Jueces 6:25 - Qullan Arunaka DC

²⁵ Uka arumpachaw Tatitux Gedeonar säna: —Awkiman uywanakapat suma urqu vacäki uka katum, paqallq maranïki uka urqu vaca, ukatsti awkiman Baal diosapan altarap allthapim, ukatsti Baal diosan altarap jak'ankki uka quqa tinkuyarakim,

Aymar Bibliia 1986

²⁵ Ucampis uca arumpacharaquiw Diosajj, Gedeonaru saraquïna: —Awquiman vacanacapatsti mayïri orko vaca catum, maysti pakallko marani orko vacäquis ucaraqui, ucjjarojj awquimana Baal sat diosapan altarapa allthapiraquim, uqhamarac uca Baal diosan altarapa jac'ancqui uca koksa qhuchthapiraquim.

Qullan Arunaca

²⁵ Ucampis uca arumpacharaquiw Diosajj, Gedeonaru saraquïna: —Awquiman vacanacapatsti mayïri orko vaca catum, maysti pakallko marani orko vacäquis ucaraqui, ucjjarojj awquimana Baal sat diosapan altarapa allthapiraquim, uqhamarac uca Baal diosan altarapa jac'ancqui uca koksa qhuchthapiraquim.

Jueces 6:25 Jak'a apnaqawi uñst'ayäwi

Génesis 35:2

Ukat Jacobux wila masinakaparu, jupampi chika jakirinakarus säna: —Kuna yaqha diosanakatix jumanak taypin utjchi ukanak apanukupxam, ukatsti taq jariqasipxam, yaqha isinakampi uchasipxarakim.

1 Reyes 18:21

Ukatsti Eliasax taqpach markar jak'achasisaw säna: —¿Kunapachkamarak jumanakasti pä chuyma sarnaqapxätasti? Tatitutix chiqpach Diosächixa, juparuy arkapxam, jan ukax Baal diosatix chiqächixa, jupar arkapxarakim —sasa. Markachirinakax janiw kamsapkänsa.

Job 22:23

Jumatix alt'at chuyman tukxäta, taqi ch'amani Diosar makhatxarakïta, utamatsa uka ñanqhanak apanukxarakïta,

Salmos 101:2

chiqap jakañpun munta. ¿Kunapacharak nayar tumpitätasti? Utaxanxa, sarnaqäwixax jan kamskayäniwa;

Éxodo 34:13

Ukat sipana, jupanakan altaranakapsa, qalat lurat diosanakapsa t'unthapipxätawa, qullan lawanakapsa p'akthapipxarakïtawa.

Mateo 10:37

“Khititix awkiparu, taykaparu nayar munasiñat sipan juk'ampi munki ukaxa, janiw nayatakjamäkiti; khititix yuqaparusa, phuchhaparusa nayar munañat sipan juk'ampi munki ukaxa, janiw nayatakjamäkiti;

Mateo 6:24

“Janiw khitis pani uywirir luqtkaspati, maynirux munasiniwa, maynirusti uñisiniwa, jan ukax maynirux alkataniwa, maynirusti jisk'achaniwa. Diosampiru, qamir yänakampirux janiw khitis luqtkaspati.

Hechos 4:19

Ukampis Pedrompi, Juanampix jupanakar sapxiwa: —Jumanak pachpay amuyt'apxam, ¿Diosan nayraqatapan jupar jaysañat sipana, jumanakar jaysañat walïspaxa?

Hechos 5:29

Pedrompi, maynïr apostolunakampisti ukxaruw arsupxäna: —Nanakax Diosaruw nayraqat ist'apxta, jaqinakar ist'añat sipana.

Deuteronomio 7:5

Ukat sipana, jupanakarux akanak lurapxäta: Altaranakap tinkuyapxäta, yupaychañ qalanakapampi, lawanakapamp t'unjapxarakïta, idolonakapsa taqpach phichhantapxäta.

Jueces 2:11

Israelitanakan luräwinakapax Tatit nayraqatan janiw walïkänti, jupanakax Baal diosan kunayman uñtasitanakaparuw yupaychañ qalltapxäna.

Jueces 3:7

Israelitanakan luratanakapax Tatit nayraqatan janiw walïkänti, Tatitu Diosapat armasisin Baal, Astarté uka diosanakan uñtasitanakaparuw yupaychapxäna.

Jueces 6:26

qullu patansti, Tatitu Diosamatak mä altar sayt'ayam. Ukatsti uka urqu vaca katusin wilañchäkaspa ukham luqtita, tinkuykäta uka quqamp nakhantayasa —sasa.