Jueces 20:13 - Qullan Arunaka DC

¹³ Jank'aki Guibeá markankki uka jan wali jaqinakar katuyapxita, nanakan jupanakar jiwarayañataki, ukhamat Israel markax uka jan wali luratat q'umachatäñapataki” sasa. Ukampis Benjamín ayllunkirinakax janiw Israelita jilanakaparux yäqapkänti,

Aymar Bibliia 1986

¹³ Churjjapjjeta Gabaa marcancqui uca jan wali jakenaca, nanacasti jiwayapjjäwa uqhamatwa Israel marcajj uca jan wali luratata k'omachatäni” sasa. Ucampis Benjamín tribunquirinacajja janiw mayni israelita jilanacaparojj ist'apcänti.

Qullan Arunaca

¹³ Churjjapjjeta Gabaa marcancqui uca jan wali jakenaca, nanacasti jiwayapjjäwa uqhamatwa Israel marcajj uca jan wali luratata k'omachatäni” sasa. Ucampis Benjamín tribunquirinacajja janiw mayni israelita jilanacaparojj ist'apcänti.

Jueces 20:13 Jak'a apnaqawi uñst'ayäwi

2 Samuel 20:1

Benjamín ayllun mayni qhuru jaqiw utjäna, Sebá sata, Bicrí jaqin yuqapänwa, jupasti Guilgal markan jikxatasïna. Uka Sebá jaqisti markachirinakaruw sayt'asiñatak amtayäna, akham sasa: “¡Jiwasan janiw Davidampi kuna lurañasas utjkiti! ¡Israelit jaqinaka, utanakamar kuttxapxam!” sasa.

2 Samuel 23:6

Ñanqha lurir jaqinakax jan khitinsa aptata, apanukut ch'aphinakjamäniwa.

1 Reyes 21:13

Ukxarusti pani k'ari jaqinakaw purinïna, ukatsti taqi jaqinak nayraqatan Nabot chachar irkatapxäna: “Nabot chachax Diosampiru, reyimpiruw ñanqhachi” sasa. Ukatsti ukspachaw Nabot chacharux markat irpsusin qalampi k'upjaskam jiwayapxäna.

2 Crónicas 13:7

Juparusti jan wali lurir jayra jaqinakaw jaqkattapxäna, ukatsti Salomón chachan Roboam yuqaparux atipjapxänwa, jupasti waynäskatap laykux janiw jupanakar saykatirjamäkänti.

2 Crónicas 25:16

Profetax uka arunak arskäna ukkhaxa, reyix juparux saskakïnwa: —¿Khitirak jumarusti reyin amuyt'ayiripat uchtamsti? ¡Jan ukanak parlkamti! Jan ukax ¿jiwayatäñcha muntaxa? —sasa. Profetasti ukxarux janiw juk'amp arskxänti, ukampis sänwa: —Diosax uk luratamata, iwxa arunakaxar jan ist'atamatsa t'unjätamwa —sasa.

2 Crónicas 25:20

Amasías reyisti janiw jupar ist'känti, Diosaw ukhamäñapatak wakt'ayäna, Joás reyin amparapar katuyañataki, jupan Edom chiqankir diosanakar alkatasitap layku.

Proverbios 29:1

Chiqachäwi jan katuqañ munir jaqix, jan mayampitakiw tukjat uñjasini.

Eclesiastés 11:10

Chuymaman llakisiñanakapa, jan walt'añanaksa apanukum, waynanakan suma urunakapax inamayakïtap layku.

Oseas 10:9

Tatitux siwa: “Israelax Guibeá chiqan jucha lurañ qalltkän ukkhatxa, janiw jucha lurañap apanukkiti. ¡Pachpa juchanakapan sarnaqasipki! Ukat jichhax jupanakan jan walïpxatapatxa nuwasïwix pachpa Guibeá chiqan tukjani.

Oseas 9:9

Guibeá markan urunakapanjam ñanqha lurañanakapampix q'al aynacht'xapxi. Ukampis Tatitux ñanqha luratanakapat amtasiniwa, juchanakapatsti mutuyarakiniwa.

Romanos 1:32

Kuntix Diosax arsuwayki uk sum yatipxi, khitinakatix ukham lurapki ukanakan jiwayatäñapsa yatipxarakiwa, uk yatkasas lurasipkakiwa, mayninakan ukham luripansa kusisipxiwa.

2 Corintios 6:15

Cristompi Supayampix janiw suman sarnaqapkaspati, janirakiw Cristor iyawsirimpi jan iyawsirimpix suman sarnaqapkaspati.

