Jueces 3:27 - Qullan Arunaka DC

²⁷ Israelita uraqir purisinsti, Efraín qullun trompet phust'äna, israelitanakar jawsañataki, uk ist'asasti jupanakax taqpachaniw Ehud chachan qhipap qullunakat saraqanipxäna.

Aymar Bibliia 1986

²⁷ Ucat israelitanacan orakepar purisasti ovej wajjratwa pututt'äna Efraín sat lomanacata israelitanacar jawsañataqui. Uqham pututt'ir ist'asinsti take israelitanacaw lomanacat sarakanipjjäna, Aod chachat irpirini.

Qullan Arunaca

²⁷ Ucat israelitanacan orakepar purisasti ovej wajjratwa pututt'äna Efraín sat lomanacata israelitanacar jawsañataqui. Uqham pututt'ir ist'asinsti take israelitanacaw lomanacat sarakanipjjäna, Aod chachat irpirini.

Jueces 3:27 Jak'a apnaqawi uñst'ayäwi

2 Samuel 20:22

Ukatsti ukspachaw warmix jalasin taqpach markachirinakar wali ch'ikhi kankañapamp amtayäna, Sebá jaqin p'iqip apaqañataki, ukat Sebá jaqin p'iqip apaqasinxa, Joab chacharuw uka p'iqi pirqa patatpach liwt'anxapxäna. Ukat Joab chachax trompeta phust'ayarakïna, soldadonakasti taqiniw uka markat jithiqtawayxäna, sapa maynis utaparkamaw sarxapxäna. Joab chachasti Jerusalén markaruw reyimp parlir kuttxäna.

2 Reyes 9:13

Ukatsti jupanakat sapa mayniw isinakap apaqasisin kayup nayraqataru jant'akupxäna. Ukatsti trompeta phust'apxäna, art'asipxarakïnwa: “¡Jallalla, Jehú reyi!” sasa.

Nehemías 4:14

14 (8) Nayasti jupanakan axsarayasipxatap uñjasin jilïrinakaru, marka apnaqirinakaru, taqi jaqinakamppacharuw sayt'asisin akham sista: “Jan axsarapxamti. Amtasipxam, Tatitux jach'a ch'amaniwa, axsarkañarakiwa; jumanakax nuwasipxam masinakam layku, wawanakam layku, warminakam layku, utanakam laykuraki” sasa.

Josué 17:15

Josué chachasti jupanakarux sänwa: —Niyakixay jumanakax waljanïpxstaxa, Efraín qullunakapas jumanakatakix jisk'akirakïchixa, ukhamax ch'umi uraqir sarapxam, ukatsti ferezeo jaqinakana, refaita jaqinakan uraqinakap pampachjapxam —sasa.

Josué 17:18

jan ukasti, uka ch'umintat qullunakax jumanakankarakiniwa, jumanakax uka ch'uminak katuntasipxäta. Cananeo jaqinakarusti jumanakax uka chiqat jaqunukupxäta, qawqha ch'amanïsipkpansa, hierrot lurat carronakanïsipkpansa —sasa.

Jueces 10:1

Abimélec qhipatsti, Isacar ayllunkiri, Puá chachan Tolá sat yuqapa, Dodó chachan allchhipäki, jupaw Israel markar qhispiyañatak sayt'äna. Tolá chachax Samir chiqan jakäna, Efraín qullunakana,

Jueces 17:1

Efraín sata qullunakan mä jaqiw jakäna Micaías sutini,

Jueces 19:1

Israel markan reyix janïr utjkän uka urunakansti, Efraín qullunakan mä levitaw jakäna, jupasti Judá uraqin Belén markankir mä warmimpiw chikäna.

Jueces 3:26

Jupanak ukham suykipansti, Ehud chachax jaltxänwa, Guilgal markan diosanakap jak'a sarakipawayasinsti, Seirat chiqaruw imantasxäna.

Jueces 5:14

Efraín ayllunkirinakat yaqhip chachanakax qhirwaruw saraqanipxäna, jupanakan qhipapsti Benjaminankir tamaw sarapxäna. Maquir chiqankirinakat jilïrinakapaw saraqanipxäna, Zabulón ayllunkirinakatsti marka apnaqirinakapaw saraqanipxäna.

Jueces 6:34

Ukampis Tatitun ajayupaw Gedeonxar jutäna, ukatsti jupax trompet phust'äna, Abiézer wila masi tamanakapan jupampi mayacht'asipxañapataki;

Jueces 7:24

Ukatsti Gedeonax Efraín qullunkirinakaruw yatiyirinak khithäna, uka ayllunkir chachanakax madianitanakampi nuwasir saraqanipxañapataki, ukhamarak jupanakax Bet-bará jawira, Jordán jawira makhatañsa jark'antapxañapataki, madianitanakan uka chiqar janïr purinkipana. Efraín ayllunkirinakasti uka yatiyäwirux ist'apxänwa,

1 Samuel 13:3

Ukatsti Jonatanax Guibeá chiqankir filisteo soldadonakarux q'al tukjäna, filisteonakasti taqi ukanak yatipxäna. Ukatsti Saúl reyix taqi Israel markpachan trompetanak phust'ayäna, ukhamat hebreonakan jank'akïpxañapataki.