Jueces 6:13 - Qullan Arunaka DC

¹³ Gedeón chachasti sänwa: —Tatay, Diosatix nanakampïskchi ukasti, ¿kunatarak taqi akanakasti nanakatak utjisti? ¿Kawkinkarak awkinakaxax yatiyapkitu uka muspharkañ luräwinaka Egipto markat irpsunkistu ukapacha luratanakapasti? Tatitux armasipxituwa, madianitanakan amparaparuw katuyapxitu —sasa.

Aymar Bibliia 1986

¹³ Ucatsti Gedeonajj saraquïnwa: —Tata, perdont'ita, Diosatejj nanacampïscchi ucajja, ¿cunatsa aqhama jan walt'añanacajj juti? ¿Cawquinquisa take milagronaca luratanacapajja, cawquïr luratanacapatejj nanacan nayra awquinacajjajj parlapquitu Diosawa Egipto marcatjja irpsunistu sasa ucajja? Diosasti nanacat armt'asisa apanucusasti madianitanacana t'akhesiyatäñaruw catuyapjjetu —sasa.

Qullan Arunaca

¹³ Ucatsti Gedeonajj saraquïnwa: —Tata, perdont'ita, Diosatejj nanacampïscchi ucajja, ¿cunatsa aqhama jan walt'añanacajj juti? ¿Cawquinquisa take milagronaca luratanacapajja, cawquïr luratanacapatejj nanacan nayra awquinacajjajj parlapquitu Diosawa Egipto marcatjja irpsunistu sasa ucajja? Diosasti nanacat armt'asisa apanucusasti madianitanacana t'akhesiyatäñaruw catuyapjjetu —sasa.

Jueces 6:13 Jak'a apnaqawi uñst'ayäwi

Génesis 25:22

Jupasti ispa wawanïñ amuyasïna, purak manqhan wawanakan nuwasipxatapata. Ukat jupax lup'irakïna: “Akatix ukhamäskanixa, ¿kunatakirak jakästi?” sasa. Ukatsti Tatituruw jiskt'asïna,

2 Crónicas 15:2

jupasti Asá reyir jikxatiriw saräna, juparusti sänwa: “¡Asá, ukhamarak Judá, Benjamín markankir jaqinaka, ist'apxita! Tatitux jumanakampïskiwa, jumanakatix jupampïpxäta ukaxa. Jumanakatix jupar thaqhapxäta ukaxa, jikxatapxätawa; ukampis jumanakatix jupar apanukupxäta ukasti, jupax jumanakar apanukupxarakïtamwa.

Salmos 27:9

¡Janikiy nayatak imantasimti! ¡Janikiy q'apisiñampi jaqunukustati! ¡Jumakiw nayan arxatirixätaxa! Janikiy jan arxatirin sapak jaytanukustati, jumätaw Diosaxaxa, qhispiyirixasa.

Salmos 44:1

1 (2) Tatit Diosay, jinchunakaxampiw ist'apxta, awkinakaxaw yatiyapxitu kuntix khaya urunakapan lurkta taqi ukanakata:

Salmos 44:2

2 (3) Diosar jan uñt'irinakarux amparamampiw jaqunuktaxa, markanakaruw mutuytaxa, ukarurakiw nayra awkinakaxar utt'aytaxa.

Salmos 44:9

9 (10) Jichhax juman apanukutaw uñjasipxta; mä p'inqa tukuyapxarakista. Nuwasir tamaxampi chikax janiw mistkxtati.

Salmos 89:49

49 (50) Tatay, ¿kawkinkarak nayra munasiñamasti, Davidar churañatak juramentomp arsutamasti?

Isaías 41:17

“Jan yänakani jaqinakax uma thaqapxi, janiw jikxatapkiti. Laxranakapas umatjamaxa, q'ala wañantataw uñjasi; ukampis naya Tatituw jupanakarux uñjaskä, naya, Israelan Diosapasti janiw jupanakarux antutkäti.

Isaías 63:11

Jupanakasti nayra pachanakat amtasipxi, khititix markapar qhispiyki uka Moisesat amtasipxi, jiskt'asipxarakïnwa: “¿Kawkinkarak Nilo jawirat Moisesar qhispiyki uka Diosasti? Uka Moisesax israelitanakan jilïripächixaya. ¿Kawkinkarak khititix Moisesar Qullan Ajayupa churki uka Diosasti?

Isaías 63:15

Israelasti Tatiturux akham sasaw mayisïna: Tatay, alaxpachatpach uñtanipxita, kawkha qullana, k'ajkiri chiqantix utjkta ukkhatpacha. Munasiñama, ch'amamay uñacht'ayapxita; khuyapayasiñama, munart'asiñamay uñacht'ayapxita. Nanakan ayquñanakaxat janikiy maysar uñtamti.

Jeremías 23:33

“Jeremías, markankir mä jaqitixa, jan ukax mä profetasa, mä sacerdotesa jiskt'ätam ukkhaxa: ‘¿Kawkïris Tatitun iwxapaxa?’ sasa. Ukapachasti jupanakarux sarakim: ‘Tatitux siwa: Jumanakarux apanukupxämawa’ sasa.

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

Deuteronomio 29:24

24 (23) “Ukapachasti taqi jaqinakaw jiskt'asipxani: ‘¿Kunatsa Tatitux aka markar ukham lurpacha? ¿Kunatsa q'apisiñapax ukataqïpacha?’ sasa.

Deuteronomio 31:17

Ukampis q'apisiñaxaw jupanakatak aqtani, jupanakarusti apanukurakïwa; janiw kunatakis jupanakat amtaskäti, jan walt'añanaka, llakisiñanak jupanakxar apayanï, ukat jupanakax sapxani: ‘¿Tatit Diosasasti janit jiwasampïkxpacha, ukatti aka t'aqhisiñanakan jikxataspachätansti?’ sasa.

Jueces 6:1

Israelitanakan luratanakapax Tatit nayraqatan janiw walïkänti, ukat Tatitux jupanakar paqallqu mara madianita jaqinakan amparapar katuyäna.

Jueces 6:12

Tatitun angelapasti jupar uñstasin säna: —¡Tatitux jumampïskiwa, ch'amani jan axsarir jaqi! —sasa.