Jueces 20:1 - Qullan Arunaka DC

¹ Ukhamasti israelitanakax taqpachaniw Dan, Beerseba, Galaad chiqankirinakax mayar tukt'asin Tatit nayraqatan tantacht'asipxäna.

Aymar Bibliia 1986

¹ Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.

Qullan Arunaca

¹ Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.

Jueces 20:1 Jak'a apnaqawi uñst'ayäwi

2 Samuel 19:14

14 (15) Ukhamwa Amasá jaqix Judá markankir jaqinakar iyawsayäna, taqi jupanakasti, mä sapa jaqikïkaspas ukhamaw Davidampiru, taqi jaqinakapampir kuttayanxapxäna.

2 Samuel 2:9

ukan juparux Israel markan reyipat utt'ayäna. Ukhamat Is-bóset chachax Galaad, Gesuri, Jezreel, Efraín, Benjamín, uka markanak apnaqäna.

2 Samuel 24:2

Ukat reyix ejercitopan jach'a jilïripa Joab chachar säna: —Israel uraqin utjir taqpach ayllunakapar muytanim, Dan chiqata Berseba chiqakama, ukatsti markachirinakar jakthapim, qawqha jaqinakas utjatayna uk nayan yatiñaxataki —sasa.

2 Samuel 3:10

Saúl reyin qunuñap churañataki, ukatsti taqpach Israel markxaru, Judá uraqxar reyit utt'ayañataki, Dan sat chiqata, Beerseba sat aynach chiqakama —sasa.

1 Reyes 5:5

5 (19) Ukat nayax Tatit Diosaxar yupaychañatak mä uta utacharapiñ amtasta, David awkixar arsutaparjama: ‘Khitirutix juma lanti reyit qunt'aykä uka wawamaw nayar yupachañatak mä uta utacharapitani’ sasa.

2 Reyes 25:23

Ukatsti kunapachatix Judá ejercitonkir jilïrinakasa, jaqinakapas uk yatipxäna ukkhaxa, jupanakax Guedalías chachampi parliriw Mispá chiqar sarapxäna. Jupanak taypinsti aka chachanakänwa: Netanías chachan Ismael yuqapa; Caréah chachan Johanán yuqapa; Netofá chiqankir Tanhúmet chachan Serahías yuqapa; Maacá markankir mä chachan Jaazanías yuqapa.

1 Crónicas 21:2

Ukhamasti Davidax Joab chacharu, markan jilïrinakaparux sänwa: —Sarapxam, ukatsti Israel markar jakthapinipxam, Beerseba chiqata qalltasina Dan chiqakama, jakthapisasti nayar yatiyapxita, qawqhanïkitix jaqix uk yatiñataki —sasa.

2 Crónicas 30:5

ukat jupanakax Israel markpachar jawsayañ amtapxäna, Beerseba chiqat qalltasa Dan chiqakama, Israelan Tatit Diosan Pascuapa uruyañatak Jerusalén markar sarapxañapataki. Nayrasti janiw qillqatäkäna ukhamarjam walja jaqinakampi uruyapkataynati.

Esdras 3:1

Paqallqür phaxsi purinxäna ukkhaxa, israelitanakax markanakapan utjnuqatäxapxänwa, ukatsti taqiniw Jerusalenan tantachasipxäna.

Nehemías 11:27

Hasar-sual, Beerseba,

Nehemías 8:1

Ukhamasti markachirinakax taqpachaniw plazan mayaki tantacht'asipxäna, Uma punku satäki uka nayräxana, ukatxa yatichiri Esdrasaruw sapxäna: “Tatitux Israel markaru Moisés tuqi kamachip churkatayna uka qillqat aptanim” sasa.

Jeremías 40:6

Ukhamaw Jeremías profetax Mispá sata chiqar Guedalías jaqimpi jakir sarxäna, ukhamaraki kawkïr jaqinakatix uka uraqir qhiparapkatayna ukanakampi.

Números 32:1

Rubén, Gad ayllunkir jaqinakan uywanakapax waljapunïnwa. Jupanakasti Jazer uraqimpi, Galaad uraqimpi, uywanak uywañatak wali suma uraqïtap uñjasinxa,

Números 32:40

Ukat Moisesax Maquir chachan saraqirinakaparux Galaad uraqinak churäna, jupanakasti ukan utjantasipxäna.

