Jueces 21:1 - Qullan Arunaka DC

¹ Israelitanakax Mispá chiqan juramento lurapxatayna, phuchhanakapan benjaminita jaqinakampi jan jaqichasiñapataki.

Aymar Bibliia 1986

¹ Israelitanacasti Mizpa sat marcanjja juramento lurapjjäna phuchanacapajja jani benjaminitanacampi casarasiñapataqui.

Qullan Arunaca

¹ Israelitanacasti Mizpa sat marcanjja juramento lurapjjäna phuchanacapajja jani benjaminitanacampi casarasiñapataqui.

Jueces 21:1 Jak'a apnaqawi uñst'ayäwi

Eclesiastés 5:2

2 (1) Diosatak mä kun lurañatakis jan mäki arsumti, Diosax alaxpachankiwa, jumasti akapachankaraktawa. Ukat juk'ak parlañamax wakisi,

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Jeremías 40:6

Ukhamaw Jeremías profetax Mispá sata chiqar Guedalías jaqimpi jakir sarxäna, ukhamaraki kawkïr jaqinakatix uka uraqir qhiparapkatayna ukanakampi.

Marcos 6:23

Ukatsti juramento lurarapïna akham sasa: “Kuntix maykitäta uk churämawa, chikatpach marksa munät ukax churakïmawa” sasa.

Hechos 23:12

Qhipürusti yaqhip judionakax Pablor jiwayañatakiw arust'apxäna, ukatsti juramento lurapxäna: Pablor jiwayañkam jan manq'añataki, jan umañataki. “Jan ukham lurkañänixa, jiwasaw ñanqhachäwir puriñäni” sasa.

Romanos 10:2

Jupanak laykusti saraktwa, jupanakan mä suma amtäwipaw Diosar luqtañatak utji; ukampis uka amtäwipax janiw chiqpach yatiñ kankañxar utt'ayatäkiti.

Jueces 20:1

Ukhamasti israelitanakax taqpachaniw Dan, Beerseba, Galaad chiqankirinakax mayar tukt'asin Tatit nayraqatan tantacht'asipxäna.

Jueces 20:10

Israelan taqpach ayllunakapata, sapa tunka chachanakat mayniw ejercitotaki manq'añ thaqhapxani; mayninakasti Guibeá markankirinakar tukjiriw sarañäni, uka axtkañ luräwi Israel marka taypin lurapxatapata.

Jueces 20:48

Israelitanakasti uka qhipat maynïr benjaminitanakaruw katuntapxarakïna, cuchillompkamaw sapa markankir jaqinakarux jiwarayapxäna, uywanaksa, sarkasin jikxatapki ukanaksa taqi jiwarayapxäna, markanaksa ninampiw phichhantapxarakïna.

Jueces 20:8

Israelitanakasti mä sapa chachäkaspas ukhamaw taqin sayt'asipxäna, ukatsti sapxarakïnwa: —Jiwasanakat janiw maynis utasarux kutt'kañäniti.

Jueces 21:18

Ukampis jiwasanakax janiw phuchhanakasa jupanakamp jaqichasiñapatakix churksnati, jiwasa israelitanakax taqpachaniw juramento lurtan, benjaminitanakaru phuchhanakasa jan churañataki, uk luriristi ñanqhachatäñapataki.

Jueces 21:22

Uka tawaqunakan awkinakapampi, jan ukax jilanakapampitix arsusiri jutapxanixa, nanakax sapxäwa: ‘Nanakax achikt'asipxsmawa, jupanakat khuyapt'ayasipxam, Jabés markampi nuwasiñan janiw taqinitak warmi jikxatarapipkti. Ukhamarus jumanakax phuchhanakam jan churapxatam laykux janiw juchanïpktati’ ” sasa.

Jueces 21:5

Ukatsti jupanakkamaw jiskt'asipxäna: “¿Jiwasanak taypit khitisa Mispá chiqan tantachäwir jan sarkänxa?” sasa, jupanakax tantachäwir jan saririrux jiwayañatakiw juramento lurapxatayna.

Jueces 21:7

“Jichhasti, ¿kunjämatsa qhiparapki uka benjaminitanakatak warminak jikxatarapiñäni? Jiwasax Tatit nayraqatan juramento lurtan phuchhanakasax jupanakamp jan jaqichasiñapataki.

1 Samuel 14:24

Ukampis uka urux israelita jaqinakax wali qarjtatäpxänwa, janirakiw khitis kunsa manq'kataynati, Saúl reyiw markarux juramento lurayäna, akham sasa: “Khititix janïr jayp'untkipan mä kunsa manq'kani, janïr nayan uñisirinakaxar phuqsuskipana ukaxa, jiwayatäpan” sasa.