Jueces 8:4 - Qullan Arunaka DC

⁴ Gedeonampi, kimsa patak jaqinakapampix Jordán jawirar purisinxa makhatawayapxänwa, jupanakax uñisirinakapar arknaqkäwix wali qariratäpkchïn ukasa.

Aymar Bibliia 1986

⁴ Gedeonampi, quimsa patac jakenacapampejj Jordán jawirar purisinjja maqhatawayjjapjjänwa, jupanacajj uñisirinacapar arcnakcäwejj karjatäpcchïna ucasa.

Qullan Arunaca

⁴ Gedeonampi, quimsa patac jakenacapampejj Jordán jawirar purisinjja maqhatawayjjapjjänwa, jupanacajj uñisirinacapar arcnakcäwejj karjatäpcchïna ucasa.

Jueces 8:4 Jak'a apnaqawi uñst'ayäwi

2 Corintios 4:16

Ukat nanakax janipuniw mayjt'asipkti. Janchinakaxax sapürus aynacht'aski ukasa, ajayunsti urut urutjamaw machaqar tukusipkta.

Gálatas 6:9

Ukhamasti janiy aski lurañan qarjasiñäniti, luraskakiñäni ukaxa, Diosax wakisitaparuw waxt'äwip churistani.

Jueces 7:25

ukhamarus madianitanakan pä jilïrip katuntapxäna Oreb, Zeeb sat jilïrinaka. Oreb chacharusti kawkïr qarqatix jichhax Oreb sutimpi uñt'atäki ukawjaruw jiwayapxäna, Zeeb chacharusti sutip apki uka chiqaruw jiwayapxäna, uka chiqasti vino apsuñataki uvanak takipxirïkän uka chiqänwa. Madianitanakar arktasasti, Oreb, Zeeb chachanakan p'iqinakap Gedeonar uñacht'ayir apapxäna, jupasti Jordán jawirat mayskatankaskänwa.

Jueces 8:3

Diosaw jumanakarux madianitanakan Oreb, Zeeb jilïrinakapar katuyapxtam. Kuntix jumanakax lurapkta ukax, nayan lurataxampi kikipt'ayasin, lurataxax janiw kunäkisa —sasa. Gedeonan arunakap ist'asinsti, Efraín ayllunkirinakax jupa tuqi q'apisitanakapxa apjtayasxapxänwa.

1 Samuel 30:10

Pä patak jaqinakapasti wali qariratäpxänwa, ukat jawir khurkatarux jan makhatapkänti, jan ukasti, uka chiqaruw qhiparapxäna, Davidasti yaqha pusi patak jaqinakampix arktaskakïnwa.

1 Samuel 30:8

Davidasti Tatituruw jiskt'asïna: —¿Uka lunthat tama jaqinakarux arktiristti? ¿Arktasin jupanakarux jikxatiristti? —sasa. Tatitusti sänwa: —Arktaskakim, jikxatätawa, uka katuntat jaqinakarus kuttayanxarakïtawa —sasa.