Jueces 5:23 - Qullan Arunaka DC

²³ Tatitun angelapasti yatiyiwa: ‘¡Meroz markxaru, jaqinakapxaru jach'a ñanqhachäwi jutpan!’ sasa. Tatitun ejercitopar yanapt'ir jan jutapxatapata, ¡Tatit layku nuwasiñ jan munapxatapata!

Aymar Bibliia 1986

²³ Diosan angelapasti yatiyiwa: ‘¡Meroz sat marcjjaru, uqhamarac ucan jaquirinacjjarusti jutaniwa mä jach'a maldiciona!’ sasa. Jupanacasti janiw jutapquiti Diosan yanapapampejja, cunjämtejj Diosan yanapata ch'amaninacajj jutapqui uqhamjja.

Qullan Arunaca

²³ Diosan angelapasti yatiyiwa: ‘¡Meroz sat marcjjaru, uqhamarac ucan jaquirinacjjarusti jutaniwa mä jach'a maldiciona!’ sasa. Jupanacasti janiw jutapquiti Diosan yanapapampejja, cunjämtejj Diosan yanapata ch'amaninacajj jutapqui uqhamjja.

Jueces 5:23 Jak'a apnaqawi uñst'ayäwi

Nehemías 3:5

Ukxarüki uksti Tecoankir jaqinakaw askichapxarakïna, ukampis uka markan jilïrinakapax janiw pirqa luririnakan sarayirinakaparux yanapañ munapkänti.

Salmos 94:16

¿Khitirak jucharar jaqinakat arxatitanisti?, ¿khitirak ñanqha luririnakat jark'aqitanisti?

Jeremías 48:10

(¡Ñanqhachatäpan kawkïr jaqitix Tatitun iwxata irnaqañanak jan taqi chuymampi phuqkani ukaxa. Ñanqhachatäpan kawkïr jaqitix jan jiwayañ munkani ukaxa!)

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Romanos 15:18

kuntix Cristox naya tuqi lurki ukak arsta, ukhamat jan judiöpkis ukanakax Diosar jaysapxañapataki. Taqi akanakasti arsutanakampi luratanakampiw phuqhasi,

1 Corintios 16:22

Khititix Tatitur jan munkchixa, ¡Diosan ñanqhachäwipax jupxar purpan! ¡Nanakan Tatituxay, jutam!

1 Corintios 3:9

Jiwasanakax Diosan luräwipan irnaqir masinakapäpxtanwa, jumanakasti yapuchat yapunakäpxtawa, Diosan utachat utäpxaraktawa.

2 Corintios 6:1

Nanakasti Diosan luräwipan irnaqirinakjamax jumanakaruw achikt'apxsma, kuna khuyapayasiñtix Diosax jumanakar uñacht'ayapktam uk jan ina ch'usar tukuyapxamti.

Jueces 13:3

Ukampis Tatitun angelapaw jupar uñstasin säna: “Jumax janiw wawachasirïktati, jichhasti usur jaqiptätawa, ukat mä yuqall wawa wawachasïta.

Jueces 2:1

Tatitun angelapax Guilgal chiqat Boquim chiqaruw saräna, ukatsti israelitanakarux sänwa: “Nayaw jumanakarux Egipto markat irpsunipxsma, ukatsti nayra awkinakamar arsuta uraqiruw irpanipxsma, jupanakarusti säyätwa: ‘Janipuniw jumanakampi lurat arust'äwirux p'akintkäti,

Jueces 21:5

Ukatsti jupanakkamaw jiskt'asipxäna: “¿Jiwasanak taypit khitisa Mispá chiqan tantachäwir jan sarkänxa?” sasa, jupanakax tantachäwir jan saririrux jiwayañatakiw juramento lurapxatayna.

