Jueces 2:17 - Qullan Arunaka DC

¹⁷ Ukampis israelitanakax janiw uka jilïrinakarux yäqapkänti, jan ukasti Tatit nayraqatan janiw sum sarnaqapkänti, yaqha diosanakaruw yupaychapxäna. Jupanakan nayra awkinakapax Tatitun kamachi arunakaparu ist'asaw jakapxatayna, ukampis jupanakax janiw uka uñacht'äwirjam sarnaqapkänti.

Aymar Bibliia 1986

¹⁷ Ucampis israelitanacajj uca jilïrinacarojj janiw ist'añjja munapcänti. Dios nayrakatan jan walïpjjatap laycusti yakha diosanacaru yupaychiriw sarapjjäna. Jupanacan nayra awquinacapasti Diosan mandamiento arunacaparu ist'asaw jacapjjäna, ucampis jupanacajja janiw uca uñacht'äwirjam sarañjja munapcänti.

Qullan Arunaca

¹⁷ Ucampis israelitanacajj uca jilïrinacarojj janiw ist'añjja munapcänti. Dios nayrakatan jan walïpjjatap laycusti yakha diosanacaru yupaychiriw sarapjjäna. Jupanacan nayra awquinacapasti Diosan mandamiento arunacaparu ist'asaw jacapjjäna, ucampis jupanacajja janiw uca uñacht'äwirjam sarañjja munapcänti.

Jueces 2:17 Jak'a apnaqawi uñst'ayäwi

Salmos 106:39

luräwinakapampiw q'añuchasipxäna, ñanqha luratanakapampiw wachuqapxäna.

Salmos 106:43

Walja kutiw Tatitux jupanakar qhispiyäna: jupanakasti amtataparux saykatapxänwa, pachpa juchanakapampiw aynacht'apxäna.

Salmos 73:27

Jumat jayarst'irinakax jiwapxaniwa; arsutam jan phuqhirinakarusti t'unjätawa.

Éxodo 32:8

¡Jupanakax jank'akiw, nayax uñachaykta uka thakhit saranukupxi! Quri umatatayasaw mä vaca qallu lursusipxi, jichhasti ukaruw yupaychasipki wilañchanaksa luqtasipkaraki; ukhamarus sapxarakiwa: “¡Israel, akaw Egiptot irpsunktam uka diosamaxa!” —sasa.

Jeremías 3:6

Josías reyin urunakapansti, Tatitux sarakituwa: “¿Kuntix nayataki sayt'asir Israelax lurki uk uñjtati? Nayar apanukusin qullu patanakana, jach'a quqanak k'uchun yaqha diosanakaruw yupaychi.

Jeremías 6:16

Tatitux markaparux siwa: “Thakhi jak'anakar sayt'asipxam ukatsti uñatatasipxarakim, nayra thakhinakat jiskt'asipxam; kawkïris suma thakhix ukata; ukatsti uka thakhinjam sarapxam, ukapachaw samarañ jikxatapxäta.” Ukampis jupanakax sapxiwa: “Janiwa, janiw uka thakhinjam sarapkiristti” sasa.

Oseas 2:2

2 (4) Tatitux siwa: “¡Taykamar juchañchapxam, juchañchapxapunim, jichhax jupax janiw warmixäkxiti, janirakiw nayas chachapäkxti! ¡Yaqha chachanakampi sarnaqañap apanukxpan! ¡Jan wali warminakjam sarnaqañsa apanukxpan!

Levítico 17:7

Janipuniw mayampsa uka ñanqha ajayunakarux waxt'anakap luqtaskxapxaniti, kawkïrinakarutix jupanakax yupaychas q'añuchasipxäna ukanakaru. Aka kamachisti jumanakatakix wiñayatakïniwa, awkinakamataki, ukhamarak wawanakamatakisa.

Amós 2:4

Tatitux akham siwa: “Judá markankir jaqinakax walja ñanqhanak lurapxi, ukat jupanakarux mutuyarakï; Tatitun yatichäwinakap janiw katuqapkiti, janirakiw kamachinakaparus phuqhapkiti, jan ukasti kawkïr yaqha diosanakarutix awkinakapax yupaychapkän ukanakaruw yupaychapxi.

Gálatas 1:6

Jumanakan Diosar mäki jaytanukupxatamat walpun muspharta, yaqha qhispiyasiñ arunakar jank'aki arkapxatamata, Jesucristo tuqiw jupax munasiñap uñacht'ayapxtam.

Deuteronomio 31:16

Ukat Tatitux Moisesar säna: “Niyaw jumax jiwxäta, ukapachasti aka markax aka uraqin utjir jaqinakan k'ari diosanakaparuw yupaychani; ukapachasti apanukxitaniwa, jupampi lurat suma arust'äwirux p'akintarakiniwa.

Deuteronomio 31:18

Ukampis uka urux juk'amp jupanakat jithiqtäxa, taqi jan walinak luratanakapata, yaqha diosanakar yupaychatanakapata.

Deuteronomio 9:12

ukapachaw situ: ‘Jank'ak aka chiqat saraqawayam, Egipto uraqit irpsunkta uka markax juchan jikxatasi. Mäkiw jupanakax nayan iwxa arunakaxar phuqhañ apanukupxi, ukatsti metal umatatayasin mä dios lurasipxi’ sasa.

Deuteronomio 9:16

Ukampis jumanakan ukar purisasti, Tatit nayraqatan jucha luratanakam uñjta, metalat mä dios vaca qallu uñtani lursusipxatätaxa. Tatitux uñachayapktam uka thakhit jank'akiw saranukupxatätaxa,

Josué 24:24

Israel markasti sänwa: —Nanakax Tatitu Diosaxarukiw luqtapxä, kuntix jupax sapkitani uk lurapxarakï —sasa.

Josué 24:31

Israelitanakax Josué chachan jakañapkama, ukhamarak jiwxäna una qhipatsa, Israelan Tatitu Diosaparupuniw jaysapxäna, kunanaktix Tatitux israelitanak layku lurkatayna ukanak yatir jilïr jaqinakan jakañapkama.

Jueces 2:7

Josué chachan jakañapkamasti israelitanakax taqi chuymaw Tatitur yupaychapxäna; ukhamarak Josué chachan qhipat jakapkän uka nayra jilïrinakan jakapxañapkama, jupanakasti kunjämtix Diosax Israel markataki jach'a muspharkañanak lurki ukanak uñjapxatayna.

Jueces 8:33

Gedeonan jiwxatapatsti, israelitanakax Diosat armasisin Baal diosan kunayman uñtasitanakaparu yupaychiriw kuttawayxapxäna, ukatsti Baal-berit ukaruw diosapäñapatak ajllisipxäna.

1 Samuel 12:12

Ukampisa kunapachatix amonitanakan Nahas reyipax jumanakar nuwantir jutkän ukkhaxa, jumanakax mä rey mayipxäyätaxa, jumanakan reyimax pachpa Tatitu Diosäkchïn ukasa.

1 Samuel 12:17

Jichhax trigo apthapiñ urunakawa, janiw jallu pachäkiti, ukampis nayaw Tatiturux mayï, jallun q'ixu q'ixunakamp chik purxatayañapataki, ukhamat Tatitux jumanakar uñacht'ayapxätam, mä reyi mayitanakamampix jan wal lurapxatama” —sasa.

1 Samuel 12:19

Ukat Samuelurux taqiniw sapxäna: —Jumax Tatitu Diosamar achikt'am, aka luqtirinakamax jan jiwarapxañaxataki; nanakan taqi jucha luratanakaxarusti mä reyi mayitaxampiw yapt'apxta —sasa.