Jueces 2:22 - Qullan Arunaka DC

²² Tatitusti ukampix israelitanakaruw yant'añ munäna, Diosan thakhipan sarapxaspati, kunjämtix nayra awkinakapax sarapkatayna ukhama, jan ukax janicha.

Aymar Bibliia 1986

²² Uqham Diosajj arsusinsti israelitanacarojj uñjañwa munäna Diosan thaquipana sarapjjaspati, cunjämtejj nayra awquinacapajj sarapcäna uqhama, jan ucajj janicha uca yatiñataqui.

Qullan Arunaca

²² Uqham Diosajj arsusinsti israelitanacarojj uñjañwa munäna Diosan thaquipana sarapjjaspati, cunjämtejj nayra awquinacapajj sarapcäna uqhama, jan ucajj janicha uca yatiñataqui.

Jueces 2:22 Jak'a apnaqawi uñst'ayäwi

Génesis 22:1

Mä qawqha maranak qhipatsti, Diosax Abrahaman iyawsañap yant'äna, ukat sarakïna: —¡Abraham! —sasa. —Akankasktwa —sasaw Abrahamax säna.

2 Crónicas 32:31

Kunapachatix Babilonia markankir jilïr irpirinakax khithanak khithankäna, markan kuna muspharkañatix luraskatayna ukanak yatxatiri ukkhaxa, Diosax Ezequiasar sapak jaytäna jupar yant'añataki, ukhamaraki chuymapan lup'ïwipa yatiñataki.

Job 23:10

Jupaw sarnaqäwixa yati; yant'atasti suma qurir uñtat q'umaw mistü.

Salmos 66:10

Diosay, jumaw yant'arux puriyapxista, ¡qullqirjamaw q'umachsupxista!

Éxodo 15:25

Ukat Moisesax Tatitur yanap mayïna, Tatitusti juparux mä ali uñacht'ayäna. Moisesasti umaruw uka ali jaquntäna, umasti muxsaw tukxäna. Ukhamaw Tatitux israelitanakan iyawsañanakap uka chiqan yant'äna, mä kamachi churarakïna, jupanakan sum sarnaqapxañapataki.

Proverbios 17:3

Qurisa, qullqisa ninamp yant'atawa; jaqin chuymanakapsti Tatituw yant'i.

Deuteronomio 13:3

3 (4) ukapachasti jan jumanakax jupanakar ist'apxamti; Tatit Diosamaw uka tuqit jumanakar yant'añ munasipktam, jumanakax taqpach chuymampiti, taqpach jakañamampit jupar munapxta uk yatiñataki.

Deuteronomio 8:16

Ukatsti wasaran maná sat manq'a manq'ayapxtam, janiw nayra awkinakamas uka manq'a uñt'apkataynati, ukhamat jumanakar yant'añataki, llamp'u chuymanïñ yatiqapxañamataki, ukasti jumanakan askimatakirakïnwa.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.

Jueces 2:23

Ukat Tatitux uka markanak jan mäki jaqunukkänti, janirakiw Josué chachan amparaparus alisnukuñapatak katuykänti, jan ukasti pachpa uraqiruw qhiparayäna.