Jueces 2:14 - Qullan Arunaka DC

¹⁴ ukat Tatitux Israel markataki q'apisïna, lunthatanakampiw jupanakan utjir yänakap aparayäna, ukatsti uka thiyanakan jakir uñisirinakapampiw tukjayarakïna, janiw jupanakax saykatañatak ch'amanïpkänti.

Aymar Bibliia 1986

¹⁴ Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.

Qullan Arunaca

¹⁴ Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.

Jueces 2:14 Jak'a apnaqawi uñst'ayäwi

2 Samuel 24:1

Tatitux wasitat israelitanakatak q'apisirakïna, ukatsti Davidaruw amtayäna, Israel markampita, Judá markampit jaqinak jakthapiñapataki.

2 Samuel 7:11

kunapachatix nayax Israel markaxar apnaqañapatak jilïrinak utt'aykäyäta ukapacha. Nayaw taqi uñisirinakamat qhispiyat uñjasiyäma. Yatiyaraksmawa, walja wawanakamaw utjani,

2 Reyes 13:3

Uka luratap laykuw Tatitux Israel markatak q'apisïna, ukatsti walja maranakaw Siria markan Hazael reyipan amparaparu katuyäna, ukhamarak Ben-adad sat yuqapan amparaparusa.

2 Reyes 17:20

Ukat Tatitux israelitanakat saraqiri wawanakapar apanuküna, jisk'achjarakïna, lunthatanakan amparapar katuyasa, jupan nayraqatapat jaqunukuñkama.

2 Crónicas 15:5

Khä urunakansti janiw sumankañax khititakis utjkänti, jan ukasti, taqi markanakan jakirinakatakix jan walt'añakiw utjäna.

2 Crónicas 28:5

Ukat Tatit Diosapax siriankir reyin amparapar jupar katuyäna, sirio jaqinakasti atipjasinxa, walja katurat jaqinak Damasco markar apapxäna. Ukatsti Tatitux Israelan reyipan amparaparuw katuyarakïna, jupasti q'ala atipjataw uñjasïna.

2 Crónicas 36:16

Ukampis jupanakax Diosan khithanakapat larusipxänwa, yatiyäwinakapar janiw yäqapkänti, profetanakapatsa phiskasipxarakïnwa, Tatitun q'apisiñapasti markapatak ninjamaw aqtäna, ukat jupax mutuyañ amtäna.

Nehemías 9:27

Ukat jumax uñisirinakapan amparanakapar katuytaxa, jupanakar t'aqhisiyapxañapataki. Ukatsti jupanakax ukham t'aqhisiyat uñjasisaw jumarux yanap mayipxtamxa, jumasti, jach'a khuyapayasiñam laykuw, alaxpachatpach jupanakar ist'taxa; t'aqhisiyiripan amparapat antutayañatakisti jaqinak khithantaxa.

Salmos 44:11

11 (12) Khariñ ovejanakarjamaw amparapar katuyapxista; Diosar jan uñt'ir markanak taypiruw anatatapxista;

Salmos 44:12

12 (13) wali iraqataruw markamarux aljanuktaxa, aljatampisti janiw kuns jikxatktati.

Isaías 42:24

¿Khitis Israel, Jacobun markaparux, atipjatäpan, katuntatarakïpan sixa? Pachpa Tatituw ukham luratäñap amti. Jupanakasti Tatitu nayraqatan juch lurapxi, janiw kuna thaktix Tatitux uñacht'ayki ukanjam sarañ munapkiti, janirakiw yatichäwinakaparus jaysapkiti.

Isaías 50:1

Tatitux siwa: “¡Jan amuyapxamti nayan Israel taykamar apanukutaxa, kunjämtix mä jaqix warmiparux apanukki ukhama, janirak kuna manunak phuqhañatakis jumanakar t'aqhisiyat jaqjam aljataxsa amuyapxamti! Jumanakan jucha lurapxatam laykuw aljatäpxtaxa; Israel taykamasti, jumanakan nayatak sayt'asipxatam laykuw apanukut uñjasi,

Jeremías 37:10

Jumanakax jumanakar nuwantir babilonionakarux q'alsa atipjasipkasma, uka nuwasïwi chiqansti mä qawqha usuchjat babilonionakakis qhiparxapxaspa ukasa, ukanakax sartanisin Jerusalén markarux ninampiw phichkatapxani.’ ”

Levítico 26:17

Nayasti jumanakar jan walt'ayañatakiw sayt'ä, uñisirinakamas atipjapxätamwa; khitinakatix jumanakar wal uñisipktam ukanakampi t'unjataw uñjasipxäta, jan khitin arktataw jaltxapxarakïta.

