Levítico 10:16 - Qullan Arunaka DC

¹⁶ Ukatsti Moisesax kawkïri chivotix jucha luratata wilañcha luqtañatakïki uk tumpäna, ukatsti uka chivon nakhantayatäxatap yatisinxa, Moisesax Eleazar, ukhamarak Itamar jupanakatakiw phiñasïna, jupanakasti Aaronan pani yuqanakapänwa, ukat jupanakarux sarakïna:

Aymar Bibliia 1986

¹⁶ Ucatsti Moisesajj tumparaquïnwa cawquïri cabritotejj jucha luratata sacrificiot loktatäcänjja uca, ucatsti yatisjjaraquïnwa uca cabritojj naqhantayatäjjatapa. Ucatwa Moisesajj colerasïna Eleazar, uqhamarac Itamar sisqui ucanacataquejja, ucanacasti Aaronan pani yokanacapajj jilt'cäna ucanacänwa, ucat jupanacarojj saraqui:

Qullan Arunaca

¹⁶ Ucatsti Moisesajj tumparaquïnwa cawquïri cabritotejj jucha luratata sacrificiot loktatäcänjja uca, ucatsti yatisjjaraquïnwa uca cabritojj naqhantayatäjjatapa. Ucatwa Moisesajj colerasïna Eleazar, uqhamarac Itamar sisqui ucanacataquejja, ucanacasti Aaronan pani yokanacapajj jilt'cäna ucanacänwa, ucat jupanacarojj saraqui:

Levítico 10:16 Jak'a apnaqawi uñst'ayäwi

Esdras 7:5

Abisúa, Finees, Eleazar, ukanaka.

Levítico 6:17

17 (10) Janiw levadurani phayapxañapäkiti. Jupanakaruw churxarakta kuna waxt'anakatix nakt'ayasina nayar luqtatäki ukanakata, kunatix jupanakaru wakt'ki ukanaka, ukanakasti wali qullanarakiwa, kunjämäkitix juchata, ukhamarak jan yatkasin pantjasïwi juchanakat luqtat waxt'ax ukhama.

Levítico 6:26

26 (19) Jucha luratat uka wilañcha luqtasinxa, sacerdotex uka pachpat manq'arakini, ukampis kawkhatix qullana chiqäki ukkhan manq'añapa, Tatitump Jikisiñ Carpa anqäxana.

Levítico 6:30

30 (23) Ukampisa kawkïr uywatix juchat luqtatäki, wilapas juchanakat pampachañatak Tatitump Jikisiñ Carpar apatäki uka uywan aychapax janipuniw manq'askaniti. Uka luqtäwisti ninampi nakhantayatäñapawa.

Levítico 9:15

Ukxarusti, Aaronax israelitanakan jucha lurapxatapat pampachäwi jikxatañatakiw mä waxt'a luqtäna. Mä chivo katusin Tatitur mä waxt'a luqtäna, kunjämtix nayraqatax luqtkän ukhama.

Levítico 9:3

Israelitanakarusti sarakim, jupanakax mä chivo churapxpan jucha luräwit wilañcha luqtañataki, nakt'ayat waxt'a luqtañatakisti, marani mä urqu vacampi, marani mä ovejampi apanipxpan, uka uywanakasti jan kuna kamacht'atäñapawa,

Números 12:3

Chiqpachansa, Moisesax taqi akapachan wali llamp'u chuyman jaqïnwa.

Mateo 5:22

Nayasti sapxsmawa, khititix jilapampi phiñasinixa, jupax juchañchatäniwa. Khititix jilapar tuqxani ukasti, Jach'a Tantachasïwinkir jilïrinakan juchañchatäniwa; khititix jilapar ñanqha arunakampi ñanqhachani ukasti, nina infiernor jaquntatäniwa.

Marcos 10:14

Jesusasti uk uñjasax phiñasïnwa, ukat sarakïna: —Wawanakax nayan ukar jutasipkpan sama, jan jark'apxamti, Diosan qhapaq markapax jupanakjamankiwa.

Marcos 3:5

Jesusax phiñasitaw jupanakar uñkatäna, jan amuyt'añ munapxatap yatisin llakt'asïna, ukatsti usut jaqiruw säna: —Amparam ayatatam —sasa. Jupasti iyawsasaw amparap ayatatäna, ukatsti k'umarakïxänwa.

Efesios 4:26

Phiñasisinxa, jan juchachasipxamti; uka phiñasiñax jan jayp'ukamäpanti.