Levítico 11:7 - Qullan Arunaka DC

⁷ “Khuchhi aychsti janirakiw manq'apxätati, khuchhin kayu sillunakapas payar jaljtatäskpan, ukampisa janiw khisthurïpkiti. Khuchhirux q'añu animalat uñt'apxäta.

Aymar Bibliia 1986

⁷ “Qhuchi, ucajj cayuparu sillunacanïsquiwa, uqhamarusa uca sillunacapajja payaru jaljtatäscaraquiwa, ucampisa janiw qhisthuñ yatquiti. Ucat qhuchirojj mä k'añu animalat uñt'apjjäta.

Qullan Arunaca

⁷ “Qhuchi, ucajj cayuparu sillunacanïsquiwa, uqhamarusa uca sillunacapajja payaru jaljtatäscaraquiwa, ucampisa janiw qhisthuñ yatquiti. Ucat qhuchirojj mä k'añu animalat uñt'apjjäta.

Levítico 11:7 Jak'a apnaqawi uñst'ayäwi

Isaías 65:4

Uka markax amay imat patanakan qunupxi, arumanakas jamas p'iyanakan qharapxi, jiwatanakar yupaychañatakiw ukankapxi; khuchhi aycha manq'apxi, phukhunakaparusti k'ari diosanakar luqtat manq'anakampiw phuqhantapxi.

Isaías 66:17

Tatitusti siwa: “Khitinakatix panqar yapunakar mantasa yaqha diosanakar yupaychapkta, khitinakatix khuchhi aycha manq'apkta, achakunakan aychapa, jan ukax, yaqha q'añu animalanakan aychapsa manq'apkta, ukanakax mäpita tukjatäpxätawa, nayasti amuyunakamsa, luratanakamsa yatiraktwa. “Ukapachasti naya kipkaw taqi jach'a markanakaru, jisk'a markanakar tantacht'añatak jutä, jupanakasti jutasin k'ajkir kankañax uñjapxani.

Isaías 66:3

Ukampisa mä urqu vaca wilañcha luqtapki, jaqirus jiwayasipkaraki ukham jaqinakaw utji; mä ovejsa wilañcha luqtañatak kharinukupki, ukamp chiksti anurus jiwayasipkaraki, granonak luqtasasti, ukampi chikxa khuchhin wilapsa luqtasipki, inciensonak q'uphichasasti, k'ari diosanakarus yupaychasipkaraki. Uka jaqinakax kuntix munapki ukhampun lurapxi, ukham lurañ amtapxaraki.

Levítico 11:3

kawkïrinakatix khisthurïpki, kayu sillunakapas payar jaljtatäki ukanaka;

Levítico 11:8

“Uka animalanakan aychapsti janipuniw manq'apxañamäkiti, janirakiw uka jiwat janchinakapsa llamkt'apxañamäkiti. Uka animalanakarusti q'añu animalanakat uñt'apxäta.

Mateo 7:6

“Qullanäki uka yänak jan anunakar churapxamti, ukatarak uka anunakasti jumanakar kutkatasin achjasipkiristam. Janirak munat suma yänakamsa khuchhinakar warxaruyapxamti, khuchhinakasti taksupxaspawa.

Lucas 15:15

Ukatsti uka markan mä jaqin ukaruw saräna, irnaqañ munas thaqhiri, uka jaqisti uraqiparuw khuchhinak awatir khithäna.

Lucas 8:33

Ukapachaw ñanqha ajayunakax jaqit mistxasin khuchhinakar mantxapxäna, uka khuchhinakasti mä qarqa patat chhukt'asaw qutar jalantapxäna, ukan umampi axskatas jiwarapxäna.

Deuteronomio 14:8

“Janirakiw khuchhi manq'apxätati, kayunakapan sillunakapax jaljtayatäkchi ukasa, janiw ch'uxñanak manq'asin khisthupkiti uka layku. Q'añu animalat uñt'apxäta. Janiw uka animalan aychap manq'apxätati, janirakiw jiwat janchipsa llamkt'apxätati.