Levítico 10:19 - Qullan Arunaka DC

¹⁹ Aaronasti ukxaruw säna: —Uñjam, jichhüruw yuqanakaxax jucha luratat wilañchanaksa, nakt'ayat luqtäwinaksa Tatitur luqtasipki, nayatakisti uka jan walinakax jichhapuniw utjarapitu. Nayatix jichhürux uka jucha luratata wilañcha luqtat uywan aychap manq'antiriskäyät ukaxa, ¿Tatitutakix walikïsapänti? —sasa.

Aymar Bibliia 1986

¹⁹ Aaronasti ucjjarojj saraquïnwa: —Uñjam, jichhaw jupanacajj jucha luratatat, sacrificio Tatitur loktasipqui, uqhamaraqui naqhantayatäñataqui loktäwinacsa. Jichhüruquiw nayataquejj uqham lurasi. Nayatejj jichhajj uca jucha luratata sacrificio loktat uywan aychapa mank'antiriscäyätjja, ¿ucajj Tatitutaquejj waliquïsapänti? —sasa.

Qullan Arunaca

¹⁹ Aaronasti ucjjarojj saraquïnwa: —Uñjam, jichhaw jupanacajj jucha luratatat, sacrificio Tatitur loktasipqui, uqhamaraqui naqhantayatäñataqui loktäwinacsa. Jichhüruquiw nayataquejj uqham lurasi. Nayatejj jichhajj uca jucha luratata sacrificio loktat uywan aychapa mank'antiriscäyätjja, ¿ucajj Tatitutaquejj waliquïsapänti? —sasa.

Levítico 10:19 Jak'a apnaqawi uñst'ayäwi

Isaías 1:11

Tatitux siwa: “¿Kunatakis ukataq wilañchanak apanipxta? Jumanakan urqu ovejanakampi wilañcha luqtapxatamampix qaritäxtwa, lik'i vaca qallu luqtatanakamampis qaritäxaraktwa; urqu vacanakana, urqu ovejanakana, cabritonakan wilanakapax axtasiyituwa.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Jeremías 6:20

¿Kunatakis jumanakax Sabá uraqit incienso apanirapipxista? ¿Kunatakirak jaya markanakat q'apkir alinak apanirapipxistasti? Janiw nayatakix uka luqtasitanakamax kuna askïkisa, janiw yaqha waxt'äwinakamas askïkarakiti.”

Oseas 9:4

Janiw Tatitur jach'añchas juk'ampi vino umkxapxaniti, janirakiw ukan wilañchanak jupar luqtapkaniti. T'ant'a manq'atanakapas llaki t'ant'jamäniwa, khitinakatix manq'apkani ukanakax q'añur tukutäniwa. Uka t'ant'anakax jupanakatakikïniwa, ukampis janiw Tatitun utapar apapkaniti.

Levítico 10:20

Moisesasti ukanak ist'asax amukïxarakïnwa.

Levítico 9:12

Aaronasti, kawkïr uywatix taqpacha nakhantayas luqtañatakïkäna uka uywa kharinuküna, yuqanakapasti uka wila apapxäna, uka wilampisti Aaronax altar thiyanakaruw warakipäna.

Levítico 9:8

Aaronasti altarar jak'achasisinxa, kuna urqu vaca qalltix juchapat luqtañataki irpankän uk kharinuküna.

Malaquías 1:10

Taqi ch'aman Tatitux siwa: “¡Walïspaw jumanakat kawkïrisa utaxan punkunakap jist'antaspa ukaxa, ukhamat jan inamayataki altaraxan ninapa aqtayasipkañamataki. Janiw jumanakatak chuymaxax utjkituti, janiw waxt'äwinakam katuqkarakïti.

Malaquías 1:13

Jumanakax sapxtawa: ‘¡Taqi akanak lurkäwix qaritäxapxtwa!’ sasa. Ukatsti jisk'achapxistawa. Nayax uka lunthatata, usuta, kayu p'akit uywanak luqtanipkista ukanakxa kusisiñampis katuqapkirisma ukham amuyapxaraktaxa.

Malaquías 2:13

Ukhamarus jumanakax janiw ukanakak lurapktati, jan ukasti jumanakan waxt'äwinakam Tatitux taqi chuymamp jan katuqxatap laykusti, jachañanakamampi, warariñanakamampiw Tatitun altarap phuqhantayapxtaxa.

Deuteronomio 12:7

Uka chiqan Tatit Diosaman nayraqatapan manq'apxäta, ukatsti wila masinakamamp chikaw kusisipxarakïta, irnaqäwinakamamp jikxatat achunakata, Diosaman aski waxt'äwinak jumanakar churatapata.

Deuteronomio 26:14

Janiw uka yaqhachat achunakat manq'kti, llakisita, ukhamarak q'añuchat jikxataskäyät ukkhasa, janirakiw jiwatanakarus luqtkti. Tatit Diosaxay, taqi arunakamaruw jaysta, ukhamarjamaw phuqharakta.

Filipenses 4:4

Tatitunkasax kusisipxapunim. Wasitat sapxsma, ¡Kusisipxam!

Hebreos 7:27

Janiw maynïr jilïr sacerdotenakjamäkiti, uywanak jiwayasin wilañchanak sapür luqtañapataki, nayraqatax jupanakan pachpa juchanakapata, ukxarusti jaqin juchanakapataraki. Ukampis Jesusax mä kutikiw wiñayatak jupa pachpa luqtasiwayi.

Hebreos 9:8

Ukampisti Qullan Ajayux akham uñacht'ayañ munistu, Qullan chiqa utjkipanxa, Qullanan Qullanap chiqar mantañatakix janïraw thakhix jist'aratäkänti.