Jueces 19:16 - Qullan Arunaka DC

¹⁶ Uka arumax mä awkiw yapu luräwit kutt'anisin uka chiqa saraskäna. Uka awkisti Efraín qullunakankirïnwa, ukawjansti jupax jayankir jaqjamaw jakäna, Guibeá markan jakirinakax Benjamín ayllunkirïpxänwa.

Aymar Bibliia 1986

¹⁶ Arumarojja, mä awquiwa yapu luräwipat cutt'anisa uca cheka pasawayäna. Aca awquisti Efraín satäquis uca kollunacanquirïnwa, ucampis jupajj jaya jacjamaw jacäna. Gabaa sat marcan jaquirinacasti Benjamín tribunquirinacäpjjänwa.

Qullan Arunaca

¹⁶ Arumarojja, mä awquiwa yapu luräwipat cutt'anisa uca cheka pasawayäna. Aca awquisti Efraín satäquis uca kollunacanquirïnwa, ucampis jupajj jaya jacjamaw jacäna. Gabaa sat marcan jaquirinacasti Benjamín tribunquirinacäpjjänwa.

Jueces 19:16 Jak'a apnaqawi uñst'ayäwi

Génesis 3:19

Sapüru manq'añamsti jump'imampiw jikxatäta, ukax jiwañamkamäniwa, laq'ata luratäkta uka laq'ar kuttañamkama, laq'ätawa, laq'arurakiw tukxäta —sasa.

Salmos 104:23

Jaqisti luräwiparuw mistu, jayp'ukamaw yapupan irnaqi.

Salmos 128:2

Jumatix jupanakat maynïstaxa, ch'ama tukutamatjam manq'asïta, kusisitaw utjasïta, taqi kunas walikiw sararapïtam.

Proverbios 13:11

Mäki jikxatat qamir yänakax, mäkiw tukusxi, juk'at juk'at jikxatir jaqisti qamiriptiwa.

Proverbios 14:23

Taqi ch'ama tukutat jilpacha katuqañax utji, inamay parlañasti jan kunan uñjasiñaw utji.

Proverbios 24:27

Anqan lurañanakamäk ukxa tukuyam, pampan lurañanakamäki uksti luram, ukat utam utachasiskäta.

Eclesiastés 1:13

ukatsti nayax yatxatañaruw uchasta, kunatix aka uraqin luraski ukanak ch'ikhi kankañamp yatxatasa. ¡Tatitux ch'ama tukuyañampiw jaqinakarux jisk'ar tukuyi!

Eclesiastés 5:12

12 (11) Irnaqir jaqix juk'sa, jan ukax waljsa manq'askpan, sumpun ikt'asi; ukampis qamirirux yänakapax janiw ikthapiykiti.

Oseas 9:9

Guibeá markan urunakapanjam ñanqha lurañanakapampix q'al aynacht'xapxi. Ukampis Tatitux ñanqha luratanakapat amtasiniwa, juchanakapatsti mutuyarakiniwa.

Efesios 4:28

Lunthatasirix jan juk'ampi lunthataspati, jan ukasti amparapampi irnaqañar uchaspan, ukhamat jan kunaninakar yanapt'añatakis utjarapini.

2 Tesalonicenses 3:10

Kunapachatix jumanakampïpkäyät ukkhaxa, aka yatichäw churapxsma: “Khititix jan irnaqañ munki ukax janirak manq'kpati” sasa.

Jueces 19:1

Israel markan reyix janïr utjkän uka urunakansti, Efraín qullunakan mä levitaw jakäna, jupasti Judá uraqin Belén markankir mä warmimpiw chikäna.

Jueces 19:14

Ukhamaw jank'aki sarapxäna, ukampis intix jalantxäna ukkhaxa, Guibeá chiqaruw puripxäna, ukasti Benjamín ayllun markapänwa.

Jueces 19:15

Ukhamasti thakhit mistusin Guibeá markan ikt'iriw mantapxäna, levitasti marka plazar sarasin qunt'asïna, janiw khiti qurpacht'iris utjkänti.

Jueces 19:17

Uka awkix uka sarir jaqir plazan qunt'atäskir uñjasinxa, sänwa: —¿Kawkitsa jutta, ukat kawkirus saräta? —sasa.