Jueces 4:14 - Qullan Arunaka DC

¹⁴ Ukapachaw Débora warmix Barac chachar säna: —¡Nayraqatar sarantaskakim, jichhüruw Tatitux Sísara chacharu amparamar katuyätam! ¡Tatitux niyaw soldadonakam nayräxap sarantaski! —sasa. Barac chachasti Tabor qullut tunka waranqa soldadonakampiw saraqtanïna,

Aymar Bibliia 1986

¹⁴ Ucatsti Déborajj Barac chacharojj sänwa: —¡Sarantam nayrakataru, Diosasti niyawa soldadonacaman nayrakatapa sarantasqui! —sasa. Ucatsti Barac sat chachajja, Tabor sat kollutsti tunca waranka soldadonacampiw saraktanipjjäna.

Qullan Arunaca

¹⁴ Ucatsti Déborajj Barac chacharojj sänwa: —¡Sarantam nayrakataru, Diosasti niyawa soldadonacaman nayrakatapa sarantasqui! —sasa. Ucatsti Barac sat chachajja, Tabor sat kollutsti tunca waranka soldadonacampiw saraktanipjjäna.

Jueces 4:14 Jak'a apnaqawi uñst'ayäwi

Génesis 19:14

Lot chachasti tullqanakapan ukaruw saräna, jupanakasti phuchhanakapampi jaqichasiñatak parlatäpxänwa, ukat jupanakarux sarakïna: —¡Sarxarupxam, aka markat jayar sarxapxam, Tatituw aka marka t'unjani! —sasa. Ukampisa tullqanakapax janiw Lot chachan aruparux yäqapkänti.

Génesis 44:4

Jupanakasti janïraw markat jayankapkänti, ukapachaw Joseax utap apnaqir jilïrir säna: —Uka jaqinakar arktam, ukatsti jikxatasin sarakim: “¿Kuns ak lurapxista? ¿Kunatsa uywirixan qullqi qirup lunthatsunipxta?

2 Samuel 5:24

Uka quqanak patan jaqi sarnaqirjam suxuqir ist'käta ukapachasti, jupanakar ch'amampiw katuntäta, nayaw juma nayraqatam sarantaskä, filisteonakar jiwarayañkam katuntañataki —sasa.

Isaías 52:12

Ukampis janiw mäki mistunipxañamäkiti, janirakiw laqas jalsunipxañamäkiti, Israelan Tatit Diosapax jumanakarux imasipkätamwa.

Miqueas 2:13

Tatituw jupanakatakix thakhi jist'arani, jupanakasti uka thakhinjam arkapxarakini, marka punku chiqaw mistuwayapxani. Tatitu reyipasti, jupanakan nayrap sararakini.

Deuteronomio 9:3

“Jichhasti jumanakax yatipxañamawa, Tatit Diosamaw jumanak nayram saraski, mä ninar uñtataw jumanak nayräxan uka markanakar t'unjani, jisk'achjarakini. Jumanakax uka markanakarux mä ch'ipxtanak jaqunukupxäta t'unjapxarakïta, kunjämtix Tatit Diosamax arsuwayki uka aruparjama.

Josué 10:8

Tatitusti Josué chacharux sänwa: “Jan jupanakar axsaramti, nayaw amparamar katuyaskäma, janirakiw jupanakat khitis saykatkätamti” sasa.

Josué 7:13

Sartasim, ukatsti Israel markar tantacham. Jupanakasti wakichasipxpan, nayan nayraqataxan qharüru uñstapxañapataki. Naya, Israelan Tatitu Diosapaw akham arsta: ‘Jumax Israel marka, kunatix taqi tukjatäñapäkän ukat apaqastaxa, janitix jumax ukanak tukjkäta, jaqunukkarakïta ukaxa, janiw uñisirinakamarux saykatkasmati.’

Jueces 19:28

Ukat jupar säna: —Sartam sarxañäni —sasa. Ukampis uñt'atapax janiw arskänti. Ukhamasti jupax jiwat janchip asnopar khumxatasin utaparuw sarxäna.

Jueces 4:10

Ukansti Barac chachax Zabulón, Neftalí ayllunkirinakaruw jawsäna, ukatsti tunka waranqa chachanakani ejército nayräxap sarantäna. Débora warmisti jupamp chikaw saräna.

Jueces 7:9

Uka arumasti Tatitux Gedeonar sänwa: “Sartasim, madianitanakar katuntir saram, nayaw jupanakxa amparamaru katuyäma.

1 Samuel 9:26

Saúl waynasti ukaruw ikt'xäna. Qhipärmanthisti Samuelux Saúl waynar jawsasin uka uta patan parlxayäna akham sasa: —Sartasxam, utamar kuttxañamawa —sasa. Saúl waynasti sartasin Samuelumpiw uka utat mistuwayxäna,