Jueces 5:20 - Qullan Arunaka DC

²⁰ Warawaranakax alaxpachatpacha, utjäwinakapatpach Sísara chachatak sayt'asipxäna;

Aymar Bibliia 1986

²⁰ Warawaranacasti alajjpacha altotwa Sísara chachataquejj nuwasinipjjäna.

Qullan Arunaca

²⁰ Warawaranacasti alajjpacha altotwa Sísara chachataquejj nuwasinipjjäna.

Jueces 5:20 Jak'a apnaqawi uñst'ayäwi

2 Samuel 18:8

Nuwasiñasti taqi uksa uraqpacharuw puritayna, uka urusti jaqinakax espadampi jiwarayatäñat sipansa, uka ch'umi taypin waljaniw jiwarapxäna.

Josué 10:10

Tatituw jupanakarux israelitanakan nayraqatapan wal mulljasiyäna, ukhamaw Josué chachax Gabaón chiqan waljanir jiwarayäna. Ukatsti jupanakarux Bet-horón thakhinjam arktäna, amorreonakar jiwarayasa Azecá, Maquedá markanakar puriñkama.

Josué 10:11

Amorreonakax israelitanakat jaltxasin Bet-horón sat aynacha jalaqasipkän ukkhasti, Tatitux chhijchhir uñtat jach'a qalanak jupanakxar puriyäna, ukanakasti israelitanakan espadanakapamp jiwarayañat sipansa, juk'amp walja amorreo jaqinakaruw jiwarayäna.

Josué 10:12

Kunapachatix Tatitux amorreonakar israelitanakan amparapar katuyxän ukkhaxa, Josué chachax marka nayraqatan Tatiturux parlxayäna, akham sasa: “Jumasti inti, Gabaón marka patar sayt'am; phaxsi, Aialón qhirwa patar sayt'am” sasa.

Jueces 4:15

kunapachatix Barac chachampi soldadonakapampix nuwantapkän ukhhasti, Tatitux Sísara chachan carronakap taypina, soldadonakap taypin jan walt'asiñ utjayäna; Sísara pachpaw axsarañat carropat saraqawayasinxa, kayukiw jaltxäna.

Jueces 5:21

jisk'a jawira, nayra jisk'a jawira, Quisón chiqankir jisk'a jawiraw jupanak apasxäna. ¡Jumaw ch'amaninakan arsutaparux amukt'ayäta!

1 Samuel 7:10

Kunapachatix Samuelux nakt'at wilañcha luqtaskäna ukkhasti, filisteonakax israelitanakar tukjañatakiw jak'achasinipxäna; ukapachaw Tatitux mä jach'a q'ixu q'ixu jupanakxar apayanïna, ukasti jupanakarux walpun mulljäna, ukhamat israelitanakax filisteonakar atipjapxäna.