Jueces 19:23 - Qullan Arunaka DC

²³ Ukampis utanix jupanakaruw achikt'äna: —¡Jilat masinaka, jan kuna jan walinaksa lurapxamti, aka jaqisti utaxan qurpacht'asiski!

Aymar Bibliia 1986

²³ Ucampis utanejja achict'änwa: —¡Amigonacajja, achict'apjjsmawa, jan cuna jan walinacsa lurapjjamti, aca jakesti nayan visitajjawa!

Qullan Arunaca

²³ Ucampis utanejja achict'änwa: —¡Amigonacajja, achict'apjjsmawa, jan cuna jan walinacsa lurapjjamti, aca jakesti nayan visitajjawa!

Jueces 19:23 Jak'a apnaqawi uñst'ayäwi

Génesis 19:8

Nayan pä phuchhaxaw utjaski, jupanakasti janïraw chacha uñt'apkiti; jupanakaruw irpsunï, jumanakasti kuntix munapkta uk jupanakamp lurapxarakisma, ukampis aka chachanakarux janipun kuna ñanqhanaksa lurapxamti, jupanakax nayan utaxar qurpachañatak jawsatanakawa —sasa.

Génesis 34:7

Kunapachatix Jacobun yuqanakapax pampat purinxapxän ukkhasti, kunatix luraskatayna uk yatisin walpun q'apisipxäna, Israelatakix Siquem jaqin ukhama Jacobun phuchhapampi ikintatapax sinti jach'a p'inqänwa. ¡Janipuniw ukham lurañapäkänti!

2 Samuel 13:12

Tamarasti sänwa: —¡Janiw jilata, jan ukham nayar jan wal luristati, ukham lurañax janiw Israel markan utjkiti! ¡Jan ukham ñanqha luramti!

Deuteronomio 22:21

ukapachax markankir jaqinakaw awkinakapan utapat jupar irpsunipxani, ukatsti ukarpachaw qalampi k'upjasin jiwayapxani, jupan mä jach'a jucha Israel markan luratapata, awkipan utap p'inqachayatapata. Ukhamat jumanak taypin jan wali lurañanak tukjapxäta.

Josué 7:15

Khitin amparapantix uñstkani kunatix tukjatäñapäkän ukaxa, wila masinakapampi, taqpach yänakapampiw ninampi phichhantatäni, Israel markaru p'inqachayatapata, ukhamarak Tatitumpi arust'äwi jan phuqhatap layku.

Jueces 20:6

Nayasti jiwat janchip jisk'a jisk'a kharinuqasinxa, Israel markpacharuw apayta, ukhamat israelitanakan uka axtkañ luräwit yatipxañapataki.