Jueces 4:21 - Qullan Arunaka DC

²¹ Ukampis Sisarax wali qaritätapat laykux ikjawayxäna. Ukham uñjasinsti, Jael warmix mä martillompi, chhujlla utap katxäsir ch'akurumpi aptasinxa, kawkhantix Sisarax ikiskäna ukkharuw k'achat jak'achasïna, ukatsti uka ch'akurumpiw p'iqipat liq'intäna uraqkam puriyasa. Ukhamaw Sisarax jiwäna.

Aymar Bibliia 1986

²¹ Ucampis Sisarajja wali karjata purisasti icjawayjjänwa jan sartquiri. Uqham uñjasinsti Jael sat warmejj mä martillompi, utap caturi mä ch'acuru aptasinjja, Sisarajj cawqhantejj icqui ucqharojj jan toljjtayasa c'achata jac'achasisajj uca ch'acurumpiw p'ekepata lek'entäna orakcam puriyasa. Uqhamaw Sisarajj jiwäna.

Qullan Arunaca

²¹ Ucampis Sisarajja wali karjata purisasti icjawayjjänwa jan sartquiri. Uqham uñjasinsti Jael sat warmejj mä martillompi, utap caturi mä ch'acuru aptasinjja, Sisarajj cawqhantejj icqui ucqharojj jan toljjtayasa c'achata jac'achasisajj uca ch'acurumpiw p'ekepata lek'entäna orakcam puriyasa. Uqhamaw Sisarajj jiwäna.

Jueces 4:21 Jak'a apnaqawi uñst'ayäwi

Salmos 3:7

7 (8) ¡Tatay, sartasikimaya! ¡Dios Tatituxay, qhispiyasikitaya! Jumaw uñisirinakaxan ajanupat t'axllinuqäta; ¡ñanqha luririnakan laka ch'akhanakap t'unsurakïta!

1 Corintios 1:19

Qillqatan siwa: “Yatiñan jaqinakan yatiñ kankañap chhaqtayä, ch'ikhi jaqinakan ch'ikhi kankañapsa tukjarakïwa” sasa.

1 Corintios 1:27

Diosax jaqinakan pisi amuyunit uñt'at jaqinakaruw jach'a amuyuninakar p'inqachañatak ajllisi, ukhamarakiw jaqinakan pisi ch'amanit uñt'atanakaru, jila ch'amaninakar p'inqachañatak ajllisi.

Jueces 15:15

ukatsti ukawjan asnon chhuyu änkha ch'akhap uñjasin, ukampiw waranqa filisteonakarux jiwarayäna.

Jueces 3:21

Ehud chachan ch'iqachütapatsti, ch'iqa amparapampi kupïxat espada aysusisaw Eglón reyirux purakapat chhuqhuntäna.

Jueces 3:31

Uka qhipatsti israelitanakan jilïripax Samgar satänwa, jupasti Anat chachan yuqapänwa, jupax hierro k'achin lawampiw patak filisteonak jiwarayäna. Ukhamat Samgar chachax israelitanakar qhispiyäna.

Jueces 4:20

Sisarasti juparux sänwa: —Chhujlla punkur sayt'asim, khitirak jutasina jiskt'iristam: ‘Aka manqhan khitis utji’ sasa, jumax sätawa: ‘Janiw khitis akan utjkiti’ —sasa.

Jueces 4:22

Kunapachatix Barac chachax Sisarar thaqhasa purinkän ukkhasti, Jael warmix jupar katuqiriw mistüna, ukatsti sänwa: —Jutam, khitirutix thaqkta ukaruw uñacht'ayäma —sasa. Barac chachasti chhujlla manqhir mantasin Sisararux uraqin jiwata, p'iqipat mä ch'akurumpi liq'intat uñjäna.

Jueces 4:9

Débora warmisti sänwa: —Ukhamasti nayax jumamp chikaw sarä, ukampis aka nuwasiñan atipjkäta ukax janiw juman jach'achasiñamatakïkaniti, Tatitux mä warmin amparaparuw Sísara chacha katuyani —sasa. Ukatsti Débora warmix Barac chachampiw Quedes chiqar saräna.

1 Samuel 17:43

ukat säna: —¿Nayasti anütti juman lawampi nuwasiri jutañamatakixa? —sasa. Ukatsti ukspachaw uka filisteo jaqix diosapan sutipxaru Davidarux ñanqhachäna.