Jueces 5:13 - Qullan Arunaka DC

¹³ “Israelitanakax ukapachaw saraqanipxäna ch'amaninakampi nuwasiñataki; nayïpan Tatitun tamanakapax saraqanïna nuwasir jaqinakamp nuwasiñataki.

Aymar Bibliia 1986

¹³ “Ucampis israelitanacajj sarakanipjjänwa, ch'amaninacampi nuwasiñataqui; nayäpanwa Diosan tamapajj sarakanipjjäna, nuwasir jutir jakenacampi nuwasiñataqui.

Qullan Arunaca

¹³ “Ucampis israelitanacajj sarakanipjjänwa, ch'amaninacampi nuwasiñataqui; nayäpanwa Diosan tamapajj sarakanipjjäna, nuwasir jutir jakenacampi nuwasiñataqui.

Jueces 5:13 Jak'a apnaqawi uñst'ayäwi

Salmos 49:14

14 (15) Uka jaqinakatakix jiwaw awatiripaxa, ovejanakarjamaw amay imäwirux anakiski. Willjtankan ukapachasti, aski jaqinakaw jupanakarux atipjani; ch'amapax aynacht'aniwa, utapasti manqhapacharakïniwa.

Salmos 75:7

7 (8) jan ukasti, taripir Diosat juti: mayninakarux aynacht'ayiwa, yaqhanakarusti jach'aruw aptaraki.

Ezequiel 17:24

Pampankir taqi quqanakasti nayan Tatitütax yatipxani. Nayaw jach'a jach'a tukuri quqanakarux liwinukta, jisk'a quqanakarusti jiltayaraktwa. Nayaw ch'uxña quqanakarux wañsuyta, waña quqanakarusti ch'uxñatatayaraktwa. Naya, Tatituw uk arsta, arsutaxarusti phuqhapuntwa.’ ”

Romanos 8:37

Taqi akanakansti atipjirinakat sipansa juk'amp atipjirinakätanwa, khititix jiwasar munkistu jupa tuqi.

Apocalipsis 3:9

Uñjätawa, kuntix supayan tamapankasipki uka k'ari jaqinakampi lurkä uka. Jupanakax judío jaqjamaw tukupxi, ukampis chiqpachan janiw judío jaqinakäpkiti. Juma nayraqatan jupanakar killt'asiyä, nayan jumar munasitax yatipxañapataki.

Jueces 5:12

“¡Sartasim, Débora, sartasim; sartasim mä q'uchu q'uchurakim! ¡Jumasti Barac, Abinóam chachan yuqapa, sarthapim, katuntat jaqinakamar apasxam!

Jueces 5:14

Efraín ayllunkirinakat yaqhip chachanakax qhirwaruw saraqanipxäna, jupanakan qhipapsti Benjaminankir tamaw sarapxäna. Maquir chiqankirinakat jilïrinakapaw saraqanipxäna, Zabulón ayllunkirinakatsti marka apnaqirinakapaw saraqanipxäna.

Jueces 5:23

Tatitun angelapasti yatiyiwa: ‘¡Meroz markxaru, jaqinakapxaru jach'a ñanqhachäwi jutpan!’ sasa. Tatitun ejercitopar yanapt'ir jan jutapxatapata, ¡Tatit layku nuwasiñ jan munapxatapata!