Levítico 26:28

nayax jumanakar jan walt'ayañatakiw sartä, ukatsti jucha luratanakamatxa paqallqu ukkhamp mutuyapxäma.

Levítico 26:37

nuwasiñatsa jaltxapkasma ukhamaw jan khitin arknaqat jumanakkam liwirtapxäta; ¡jumanakatsti janipuniw khitis uñisirinakapar saykatirjamäkaniti!

Números 32:13

Tatitun q'apisiñapaw Israel markatak aqtäna, ukat jupanakar wasaran pusi tunka mara uksar aksar sarnaqayäna, jan wali luräwinakapampi jucha lurapkatayna uka jaqinakan taqpach jiwarañapkama.

Números 32:14

Jichhasti jumanakax jucha lurir awkinakan wawanakapa, awkinakamjamaw lurañ munapxaraktaxa, Israel markatak wasitat Tatitun q'apisiñap aqtayañataki.

Deuteronomio 28:20

“Taqi luräwinakamanxa, Tatitux ñanqhachäwinaka, pitusiñanaka, llakisiñanak apayanïtam, ukanakasti juk'a urunakan t'unjat uñjasiyätam, juman jan wali luräwinakamampi Tatitur apanukutam layku.

Deuteronomio 28:25

uñisirinakamamp jumar tukjayañkama. Jumax jupanakamp nuwasirix siqikiw sarantaskäta, ukampis janiw kunjäm jaltxatamsa amtaskätati, taqpach uraqin jakir jaqinakatakix axsarañjamäyätawa.

Deuteronomio 28:58

“Jumatix jach'a ch'amani Tatit Diosaman sutipar jan yäqkäta, janirak aka qillqatan yatichäwinakaparjamas sarnaqkäta ukkhaxa,

Deuteronomio 32:30

¿Kunjämarak mayni sapak waranqanir jaltayisti? ¿Kunjämarak paninikisti tunka waranqanir jaltayisti? ¡Arxatir Dios sapakiw uñisirinakamar atipjaytamxa!

Josué 23:16

janitix jumanakax kawkïr arust'äwtix Tatitux jumanakampi lurki ukar phuqhapkäta ukapacha. Jumanakatix yaqha diosanakaru yupaychasina jupanakatak alt'asipxäta ukaxa, Tatitusti jumanakatakix q'apisiniwa, ukatsti jank'akiw jupan churat aka suma uraqit chhaqtayapxätam” sasa.

Jueces 1:19

Tatitux Judá ayllunkirinakamp chikäkchïn ukasa, jupanakax qullu uraqinak katuntapkchïn ukasa, janiw pampa uraqinakan jakirinakarux jaqunukurjamäpkänti, uka jaqinakan hierrot lurat carronakanïpxatap layku.

Jueces 1:34

Amorreo jaqinakax, Dan ayllunkirinakarux qullunak tuqiruw kutjtayäna, janiw pampa chiqanakarux saraqayapkänti.

Jueces 10:7

Ukat Tatitux jupanakatak q'apisïna, ukatsti filisteonakana, amonitanakan amparaparuw katuyäna.

Jueces 2:20

Ukat Tatitux Israel markatak q'apisisin säna: “Aka jaqinakax nayra awkinakapampi lurat arust'äwirux t'unjapxiwa, janirakiw jaysañ munapkituti.

Jueces 3:12

Otoniel chachan jiwxatapatsti, israelitanakax wasitatampiw Tatitun nayraqatapan jan walinak lurapxäna, ukhamïpan Tatitux Moab markankir Eglón reyiparux israelitanakat sipan wali ch'aman tukuyäna.

Jueces 4:2

ukat Tatitux cananeo jaqinakan Jabín reyipan amparapar katuyäna, uka reyix Hasor markan apnaqaskäna. Ejercitopan jilïripasti Sísara satänwa, jupasti Haróset-goím chiqan jakäna.