Jueces 2:20 - Qullan Arunaka DC

²⁰ Ukat Tatitux Israel markatak q'apisisin säna: “Aka jaqinakax nayra awkinakapampi lurat arust'äwirux t'unjapxiwa, janirakiw jaysañ munapkituti.

Aymar Bibliia 1986

²⁰ Diosasti, Israel marca contra colerasisasti sänwa: “Aca jakenacasti, nayra awquinacapampi suma amtäwiru mantapcta uca arunacwa t'unjapjje, janiwa istañsa munapquiti.

Qullan Arunaca

²⁰ Diosasti, Israel marca contra colerasisasti sänwa: “Aca jakenacasti, nayra awquinacapampi suma amtäwiru mantapcta uca arunacwa t'unjapjje, janiwa istañsa munapquiti.

Jueces 2:20 Jak'a apnaqawi uñst'ayäwi

2 Samuel 24:1

Tatitux wasitat israelitanakatak q'apisirakïna, ukatsti Davidaruw amtayäna, Israel markampita, Judá markampit jaqinak jakthapiñapataki.

Salmos 106:40

Tatitux markapatakiw q'apisïna, jupankirinakarux uñisïnwa;

Salmos 78:10

janiw Diosamp arust'äwi luratanakap yäqapkänti, janirakiw yatichäwinakaparus jaysañ munapkänti.

Jeremías 31:32

Aka arust'äwisti janiw kunjämtix nayra awkinakapampi lurkayäta ukhamäkaniti, kunapachatix jupanakarux Egipto markat amparat wayxarusin irpsunkta ukhama; jupanakasti uka arust'äwixarux janiw phuqhapkiti, nayax jupanakan uywiripäkchiyäta ukasa. Naya, Tatituw uk arsta.

Ezequiel 20:37

Nayaw jumanakarux kunjämatix mä awatirix ovejanakapar sum uñakipki ukham uñakipapxarakïma, mayat mayat markaxäpxañamatakix ajllipxäma, mä arust'äwi jumanakampix lurarakï.

Números 32:13

Tatitun q'apisiñapaw Israel markatak aqtäna, ukat jupanakar wasaran pusi tunka mara uksar aksar sarnaqayäna, jan wali luräwinakapampi jucha lurapkatayna uka jaqinakan taqpach jiwarañapkama.

Deuteronomio 32:22

Nayan q'apisiñaxax mä ninjamaw aqtani, wali manqhapachkamaw aqantani; uraqsa, achunakapsa q'al tukjani, qullunakan qalltanakapsa q'al naksuni.

Josué 23:16

janitix jumanakax kawkïr arust'äwtix Tatitux jumanakampi lurki ukar phuqhapkäta ukapacha. Jumanakatix yaqha diosanakaru yupaychasina jupanakatak alt'asipxäta ukaxa, Tatitusti jumanakatakix q'apisiniwa, ukatsti jank'akiw jupan churat aka suma uraqit chhaqtayapxätam” sasa.

Jueces 10:7

Ukat Tatitux jupanakatak q'apisïna, ukatsti filisteonakana, amonitanakan amparaparuw katuyäna.

Jueces 2:14

ukat Tatitux Israel markataki q'apisïna, lunthatanakampiw jupanakan utjir yänakap aparayäna, ukatsti uka thiyanakan jakir uñisirinakapampiw tukjayarakïna, janiw jupanakax saykatañatak ch'amanïpkänti.

Jueces 2:19

Kunapachatix uka jilïrix jiwxän ukkhasti, jupanakax wasitat uka jan wali lurañanakaru kutt'apxäna, nayra awkinakapat sipansa juk'ampi jan waliw tukupxäna, yaqha diosanakar luqtasa, yupaychasaraki. Janiw jupanakax jan wali luräwinakapsa, sarnaqäwinakapsa apanukupkänti.

Jueces 3:8

Ukat Tatitux jupanakatak q'apisïna, ukatsti Cusán-risataim sat Mesopotamia markankir reyin amparaparuw katuyäna. Israelitanakax Cusán-risataim reyirux kimsaqallq maraw luqtapxañapäna,