Levítico 14:32 - Qullan Arunaka DC

³² Taqi ukanakaw yatichäwinakax kawkïri jaqinakatix lepra usuni uñstkani ukanakatakixa, khitinakatix q'umachasïwipan walja luqtanak jan churirjamäpki ukanakataki.

Aymar Bibliia 1986

³² Take ucanacawa yatichäwinacajj cawquïri jakenacatejj lepra usu llaganacani uñstcani ucanacataquejja, cawquïrinacatejj k'omachasïwipanjja jan walja ofrendanaca churirjamäpqui ucanacataquejja.

Qullan Arunaca

³² Take ucanacawa yatichäwinacajj cawquïri jakenacatejj lepra usu llaganacani uñstcani ucanacataquejja, cawquïrinacatejj k'omachasïwipanjja jan walja ofrendanaca churirjamäpqui ucanacataquejja.

Levítico 14:32 Jak'a apnaqawi uñst'ayäwi

Salmos 136:23

Aynacht'añasan jiwasanakat amtasiriru, munasiñapax wiñayawa.

Levítico 13:2

“Kunapachatix khitin janchipansa p'usux uñstani, jan ukax phallanuqatänisa, jan ukax janchipan janq'u janchisa uñstani, jan ukax, lepra usur uñtat kuna llixtinak uñstani ukkhasti, uka jaqix Aarón sacerdoten ukar irpatäñapawa, jan ukax Aaronan yuqanakapat maynïri sacerdoten ukarusa.

Levítico 13:59

Akanakaw isin utjir lepra usun yatichäwinakapaxa, t'awrat lurat isinakansa, jan ukax lip'ichit lurat yänakansa uñstpan, ukhamat uka yänakarux q'umata jan ukax q'añutsa uñt'xañataki.

Levítico 14:10

“Kimsaqallqu ururusti jan kunas kamacht'at pä urqu ovejampi, marani mä qachu ovejampi, suxta kilo chikatan aceitempi chapt'at suma jak'umpi, ukxarusti niya chikat litro aceitempi, taqi ukanaksti waxt'a luqtañatak apaniñapawa.

Levítico 14:2

“Akanakaw mä lepra usuni jaqin q'umachasiñapxat yatichäwinakaxa: Usut jaqix sacerdoten nayraqatapar irpatäniwa,

Levítico 14:21

“Q'umachaskani uka jaqitix wali t'aqhin jakani, janirak qullqipas taqpach jikxatañatak utjarapkani ukapachasti, mä urqu ovejak jucha luratat wilañcha luqtañatak apanini, uksti mä suma waxt'äkaspas ukham juchanakapat pampachatäñ jikxatañatakiw luqtani, ukxarusti aceitempi chapt'ata pä kilo suma jak'u apanini, ukax granonakat mä waxt'a luqtäwïkaspas ukhama, niya chikat litro aceitempi,

Levítico 14:31

Mayïr qhurukutux jucha luratat wilañcha luqtäwitakïniwa, mayïristi nakhantayat luqtäwitakirakïniwa, granonakat waxt'a luqtaski ukanakamp kuna. Ukhamat sacerdotex q'umachasir jaqin juchapat pampachatäñ jikxatani.”

Levítico 14:33

Tatitusti Moisesampiru, Aaronampiruw akham säna:

Mateo 11:5

Juykhunakax uñjxiwa, kayu usutanakas sarnaqxiwa, lepra usuninakax q'umachatäxiwa, uqaranakas ist'xiwa, jiwatanakax jaktxiwa, jan kunaninakarus qhispiyasiñan utjatapax yatiyatäxarakiwa.