Deuteronomio 13:13

13 (14) Diosar jan jaysir jaqinakan uñstatapa, markachirinakar Diosat jithiqtayaskatapa, yaqha jan uñt'at diosanakar yupaychayaskatapa ukkhasti,

Deuteronomio 13:5

5 (6) Uka unañchäwinak uñjir profetasti jiwayataw uñjasini, jumanakar Tatit Diosamatak sayt'asiñ amtayatapata, thakhipat jithiqtayañ munatapata. Ukhamat jumanak taypit taqi jan wali luräwinakxa saphitpach jik'inukupxäta. Tatitusaw jumanakar Egipto markan t'aqhisiyat sarnaqañat qhispiyanipxtam, ukhamasti juparukiw jaysapxäta.

Deuteronomio 13:6

6 (7) “Juman jilamatixa, pachpa jilamäkasina, jan ukax yuqall wawamasa, imill wawamasa, munat warmimasa, wali munat masimasa, jamasat jumar yaqha diosanakar yupaychayañ amtayätam, kawkïr diosanakarutix jumasa, awkinakamas jan uñt'kän ukaru,

Deuteronomio 17:12

Ukampisa jumanakat kawkïritix, jach'a jach'a tukuñampi Diosan luqtirip sacerdoten arsutaparu, jan ukax taripirin arsutapar jan ist'kanixa, uka jaqisti jiwayatäñatak juchañchatäniwa. Ukhamat jumanakax ñanqha luräwinak Israel markan tukjapxäta,

Deuteronomio 17:7

Nayraqatax irkatirinakaw uka juchañchat jaqirux jiwayañatak qalanakamp k'upjani, ukxaruw taqpach markachirinakax k'upjarakini. Ukhamat uka jan wali luräwinak jumanak taypit tukjapxäta.

Deuteronomio 19:19

juparuw mutuyapxani, kunjämtix jupax jilapan mutuñap munkäna ukhamarjama.

Deuteronomio 21:21

Ukatsti markankir taqpach jaqinakaw qalamp k'upjasin uka qallasir wawar jiwayapxani. Ukhamat jumanakax markaman uka ñanqha luririnak tukjapxäta, uk yatisinsti israelit jaqinakax wal axsarapxani.

Deuteronomio 22:21

ukapachax markankir jaqinakaw awkinakapan utapat jupar irpsunipxani, ukatsti ukarpachaw qalampi k'upjasin jiwayapxani, jupan mä jach'a jucha Israel markan luratapata, awkipan utap p'inqachayatapata. Ukhamat jumanak taypin jan wali lurañanak tukjapxäta.

Deuteronomio 22:24

panpachaniw markan jilïrinakap nayraqatar irpat uñjasipxani, uka jilïrinakasti qalampi k'upjasa jiwayatäpxañapatakiw juchañchapxani, tawaqurux markankkasin jaqinakar yanap jan mayitapata, chacharusti jaqi masipan warmipar p'inqachatapata. Ukhamat jumanak taypin ñanqha lurañanak tukjapxäta.

Deuteronomio 24:7

“Mayni israelit jaqirutix jila masipar t'aqhisiyat uywatar tukuyañataki, jan ukax aljañatak imantaskir katjatäni ukasti, uka jaqirux jiwañapatakiw juchañchasini, ukhamat jumanak taypit ñanqha lurañanak tukjañataki.

Jueces 19:22

Ukhama kusisitäpkan ukkhawa, markankir jan wali jaqinakax utar muyuntasin punkut liq'intapxäna, ukatsti utani awkirux sapxänwa: —¡Utamar sart'ir jaqir irpsunim! ¡Nanakax jupamp ikintasiñ munapxta! —sasa.

Jueces 20:12

Ukatsti Benjamín ayllun uraqinakaparux yatiyirinak khithapxäna, jupanakar akham sapxañapataki: “¿Kunatsa jumanakat mä yaqhipanakax ukham jan walinak lurasin jiwayapxta?

Jueces 20:14

jan ukasti, taqi markanakapat benjaminitanakax Guibeá chiqan tantacht'asipxäna, maynïr israelitanakampi nuwasiñataki.

1 Samuel 2:25

Mä jaqitix masipar jan wal luraspaxa, Tatitux uka jaqit arxataspawa, ukampis maynitix Tatitur ñanqha lurchi ukasti, ¿khitirak jupat arxataspasti?” sasa. Ukampis janiw jupanakax kuntix awkipax siskäna ukarux ist'apkänti, ukat Tatitux jupanakan jakañap apaqañ amtäna.

1 Samuel 30:22

Ukampisa Davidan jaqinakapat wali qhuru jaqinakaw utjäna, jupanakasti sapxänwa: —Khitinakatix jan jiwasanakamp chika sarapki ukanakarux janiw kunas churatäñapäkiti, jan ukasti warminakapa, wawanakap kutirayasisax sarxapxañapawa —sasa.