Jueces 8:23 - Qullan Arunaka DC

²³ Ukampis Gedeonax sänwa: —Janiw nayasa, wawaxasa jumanakarux apnaqapkirismati. Tatitukiw jumanakarux apnaqapxätam.

Aymar Bibliia 1986

²³ Ucat Gedeonasti saraquïnwa: —Janiwa nayasa, ni wawajjasa jumanacarojj apnakapquirismati, jan ucasti Diosawa jumanacarojj apnakapjjätam.

Qullan Arunaca

²³ Ucat Gedeonasti saraquïnwa: —Janiwa nayasa, ni wawajjasa jumanacarojj apnakapquirismati, jan ucasti Diosawa jumanacarojj apnakapjjätam.

Jueces 8:23 Jak'a apnaqawi uñst'ayäwi

Salmos 10:16

Tatitux wiñayapuniw reyit qunt'asi, ¡Tatitur jan uñt'irinakasti uraqipat jaqunukutäniwa!

Salmos 149:2

Israel markax utjayiripat kusispan, Sión markan wawanakapax Reyipat kusisipxpan.

Isaías 33:22

Asiria barcon phalanakapasti janiw suma jiyantatäkiti, velop uskuñ lawapasti uksar aksaruw liwinki. Uka qamir kankañanakap q'al aparañäni, juykhus kunatix jupar wakt'ki uk katuqani, suchunakasti aparañaruw uskusipxani. Tatituw chiqapar uñjirisaxa, jiwasan reyisasa, jupaw qhispiyistani.

Isaías 63:19

Janis jumax kunapachas apnaqapkitasamän ukhamäpxtwa, janis kunapachas sutim apapkiriskäyät ukhamäpxtwa.

2 Corintios 1:24

Janiw nanakax iyawsäwinakam apnaqañ munapkti; nanakax jumanakar yanapt'añak munapxsma, ukhamat kusisiñaman utjañapataki, jumanakasti iyawsañan niy thurt'atäxapxtawa.

1 Pedro 5:3

Jumanakax jupanakxarux janiw kuna munañanïpktasa, jan ukasti jupanakarux mä sum uñacht'ayas sarnaqapxam.

Jueces 10:18

Ukatsti Galaad chiqan jakir israelitanakax, jilïrinakapampiw akham amtapxäna: “Khititix amonitanakampi nuwasiñatak saraykistani ukaw Galaad chiqankir taqpach jaqinakan irpiripäni” sasa.

Jueces 2:18

Tatitusti sapa kuti mä jilïrir sayt'aykän ukarusti yanapt'arakïnwa, uka jilïrin jakañapkamasti Tatitux israelitanakarux uñisirinakapan amparapat qhispiyäna, jupanakan art'asitapa, t'aqhisitanakap ist'asax khuyapt'ayasïnwa.

Jueces 8:22

Uka qhipatsti israelitanakax Gedeonarux sapxänwa: —Jumaxay madianitanakan amparapat qhispiyapxchistaxa, ukhamïpansti nanakax munapxtwa juma, ukhamaraki jumat saraqir wawanakamasa nanakaru apnaqañapa —sasa.

1 Samuel 10:19

Ukampis jichhax jumanakax Diosamarux jisk'achapxtawa, jupaw taqi jan walt'añanakatsa, llakisiñanakatsa qhispiyanipxtam, mä rey jumanakar apnaqañapataki mayisasti Diosaruw apanukupxtaxa. Uka layku, jichhax Tatitun nayraqatapar uñstapxam, ayllunakatkama, wila masi tamanakatkama —sasa.

1 Samuel 12:12

Ukampisa kunapachatix amonitanakan Nahas reyipax jumanakar nuwantir jutkän ukkhaxa, jumanakax mä rey mayipxäyätaxa, jumanakan reyimax pachpa Tatitu Diosäkchïn ukasa.