Levítico 11:28 - Qullan Arunaka DC

²⁸ Ukhamaraki, khititix uka jiwat animalanakar llamkt'kani ukanakax, jayp'thapiñapkam q'añukipuniw uñjasipxani, isinakapsa t'axsuqasipxañapawa, jumanakasti uka animalanakarux q'añu animalanakat uñt'apxäta.

Aymar Bibliia 1986

²⁸ Uca quipcaraquiwa cawquïritejj uca jiwat animalanacaru aptani ucasti isinacapjja t'ajjsurasjjañaparaquiwa, ucatsti jayp'thapiñapcama k'añuraquiw uñjasini, ucampisa take jumanacasti uca animalanacarojj k'añu animalanacatwa uñt'apjjäta.

Qullan Arunaca

²⁸ Uca quipcaraquiwa cawquïritejj uca jiwat animalanacaru aptani ucasti isinacapjja t'ajjsurasjjañaparaquiwa, ucatsti jayp'thapiñapcama k'añuraquiw uñjasini, ucampisa take jumanacasti uca animalanacarojj k'añu animalanacatwa uñt'apjjäta.

Levítico 11:28 Jak'a apnaqawi uñst'ayäwi

Levítico 11:27

“Kawkïri pusi kayuni animalanakatix sarnaqañatak kayu qutunakapampi takt'asipki ukanakarux, q'añu animalanakat uñt'apxäta.

Levítico 11:29

“Kawkïr laq'unakatix uraqinjam qatatnaqtapki ukanakarusti q'añu laq'unakat uñt'apxäta, ukanakasti akanakawa: Chayinaka, achakunaka, kunayman asirunaka,

Levítico 14:46

Khititix uka urunakan Sacerdoten jist'antayat utar mantkani ukasti, uka jaqix jayp'ukam q'añut uñt'atäniwa.

Levítico 15:15

Sacerdotesti mayxa jucha luratat wilañcha luqtxani, maysti nakt'ayasaw luqtxarakini, ukhamat Tatitun nayraqatapan jatha aywiyir usun jaqitakix q'umachasïwi lurañ phuqxani.

Levítico 16:26

ukxarusti, khititix Azazelataki uka cabrito wasarar apkäna ukasti, isip t'axsuqasxani, jupa kipkas umampix jariqasxarakiniwa, ukat campamentor mantanxani.

Levítico 17:15

“Mä israelitatixa, jan ukax yaqha markat jutir jaqisa mä jiwat uywan aychapa jan ukax mä monte animalan jiwayat uywan aychapsa manq'kani ukax, isip t'axsuqasxañapawa, jupa kipkas umampi jariqasxañapawa, ukatsti jayp'thapiñapkamaw q'añut uñt'atäni. Ukat jupax q'umachatäxarakini.

Levítico 22:6

uka jaqisti jayp'ukamax q'añuw uñjasini, janirakiw qullana yänakatsa manq'añapäkaniti janitix umampi jariqaskani ukapachaxa.

Números 19:7

ukatsti sacerdotex isip t'axsusxani, janchipsa umampiw jariqasxani, ukat campamentorux mantxani, ukampis jayp'ukamaw q'añuchat uñjasini.