Jueces 9:15 - Qullan Arunaka DC

¹⁵ Ukampis ch'aphi alix jupanakar sänwa: ‘Jumanakatix chiqpachan nayaru jumanakan reyimäñataki munapxstaxa, taqiniw ch'iwixa manqhir mantapxañama. Jan ukhamäkaspa ukasti, ch'aphi alit mä ninaw mistuni, uka ninasti Líbano chiqankir cedro quqanakaruw nakhantani’ sasa.

Aymar Bibliia 1986

¹⁵ Ucatsti zarza sat ch'aphi kokajj saraquïnwa: ‘Jumanacatejj nayan reyimäñajja munapjjsta ucajja take jumanacaw nayan ch'iwejja mankheru mantapjjañamajja. Ucampis jan nayan reyimäñajja munapjjsta ucajja nayatjja ninaw mistuni ucasti Líbano sat kollunquir cedro kokanacaruw naqhantani’ sasa.

Qullan Arunaca

¹⁵ Ucatsti zarza sat ch'aphi kokajj saraquïnwa: ‘Jumanacatejj nayan reyimäñajja munapjjsta ucajja take jumanacaw nayan ch'iwejja mankheru mantapjjañamajja. Ucampis jan nayan reyimäñajja munapjjsta ucajja nayatjja ninaw mistuni ucasti Líbano sat kollunquir cedro kokanacaruw naqhantani’ sasa.

Jueces 9:15 Jak'a apnaqawi uñst'ayäwi

2 Reyes 14:9

Joás reyisti Amasiasar akham iwxarakïna: “Mä kutixa, mä ch'aphi aliw Líbano markankir cedro quqar saniñapatak khithatayna akham sasa: ‘Yuqaxar phuchham churxam warmipäñapataki’ sasa. Ukampis mä animalaw uka chiqanjam sarkasin ch'aphi alir taksuwayäna.

Salmos 104:16

Tatitun ayrut Líbano qullunkir cedro quqanakasti, uka uma umt'asaw umat pharjatap apaqasipxi.

Salmos 29:5

Tatitun arupax cedro quqanak qhaqhari, ¡Líbano uraqinkir cedro quqanak tinkurayi!

Isaías 1:31

Jumanakat ch'aman jaqisti, wichhjamaw ninan nakhantani, jupan luräwinakapatsti, jupa pachpatsa, janiw kunat amtasiñas utjkxaniti.”

Isaías 2:13

taqi khitinakatix Libanonkir cedro quqanakar uñtat jach'anakjam amuyasipki ukanaka, khitinakatix Basán chiqan roble quqanakar uñtatjam amuyasipki ukanaka;

Isaías 30:2

Mäkiw Egiptonkir reyirux yanap mayipxi, nayar jan jiskt'asaw ukham lurapxi; uka reyin ch'amaparuw katuyasipxi.

Isaías 37:24

Juman yanapirinakam tuqiw Tatiturux jisk'achtaxa. Saraktawa: ‘Nuwasir sarir walja carronakaxampiw wali alay Líbano qullunakar makhatta. Jach'a cedro quqanakapa, suma pinonakapsa, q'al khuchhurarakta. Wali alay qullunakapkamapuniw purta, panqar yapur uñtat ch'uminakapkamaw purta.

Lamentaciones 4:20

Tatitun ajllitapasti, katuntataw uñjasi, jakañasar ch'amachkistäna uka, jupa reyit säyätanxa: “Jupaw markanak taypin sum uywasistani” sasa.

Ezequiel 19:14

Layminakapatsti ninaw mistu, uka ninaw küllinakapsa, achunakapsa nakhantxaraki. Janiw jichhax thuru layminakanïkxiti, reyinakan thujrup lurañatakixa.’ ” (Akax amay imäwi q'uchuwa, ukatak q'uchutapunïniwa.)

Ezequiel 31:3

Libanonkir cedro quqar uñtatawa, walja layminakan phuqhantata, wali jach'araki, qinayanakkamaw puri.

Daniel (hebreo) 4:12

12 (9) Laphinakapax wali sumänwa, achunakapas waljapunïnwa, taqi jaqinakar manq'ayañatakiw utjarakïna. Pampankir laq'unakax uka quqan ch'iwiparuw ch'iwicht'asir jutapxäna; jamach'inakas layminakapan tapachasipxäna, taqi akapachan jakirinakax uka quqan achunakapat manq'asipxäna.

Oseas 14:7

7 (8) Israelax wasitat nayan arxatat jakxani; ukatsti trigor uñtataw jilani, uva alir uñtataw panqart'ani, Libanonkir vinjam wali aytatarakïniwa.

Números 21:28

Hesbón markatpacha, Sihón reyin markapatpacha, nakhantir ninax lawrsunïna, Moab uraqinkir Ar markar t'unjasa, Arnón jawiran qullunakap t'unjasa.

Mateo 13:32

Chiqpachansa mostaza jathax taqi jathanakat sipan sinti jisk'akiwa; ukampis alsunisin jiltki ukkhasti, panqar yapun taqi alinakat sipan jach'awa, mä jach'a quqjamaw tukuraki, ukarusti, jamach'inakaw juti, layminakaparuw tapachasipxi” sasa.

Jueces 9:14

“Ukhamasti quqanakax mä ch'aphi aliruw jupanakan reyipäñapatak mayipxäna.

Jueces 9:16

“Jichhasti, nayax jumanakaruw jiskt'apxsma: ¿Jumanakax chiqpach chuymampit Abimélec chachar reyit utt'ayasipxta? ¿Jumanakax Gedeonat amtasisin, wila masinakaparux munasiñampit uñjapxta, kunjämtix jupax jumanakar khuyapt'ayañamp uñjapktam ukhama?

Jueces 9:20

jan ukhamäkaspa ukasti, ¡Abimélec chachat mä ninax mistpan, ukatsti Siquem, Bet-miló chiqankirinakar nakhantpan, jan ukax uka pä markanakat, ninax mistusin Abimélec chachar nakhantarakpan!” sasa.

Jueces 9:44

Abimélec chachampi, tama jaqinakapampiw marka punku katuntasipxäna, ukchañkamasti maynïr pä tama jaqinakax pampan sarnaqirinakaruw katuntasin jiwarayapxäna;

Jueces 9:49

Taqiniw quqa layminak jank'ak phat'aqasin, yupaychañ utakam Abimélec chacharux arkapxäna, purisinsti, ukawjan layminak phint'asinxa ninampiw phichhantapxäna, ukhamat Siquem pukaran imantasiri chachanakaru, warminakaru jiwarayasa, taqpachanix niya waranqänwa.