Jueces 2:16 - Qullan Arunaka DC

¹⁶ jupanakar qhispiyañatakix jilïrinak sayt'ayäna, jupanakaru jan wali luririnakata qhispiyañapataki.

Aymar Bibliia 1986

¹⁶ Uca khepatsti Dios pachparaquiw jilïrinaca sayt'ayaraquïna jupanacaru jan wali luririnacata khespiyañapataqui.

Qullan Arunaca

¹⁶ Uca khepatsti Dios pachparaquiw jilïrinaca sayt'ayaraquïna jupanacaru jan wali luririnacata khespiyañapataqui.

Jueces 2:16 Jak'a apnaqawi uñst'ayäwi

2 Samuel 7:11

kunapachatix nayax Israel markaxar apnaqañapatak jilïrinak utt'aykäyäta ukapacha. Nayaw taqi uñisirinakamat qhispiyat uñjasiyäma. Yatiyaraksmawa, walja wawanakamaw utjani,

Nehemías 9:27

Ukat jumax uñisirinakapan amparanakapar katuytaxa, jupanakar t'aqhisiyapxañapataki. Ukatsti jupanakax ukham t'aqhisiyat uñjasisaw jumarux yanap mayipxtamxa, jumasti, jach'a khuyapayasiñam laykuw, alaxpachatpach jupanakar ist'taxa; t'aqhisiyiripan amparapat antutayañatakisti jaqinak khithantaxa.

Hechos 13:20

Taqi ukanakasti pusi pataka phisqa tunka maran lurasïna. “Uka qhipatsti Diosax jupanakatakix jilïr irpirinak ucharapïna, Samuel profetan urunakapkama.

Jueces 10:1

Abimélec qhipatsti, Isacar ayllunkiri, Puá chachan Tolá sat yuqapa, Dodó chachan allchhipäki, jupaw Israel markar qhispiyañatak sayt'äna. Tolá chachax Samir chiqan jakäna, Efraín qullunakana,

Jueces 11:32

Jefté chachax amonitanakan uraqinakapar mantaranttasin jupanakarux katuntäna, Tatitusti juparux atipt'ayänwa.

Jueces 3:15

ukhamïpan israelitanakax Tatitur art'asxapxäna, Tatitusti arnaqasitanakap ist'asin, mä qhispiyir jupanak taypit sayt'ayäna. Uka qhispiyirix Benjamín ayllunkiri, Guerá chachan Ehud yuqapänwa, jupasti ch'iqachünwa. Mä urusti, israelitanakax Ehud chacha tuqiw Eglón reyirux qullqi apayapxäna.

Jueces 3:31

Uka qhipatsti israelitanakan jilïripax Samgar satänwa, jupasti Anat chachan yuqapänwa, jupax hierro k'achin lawampiw patak filisteonak jiwarayäna. Ukhamat Samgar chachax israelitanakar qhispiyäna.

Jueces 4:5

Débora warmix palmera quqa kayunpin qunt'asirïna, uka quqax “Deboran palmerapa” sat sutimpi uñt'atänwa, uka quqasti Efraín ayllunkir qullunakan utjäna, Ramá, Betel chiqanak taypina. Israelitanakax ch'axwanakap askichayasiñatakix jupan ukaruw sarapxirïna.

Jueces 6:14

Tatitusti jupar uñkatasin säna: —Qawqhatix ch'amamax utjki ukampi israelitanak qhispiyir saram, madianitanakan t'aqhisiyatäñata. Nayaw jumarux khithasksma —sasa.

Rut 1:1

Israel markax jilïr jaqinakan apnaqatäkäna ukapachaxa, taqi uksa tuqinakan mach'aw utjäna, uka maranakan janiw manq'añax utjkänti. Ukhamïpansti, Judá markankir Belén markata, Elimélec chachax Moab jach'a markaruw warmipampi, pä wawapamp jakir sarxäna. Warmipax Noemí sutinïnwa, maynïr wawapax Mahlón sutini, maynïristi Quelión sataraki. Jupanakax Belén jisk'a markankirïpxänwa, Moab markar purisasti ukan jakxapxarakïna.

1 Samuel 12:11

“Ukat Tatitux Jerubaal, Barac, Jefté, Samuel ukanakar khithanïna, uñisirinakaman munañapat jumanakar qhispiyañataki, ukhamat jumanakax jan khitin kamsat jakasipkäyätaxa.

1 Samuel 14:48

Ukatsti jupax mä jach'a ejército tantacht'äna ukat amalecitanakarux atipjarakïna. Ukhamat israelitanakarux uka lunthata lluch'susirinakat qhispiyäna.