Jueces 4:12 - Qullan Arunaka DC

¹² Sísara chachax, Barac chachan Tabor qullur makhatatap yatisinxa,

Aymar Bibliia 1986

¹² Ucampis Sisarajja, Barac sat chachan Tabor sat kollunacapat yatisinjja,

Qullan Arunaca

¹² Ucampis Sisarajja, Barac sat chachan Tabor sat kollunacapat yatisinjja,

Jueces 4:12 Jak'a apnaqawi uñst'ayäwi

Salmos 89:12

12 (13) Jumaw amsta tuqsa, aynach tuqsa lurtaxa; Tabor qullumpi, Hermón qullumpix kusisitaw sutim jach'añchapxi.

Salmos 89:13

13 (14) Amparamax taqi ch'amaniwa; kupi amparamasti wali ch'amaniwa.

Jeremías 46:18

Nayaw reyïtxa, taqi ch'aman Tatitu satarakïtwa, sutix laykuw juramentompi arsta: Qullunak taypinkir Tabor qullur uñtata, jach'a quta thiyankir Carmelo qullur uñtata, ukhamaw uñisirimax jutantani.

Oseas 5:1

“Sacerdotenaka, aka arunak ist'apxam; Israel marka apnaqirinaka, ist'asipxam, reyin utapan utjirinaka, ist'apxarakim: Nayan markaxar sallqjapxatamatsti, taripasin mutuyapxäma. Israel markaxarux juk'amp kutkatasir tukuyapxtaxa. Mispá, Tabor uka qullan utanakan munkir jan munkir yaqha diosanakar yupaychayapxtaxa.

Josué 19:12

Sarid chiqat inti jalsu tuqirusti, qurpax Quislot-tabor chiqakamaw purïna; ukawjatsti Daberat tuqiruw saräna, ukatsti Jafía chiqakamaw makhatäna.

Josué 19:22

Uka uraqin qurpapasti Tabor, Sahasimá, Bet-semes chiqanakkamaw purïna, Jordán jawiraruw tukuyäna; taqpachax tunka suxtan markanakänwa, jisk'a markanakapamppacha.

Josué 19:34

Aynach tuqi qurpax Jordán jawirat qalltäna; ukatsti inti jalanta tuqit Aznot-tabor markakamaw purïna, ukawjatsti amsta tuqiruw muytäna, Zabulón ayllun qurpapanjam saraskakïna, Hucoc markar puriñkama. Ukatxa saraskakïnwa, inti jalanta tuqirusti, qurpapax Aser ayllun uraqipampiw qurpasïna, inti jalsu tuqirusti Jordán jawirampiraki.

Jueces 4:11

Quedes sat chiqa jak'anxa, Saanaim sat encina thiyan Héber sat quenita jaqix utap lurasïna, jupasti mayni quenitanakat jayaruw saraqxatayna, jupanakax Hobab sata, Moisesan awkch'ipat saraqirïpxarakïnwa.

Jueces 4:13

hierrot lurat llätunk patak carronakapa, taqpach soldadonakap tantacht'äna, ukatsti jupanakampix Haróset-goím chiqat mistusin Quisón jawir thiyakamaw sarantäna.

Jueces 4:6

Mä urusti, Débora warmix Barac sat chachar jawsiriw khithäna, jupasti Abinóam chachan yuqapänwa, Neftalí ayllunkir Quedes markan jakarakïna, juparusti sänwa: —Israelan Tatitu Diosapax, akham sistamwa: “Tabor sat qullur saram, ukansti Neftalí, Zabulón ayllunkirinakat tunka waranqa chachanak tantacht'am.

Jueces 8:18

Ukxarusti Zébah, Salmuná reyinakaruw jiskt'äna: —¿Kunjämarakïna Tabor markan jiwarayapkta uka jaqinakasti? —sasa. Jupanakax sapxänwa: —Jumas kipkakïnwa, jupanakat sapa maynix reyir uñtatäpxänwa —sasa.