkani ukasti, uka qullan chiqar q'añunakampi phuqhantapxatapat jiwarapxaniwa.”

Aymar Bibliia 1986

³¹ Uqhamatwa jumanacajj israelitanacatjja take k'añunacjja jayaru apanucjjapjjäta, jan jiwarapjjañapataqui cawqhantejj nayajj utjcta uca cheka k'añuchapjjatap laycu.”

Qullan Arunaca

³¹ Uqhamatwa jumanacajj israelitanacatjja take k'añunacjja jayaru apanucjjapjjäta, jan jiwarapjjañapataqui cawqhantejj nayajj utjcta uca cheka k'añuchapjjatap laycu.”

Levítico 15:31 Jak'a apnaqawi uñst'ayäwi

Salmos 66:18

Jan wali amuyutix utjitasapänxa, Tatitux janiw ist'kitasapänti;

Ezequiel 23:38

Ukhamarus mä urunak nayan qullan utax takisipxi, nayan samarañ sábado uruxsa jisk'achapxaraki.

Ezequiel 36:17

“Israelitanakax pachpa uraqipan jakapkän ukapachasti, jan wali luräwinakapampiw uka uraqirux q'añuchjapxäna. Jupanakan jakäwinakapasti nayatakix axtaskañapunïnwa.

Ezequiel 44:23

“Sacerdotenakasti markaxarux kunatix qullanäki kunatix jan qullanäki ukanakxata, ukhamaraki kunatix q'umäki, kunatix jan q'umäki ukanakxat yatichapxañapawa.

Ezequiel 5:11

Naya, Tatituw jakañax layku juramentompi arsta: jumanakax nayan qullan utaxsa axtaskañ yaqha diosanakampi, q'añu luräwinakamampi q'añuchjapxtaxa, ukhamarakiw nayax jumanakar jan khuyapt'ayasis tukjapxäma, janipuniw khuyapt'ayasipkämati.

Daniel (hebreo) 9:27

Mä semanan uka jan wali reyix walja jaqinakamp suma arust'äwir mantani, chika semanarusti waxt'äwinak luqtasiñanaksa jark'xaniwa, wilañchanak luqtasiñ altaransti, jan walinak lurasaw Tatitur ñanqhachasini. Uka qhipatsti, Tatitux khititix jan walinak luras jupar ñanqhachki ukarux t'unjaniwa.’ ”

Levítico 11:47

ukhamat kunäkitix q'umaxa, q'añusa uk yatipxañamataki, ukhamarak kawkïr animalanakatix manq'añäki, jan manq'añäki ukanak yatipxañamataki.

Levítico 13:59

Akanakaw isin utjir lepra usun yatichäwinakapaxa, t'awrat lurat isinakansa, jan ukax lip'ichit lurat yänakansa uñstpan, ukhamat uka yänakarux q'umata jan ukax q'añutsa uñt'xañataki.

Levítico 15:32

Aka iwxt'anakasti, kawkïr chachanakatix chhuxurasiñapat aliqak jathap aywiyxani, ukat q'añut uñt'atäpxaraki;

Levítico 19:30

“Sábado urunak imapxapunim. Nayan utaxatakisti wali axsartañax utjarakpan. Nayätwa Tatituxa.

Levítico 20:3

Nayasti uka jaqir mutuyañatakiw sayt'ä, ukatsti markap taypitsa apanukurakïwa, nayan qullana utax q'añuchatapata, ukhamarak nayan qullana sutixarus Moloc sat diosar wawap luqtatapampi takisitap layku.

Levítico 21:23

ukampis janipuniw velo qhipäxarux mantkaniti, altararus jak'achaskarakiniti, ukhamat jan k'umarätapampix uka qullan uta jan q'añuchaskañapataki. Naya Tatituw uka qullan uta nayatak yaqhachasta.”

Números 19:13

Maynitix jiwat jaqin amayap llamkt'asin jan q'umachaskanixa, Tatitun qullan utjäwip q'añuchi, ukhamäni ukasti, uka jaqix Israel marka taypit jaqunukutäñapawa, q'umachasir umampi jan q'umachasitap laykux, q'añut uñt'atäniwa.

Números 19:20

Q'añuchat jaqitix jan q'umachaskanixa, markap taypit apanukutaw uñjasini, Tatitun qullan utjäwip jupan q'añuchatap layku. Q'umachasir umampi jan ch'allakipasitap laykusti, jupax q'añukïskaniwa.

Números 5:3

Chachäpasa, warmïpasa campamento anqar jaqunukupxpan. Ukham lurasax janiw campamentor q'añu tukuyapkaniti, nayan jupanak taypin jakatax layku.”

1 Corintios 3:17

Maynitix Diosan utap t'unthapinixa, Diosax jupar t'unthapirakiniwa, Diosan utapax qullanawa, uka utasti jumanak pachpäpxtawa.

Deuteronomio 24:8

“Lepra usunak tuqitsti, sacerdotenakan yatichäwiparjamaw phuqhapxäta. Ukanaksti kunjämtix nayax jupanakar iwxawaykta ukhamarjamaw lurapxäta.

Hebreos 10:29

Ukhamasti ¿janit jumanakax amuyapkta, khitinakatix Diosan Yuqapar jisk'achapki, wilaparus jisk'achapki, munasir Diosan Ajayuparus jisk'achapki ukanakan juk'ampi mutuyäwi katuqañapsti? Uka wilaw arust'äwit qhanañchi, ukampirakiw jupanakax Diosatak yaqhachatäpxi.

Judas 1:4

Yaqhip jaqinakax sallqjañanakampiw jumanak taypir mantanipxi, jupanakarusti Qillqatanakax juchañchañatak nayratpach uñacht'ayäna. Uka ñanqha lurir jaqinakasti Tatitun khuyapayasiñap maysaruw uñtayapxi jan wali luräwinakapan jakañataki, ukatsti jiwasan mä sapa Tatit Jesucristo Uywirisarux jan uñt'iriw tukupxi.

1 Samuel 3:14

Ukat nayax juramentompi Elí sacerdoten wila masinakapatak arsta, ñanqha luratanakapax janipuniw wilañchanakampisa, waxt'äwinakampis q'umachatäkaniti.