Jueces 9:27 - Qullan Arunaka DC

²⁷ uka jaqinakasti uva apthapiriw pampar sarapxäna, uka uvat vino lurapxäna, ukatsti mä jach'a phuñchhäwi lurapxäna, diosanakapan utapan manq'asa, umasa, Abimélec chachar ñanqhachasa.

Aymar Bibliia 1986

²⁷ Ucampis jupanacajj yapunacaru sarasinjja uva achunaca aptanisajja vino lurapjjäna; fiesta lurasinjja mank'apjjäna, umapjjäna diosanacapan templopana, uqhamarac Abimelec chacharus maldicipjjaraquïna.

Qullan Arunaca

²⁷ Ucampis jupanacajj yapunacaru sarasinjja uva achunaca aptanisajja vino lurapjjäna; fiesta lurasinjja mank'apjjäna, umapjjäna diosanacapan templopana, uqhamarac Abimelec chacharus maldicipjjaraquïna.

Jueces 9:27 Jak'a apnaqawi uñst'ayäwi

Salmos 109:17

Ñanqhachañ munirïtap laykux ñanqhachatäpan; askinak jan munirïtap laykux uka askinakax jupat jayankpan.

Éxodo 32:19

Campamentor jak'achasasti, Moisesax qurit lurat vaca qallu uñjäna, thuqhurinakaruw uñjarakïna, ukat walpun q'apisïna, amparapankkän uka tablanaksa uraqir jaqt'asin qullu kayun jisk'a jisk'a t'unjäna;

Éxodo 32:6

Qhipürusti, taqiniw willjtat sartasipxäna ukatsti altar patxan sumankthapiñ wilañchanaka, waxt'anaka luqtapxäna. Uka qhipatsti markax manq'añataki umañatakiw qunt'asïna; ukatsti thuqhupxarakïnwa.

Jeremías 25:30

“Jumasti Jeremías, taqi akanak nayan sutixar yatiyaskakim, jupanakarusti sarakim: ‘Tatitux jach'a arupampiw arsu, alaxpachatpacha, kawkhantix jakki uka qullan chiqatpacha. Tamapatakix kunjämatix uva ch'irwirinakax arnaqasipxi ukhamaw arnaqasi, taqi jaqinakatakiw arnaqasi.

Daniel (hebreo) 5:23

Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Oseas 7:14

Ikiñanakapansa usuchjataw jachasipki, janchinakapsa mä amtañampiw chhuxrinuqasipxi, ukampis janiw taqi chuyma nayar mayisipkituti; suma achunak katuqañatakikiw ukham lurasipxi, ¡ukampis nayar saykatasipkakituwa!

Jueces 16:23

Filisteonakan jilïrinakapasti Sansonar atipt'apxatapat uruyañatakiw tantachasipxäna, Dagón sat diosapar wilañchanak luqtañataki. Jupanakasti akham sasaw q'uchupxäna: “Jiwasan diosasawa, Sansón uñisirisarux amparasar katuyistu” sasa.

Jueces 8:33

Gedeonan jiwxatapatsti, israelitanakax Diosat armasisin Baal diosan kunayman uñtasitanakaparu yupaychiriw kuttawayxapxäna, ukatsti Baal-berit ukaruw diosapäñapatak ajllisipxäna.

Jueces 9:26

Mä urusti, Ébed chachan Gáal sat yuqapax Siquem chiqaruw jilanakapampi saräna, uka markankir jaqinakampisti askit uñt'ayasïna,

Jueces 9:4

Ukhamarus Baal-berit diosan utapat paqallq tunka qullqi apsusin Abimélec chacharuw churapxäna. Uka qullqimpisti Abimélec chachax wali qhuru jaqinak mink'äna, juparu arkapxañapataki. Uka jaqinakax jupampiw

Jueces 9:46

Siquem pukarankirinakasti, kuntix Abimélec chachax lurkatayna uk yatisinxa, El-berit sat yupaychañ utar imantasiriw sarapxäna.

1 Samuel 17:43

ukat säna: —¿Nayasti anütti juman lawampi nuwasiri jutañamatakixa? —sasa. Ukatsti ukspachaw uka filisteo jaqix diosapan sutipxaru Davidarux ñanqhachäna.