Josué 15:38

Dileán, Mispá, Jocteel,

Josué 17:1

Kawkïr uraqinaktix Josean jilïr yuqapa Manasés ayllux katuqkäna uka uraqinakax akham jaljatänwa: Maquir chachan wila masi tamanakaparux, Moisesax niyaw Jordán jawirat inti jalsu tuqinkir Galaad, Basán uraqinak jupanakar churxatayna. Maquir chachax jan axsaras nuwasir jaqïnwa, jupasti Manasés chachan jilïr yuqapänwa, Galaadankirinakan awkiparakïnwa.

Josué 18:26

Mispá, Quefirá, Mosá,

Josué 22:12

uk yatisasti, israelitanakax Siló chiqan tantacht'asipxäna jupanakampi nuwasir sarañataki.

Josué 22:9

Ukhamaw Rubén, Gad ayllunkirinaka, ukhamarak Manasés ayllunkir chikat jaqinakapax Siló chiqan maynïr israelitanakat t'aqaqtawayxapxäna, Canaán uraqina, Galaad chiqankki uka uraqinakapar kuttxañataki, kawkhantix uraqinakapax utjäna uka chiqaru, kunjämtix Tatitux Moisés tuqi arskatayna ukhamarjama.

Josué 4:13

Niya pusi tunka waranqa chachanakaw nuwasiñatak wakicht'ata, Tatitun arust'awi arcap nayraqatan sarakipapxäna, ukatsti Jericó pampanak tuqiruw mistuwayapxäna.

Jueces 10:17

Amonitanakax tantacht'asisin Galaad chiqaruw utjnuqtapxäna. Israelitanakasti tantacht'asipxarakïnwa, ukatsti Mispá chiqaruw utjnuqtapxäna.

Jueces 11:11

Ukhamasti Jefté chachax jupanakampiw saräna, ukatsti markax jilïr irpiripat utt'ayäna. Mispá chiqansti, Jefté chachax Tatit nayraqatan kuntix arskatayna uk wasitat arsüna.

Jueces 11:34

Kunapachatix Jefté chachax Mispá chiqankir utapar kutt'xän ukkhasti, phuchhaw thuqt'asisa, panderetanak chhulluqt'ayasis jupar katuqir mistunïna. Jefté chachax uka sapa phuchhanikïnwa, janiw yaqha wawanakapax utjkänti,

Jueces 18:29

Uka markan sutipax Lais satäkchïna ukasa, jupanakax Dan sasaw sutichapxäna nayra awkipan sutip amtasina, uka awkipasti Israelan wawapänwa.

Jueces 20:11

Israelitanakasti Guibeá markar katuntañatakix taqpachaniw mayacht'asipxäna.

Jueces 20:18

Israelitanakasti Betel markaruw sarapxäna, ukawjan Diosarux jiskt'asipxäna, kawkïr ayllusa Benjamín ayllunkirinakar nayraqat katuntaspa uk yatiñataki. Tatitusti Judá ayllunkiri nayraqat sarañapa yatiyäna.

Jueces 20:2

Israel markan ayllunakapan jilïrinakapax taqiniw ukankapxäna, Diosan markapax pusi pataka waranqa soldadonakaw tantacht'asïna.

Jueces 20:26

Ukhamasti Israelan taqpach soldadonakapampi, taqpach markampix Belenaruw wasitat sarapxäna, Tatit nayraqatan jachiri. Uka urux jan manq'ataw Tatiturux sumankthapiñ nakt'at waxt'äwinakampi, wilañchanakampi luqtapxäna.

Jueces 20:8

Israelitanakasti mä sapa chachäkaspas ukhamaw taqin sayt'asipxäna, ukatsti sapxarakïnwa: —Jiwasanakat janiw maynis utasarux kutt'kañäniti.

Jueces 21:5

Ukatsti jupanakkamaw jiskt'asipxäna: “¿Jiwasanak taypit khitisa Mispá chiqan tantachäwir jan sarkänxa?” sasa, jupanakax tantachäwir jan saririrux jiwayañatakiw juramento lurapxatayna.

1 Samuel 10:17

Ukxarusti Samuelux israelitanakaruw Mispá chiqan Tatitur yupaychañatak jawsthapïna;

1 Samuel 3:20

Taqpach Israel markaw yatïna, Dan sat chiqata Beerseba chiqakama, Samuelux chiqpachansa Tatitun profetapätapa.