Jueces 21:8

Ukat jiskt'apxäna: ¿Akan utjpachati Mispá markana Dios nayraqatar jan uñstir israelitaxa?” sasa. Ukapachaw jupanakax amtapxäna, Galaad chiqankir Jabés markat jan maynisa uka tantachasïwiru jutapxatapa,

Jueces 4:6

Mä urusti, Débora warmix Barac sat chachar jawsiriw khithäna, jupasti Abinóam chachan yuqapänwa, Neftalí ayllunkir Quedes markan jakarakïna, juparusti sänwa: —Israelan Tatitu Diosapax, akham sistamwa: “Tabor sat qullur saram, ukansti Neftalí, Zabulón ayllunkirinakat tunka waranqa chachanak tantacht'am.

Jueces 5:13

“Israelitanakax ukapachaw saraqanipxäna ch'amaninakampi nuwasiñataki; nayïpan Tatitun tamanakapax saraqanïna nuwasir jaqinakamp nuwasiñataki.

Jueces 6:11

Ukatsti Tatitun angelapaw jutäna, Ofrá chiqankir encina quqa thiyaruw qunt'asïna, uka quqasti Joás chachankänwa, jupasti Abiézer chachat saraqirïnwa. Joás chachan Gedeón yuqapasti, madianitanakampi jan uñjayasiñatakiw jamas chiqan trigo thalaskäna, kawkhantix vino lurañatak uva takipxirïkän ukawjana.

Jueces 8:5

Sucot chiqar purisinsti, Gedeonax ukan jakirinakarux akham sasaw achikt'asïna: —Mä juk'a manq'ay nayamp chika jutapki uka soldadonakaru waxt'arapipxita, jupanakax wali qaritäpxiwa. Nanakax Zébah, Salmuná sat madianitanakan reyinakaparuw arktasipkta —sasa.

Jueces 8:6

Ukampis Sucot chiqankir jilïrinakax sapxänwa: —¿Zébah, Salmuná reyinakar niyat katjanta, ejercitomar manq'añ churasipkañaxatakisti? —sasa.

Jueces 8:8

Ukawjatsti Penuel chiqaruw sarxäna, ukawjan jakirinakarusti, Sucot chiqan maykän uka pachparak mayïna. Jupanakasti kunjämtix Sucot chiqankirinakax sapkäna uka kipkakirak sapxäna.

1 Samuel 17:47

taqi khitinakatix akan tantacht'atäpki ukanakaxa, Tatitun jan espadampi, jan lanzampi qhispiyatap yatipxani. Aka nuwasïwisti Tatitunkiwa, juparakiw jumanakarux nanakan amparaxar katuyapxitani —sasa.

1 Samuel 18:17

Mä urusti Saúl reyix Davidarux sänwa: —Nayasti Merab sata jilïr phuchhaxa warmimäñapatakiw churäma, nayax jan axsarir nuwasirïñamak maysma, Tatitun nuwasïwipan nuwasiñataki —sasa. Saúl reyix janiw jupa pachpa Davidar jiwayañ amtkänti, jan ukasti filisteonakan jiwayañap munäna.

1 Samuel 25:28

ukatsti jumaw aka luqtirimarux pampacht'arakïta. Chiqpachansa Tatituw jumarusa, wawanakamarus marka apnaqäwi kankañ wiñayatak churapxätam, Tatitutak juman ch'ama tukutam layku, taqi jakäwimansa janirakiw kuna jan walt'añas jumxarux jutkaniti.

1 Samuel 26:19

Jach'a munañan rey, aka luqtirimar ist'añamatakiw achikt'assma: Tatitutix juma reyir nayar jan walt'ayañatak utt'aychi ukaxa, inach mä waxt'äwi katuqitaspa; ukampis jaqin amtäwipakïchi ukasti, Tatitux uka jaqinakar ñanqhachpan. Jichhasti Tatitun uraqipat jaqunukupxitu, ukham lurasax yaqha diosanakar luqtañaxatakiw nukt'apxitu.