Levítico 14:14 - Qullan Arunaka DC

¹⁴ “Ukatsti sacerdotex jucha luratat luqtatäkis uka uywan wilapampi luk'anapar juricht'asaw kawkïri jaqitix q'umachasiski ukan kupi jinchuparu, kupi amparapan tayka luk'anaparu, kupi kayupan tayka luk'anaparuw jawintani.

Aymar Bibliia 1986

¹⁴ “Uca khepatsti sacerdotejj jucha luratat loktatäcänsa ucanacat mä juc'a wila aptaraquini, ucatsti cawquïri jaketejj k'omachasisqui ucaruw jawt'araquini, cupi jinchuta, uqhamarac cupi amparapan tayca luc'anaparusa, uca quipcaraquiw cupi cayupan tayca luc'anaparusa jawt'araquini.

Qullan Arunaca

¹⁴ “Uca khepatsti sacerdotejj jucha luratat loktatäcänsa ucanacat mä juc'a wila aptaraquini, ucatsti cawquïri jaketejj k'omachasisqui ucaruw jawt'araquini, cupi jinchuta, uqhamarac cupi amparapan tayca luc'anaparusa, uca quipcaraquiw cupi cayupan tayca luc'anaparusa jawt'araquini.

Levítico 14:14 Jak'a apnaqawi uñst'ayäwi

Éxodo 29:20

Ukatsti uka oveja kharinuküta, wilapampisti Aaronampiru, wawanakapampiruw aynach tuqit kupi jinchupat jawt'äta, ukhamarak kupi ampar tayka luk'anata, kupi kayu tayka luk'anampita. Ukatsti jilt'kani uka wilampisti altar thiyanakaruw ch'allakipäta.

Isaías 1:5

Jumanakax Tatitur saykatañakpin munasipktaxa, janchinakaman janiw kawkhat jawq'antañas utjkxiti. P'iqimax q'ala chhuxriñchjatawa, ch'amamas janirakiw utjkxiti.

Levítico 14:19

Ukatsti sacerdotex jank'akiw kuna wilañchatix juchat luqtatäki uk luqtxani, ukhamat uka jaqin q'umäxañapataki; ukxarusti kawkïri uywatix nakt'ayasin luqtañäki uk luqtxarakini,

Levítico 14:25

kawkïri ovejatix juchat luqtatäkani uk kharinukuni, ukat uka ovejan wilapampiw kawkïri jaqitix q'umachasiski ukan kupi jinchupat jawt'ani, ukhamarak kupi amparapan tayka luk'anapatsa, uka kipkaraki kupi kayupan tayka luk'anapatsa;

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

Romanos 6:13

Janchimsti jucha lurañar jan katuyapxamti, jucha lurañ yäkaspas ukhama. Jan ukasti, Diosar katuyasipxam, jiwatat jaktir jaqinakjama, janchimsti jupa nayraqatan aski lurañ yäkaspas ukham katuyapxam.

Romanos 6:19

(Jaqin amuyuparjamakiw uk arsta, jumanakasti pisïtanakam laykux taqi akanak janiw sum amuyapktati). Ukhamasti, kamisatix nayrax janchinakam q'añu jakañaru, ñanqha lurañar katuyapxäyätaxa, jichhax ukhamarakiy janchinakam chiqa kankañ lurañar katuyapxam, ukhamat q'uma jakäwin jakxañataki.

1 Corintios 6:20

Diosaw jumanakarux alasipxtam. Ukat jumanakax janchiman Diosarux waqaychapxañama.

2 Corintios 7:1

Ukhamasti munat jilatanaka, Diosan taqi aka arsutanakapax jiwasatakiwa. Ukatpï taqi kunatix q'añuchkistaspa ukat jithiqtañasaxa, ukatsti janchisana, ajayusansa q'uma sarnaqañasaw wakisi; Diosar axsart'asasti q'uma jakäwi jikxatañatak ch'amachasiñäni.

Deuteronomio 24:8

“Lepra usunak tuqitsti, sacerdotenakan yatichäwiparjamaw phuqhapxäta. Ukanaksti kunjämtix nayax jupanakar iwxawaykta ukhamarjamaw lurapxäta.

Filipenses 1:20

Nayax p'inqasiñar jan puriñatakiw ch'amachasiskta, ukampis jakaskäsa, jan ukax jiwxäsa, nayan suyt'äwixax nayan ch'amachasitax laykuw Cristox jach'ar aptatäni.

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.