Jueces 3:1 - Qullan Arunaka DC

¹ Tatitux aka markanak Canaán uraqiru qhiparayäna, kawkïr israelitanakatix Canaán uraq katuntasiñatak nuwasipkän ukkhax, janïr yuripkatayna ukanakar yant'añataki.

Aymar Bibliia 1986

¹ Diosasti aca marcanacwa kheparayäna Canaán orakeru, cawquïr israelitanacatejj khepat nacipqui cunapachatejj Canaán orake catuntasiñataqui nuwasipcäna uca jan uñjapqui ucanacaru yant'añataqui.

Qullan Arunaca

¹ Diosasti aca marcanacwa kheparayäna Canaán orakeru, cawquïr israelitanacatejj khepat nacipqui cunapachatejj Canaán orake catuntasiñataqui nuwasipcäna uca jan uñjapqui ucanacaru yant'añataqui.

Jueces 3:1 Jak'a apnaqawi uñst'ayäwi

1 Reyes 9:21

uka jaqinakat saraqirinakarux israelitanakax janiw tukjirjamäpkänti, Salomonasti uka jaqinakarux wali ch'ama lurañanakaruw uchäna, jichhürkamas ukhamäsipkiwa.

2 Crónicas 32:31

Kunapachatix Babilonia markankir jilïr irpirinakax khithanak khithankäna, markan kuna muspharkañatix luraskatayna ukanak yatxatiri ukkhaxa, Diosax Ezequiasar sapak jaytäna jupar yant'añataki, ukhamaraki chuymapan lup'ïwipa yatiñataki.

Job 23:10

Jupaw sarnaqäwixa yati; yant'atasti suma qurir uñtat q'umaw mistü.

Éxodo 15:25

Ukat Moisesax Tatitur yanap mayïna, Tatitusti juparux mä ali uñacht'ayäna. Moisesasti umaruw uka ali jaquntäna, umasti muxsaw tukxäna. Ukhamaw Tatitux israelitanakan iyawsañanakap uka chiqan yant'äna, mä kamachi churarakïna, jupanakan sum sarnaqapxañapataki.

Proverbios 17:3

Qurisa, qullqisa ninamp yant'atawa; jaqin chuymanakapsti Tatituw yant'i.

Jeremías 6:27

Tatitusti sarakituwa: “Nayax aka markaxaru yant'añamatakiw jaytsma. Kunjämas sarnaqäwipax uk sum uñjam” sasa.

Juan 2:24

Ukampis Jesusax janiw jupanakar alkataskänti, jupan taqinir uñt'atap layku.

Deuteronomio 7:22

Tatitux juk'at juk'at uka markanakar jaqunukuskani; jumanakasti janiw jupanakar jank'aki tukjapkasmati, qullun jakir qhuru animalanakaw mirantaspa, ukatsti muyuntasin chhukxatapxiristam.

Deuteronomio 8:16

Ukatsti wasaran maná sat manq'a manq'ayapxtam, janiw nayra awkinakamas uka manq'a uñt'apkataynati, ukhamat jumanakar yant'añataki, llamp'u chuymanïñ yatiqapxañamataki, ukasti jumanakan askimatakirakïnwa.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

1 Pedro 4:12

Munat jilatanaka, uka jach'a yant'anak jumanakxar jutatapatxa, jan mayjt'asipxamti, mä kuna jan walis jutkaspa ukhama.

Jueces 1:1

Josué chachan jiwxatapatsti, israelitanakax Tatituruw jiskt'apxäna, kawkïr ayllus nayraqata cananeo jaqinakampi nuwasispa uk yatiñataki.

Jueces 2:10

Josué chacha mita israelitanakax taqiniw jiwarxapxarakïna. Ukhamasti, uka qhipat yuriri israelitanakax janiw Tatitur uñt'apkänti, janirakiw Israel markatak jupan jach'a muspharkañ luratapatsa yatipkänti.

Jueces 2:23

Ukat Tatitux uka markanak jan mäki jaqunukkänti, janirakiw Josué chachan amparaparus alisnukuñapatak katuykänti, jan ukasti pachpa uraqiruw qhiparayäna.

Jueces 3:2

Ukat Tatitux khitinakatix janipun nuwasïwinakankañ yatipkäna, ukanakan nuwasiñ yatiqapxañapatakiw jupanakar qhiparayäna.