Jueces 19:1 - Qullan Arunaka DC

¹ Israel markan reyix janïr utjkän uka urunakansti, Efraín qullunakan mä levitaw jakäna, jupasti Judá uraqin Belén markankir mä warmimpiw chikäna.

Aymar Bibliia 1986

¹ Israel marcana jan reyejj utjcäna uca urunacasti mä levitawa Efraín sat kollunacat jayana jacäna, jupajj Belenanquir Judá sat marcanquir mä warmimpiw uñtasjjäna.

Qullan Arunaca

¹ Israel marcana jan reyejj utjcäna uca urunacasti mä levitawa Efraín sat kollunacat jayana jacäna, jupajj Belenanquir Judá sat marcanquir mä warmimpiw uñtasjjäna.

Jueces 19:1 Jak'a apnaqawi uñst'ayäwi

Génesis 22:24

Ukhamarus Nahor chachax Rumá sat uñt'atapampix wawanirakïnwa. Jupanakasti Teba, Gáham, Tahas, Maacá sutinakanïnwa.

Génesis 25:6

Qhipa warminakapan wawanakaparusti, Abrahamax waxt'äwinak churäna, jakkasinsti uka wawanakxa Isaac wawapat yaqhachänwa, inti jalsu tuqinakar khithanukusa.

Génesis 35:19

Ukhamaw Raquelax jiwxäna, juparusti Efrata thakhin imt'xapxäna, ukasti jichhax Belén markäxiwa.

2 Samuel 16:22

Ukat Absalonatakix uta patar mä carpa lurt'arapipxäna, ukan Absalonax awkipan uñt'at warminakapamp ikintasïna; taqpach israelita jaqinakan uñjkaña.

2 Samuel 19:5

5 (6) Joab chachasti reyi utar sarasin reyir sarakïna: —Jichhürux juma, reyix, taqpach yanapirinakamaruw p'inqachapxistaxa, jupanakaw jakañam qhispiyapxtam, ukhamaraki wawanakamana, phuchhanakamana, uñt'at warminakaman jakañap qhispiyapxi.

2 Samuel 20:3

Kunapachatix Davidax Jerusalenan utjir reyi utapar purkän ukapachasti, reyi uta uñjapxañapatak jaytawaykatayna uka tunka uñt'at warminakaparux, mä utaruw irpantayäna, ukarusti uñch'ukirinak ucharakïna. Davidax ukan jupanakarux uñjayaskäna, ukampis janiw maynirus warmiskänti. Ukhamaw jupanakax ukan jist'antatäpxäna, ijma warminakjamarakiw jiwañ urunakapkam jakapxäna.

2 Samuel 3:7

Saúl reyin mä uñt'atapaw utjatayna Rispá sutini, Aiá jaqin phuchhapänwa, Abnerasti uka warmimpiw sarnaqxarakitayna. Ukat Is-bóset chachax Abnerar sarakïna: —¿Kunatarak awkixan uñt'at warmipamp ikintastasti? —sasa.

2 Samuel 5:13

Davidax Hebrón markat Jerusalenar jakiriw sarxäna. Ukansti, Davidax juk'amp warminaka, uñt'atanak katusïna, jupanakasti Davidatakix juk'amp yuqanaka, phuchhanak yurirapipxäna.

1 Reyes 11:3

Jupasti paqallq pataka warminïnwa, reyinakat saraqiri warminaka, uñt'at warminakapasti kimsa patakänwa, uka warminakaw chuymap mayjt'ayäna.

1 Reyes 4:8

Uka tunka payan apnaqirinakasti akanakänwa: Ben-Hur, jupasti Efraín qullunakankir jaqinak apnaqäna;

2 Crónicas 11:21

Roboam reyix tunka kimsaqallquni warmini, suxta tunka uñt'atanïnwa, ukampis taqi warminakapat sipansa, Maacá warmiparuw sinti munasïna. Jupasti pä tunka kimsaqallqun yuqall wawani, suxta tunka imill wawanïnwa.

Ester (hebreo) 2:14

Sapa tawaqusti arum tuqiruw reyin utapar sarirïna, qhipärmanthisti yaqha utaruw mantxarakirïna, uka uta, ukhamarak reyin uñt'atanakapsa, Saasgaz sutini reyin jaqipaw uñjäna; ukat uksarux tawaqux janiw reyin nayraqatapar uñstirïkänti, reyix munki ukkhakiw sutipat jawsasin reyin nayraqatapar uñstirïna.

Malaquías 2:15

Diosax jiwasar mä janchiki, mä sapa ajayukïñasatakiw uskusistu. Jupar luqtat mä suma markäñasatakiw irnuqarakistu.

Mateo 2:6

‘Judea uraqinkir Belén marka, wali aytat markanak taypinxa, janiw sinti jisk'äktati; jumat mä jilïrix mistuni, jupaw Israel markaxarux irpani’ sasa.

Josué 24:30

Juparusti Timnat-sérah chiqankir uraqiparuw imt'xapxäna, ukasti Efraín qullunakan jikxatasi, Gaas qullut amsta tuqina.

Josué 24:33

Kunapachatix Aarón chachan Eleazar yuqapax jiwxän ukkhaxa, juparux Finees wawapan jisk'a qulluparuw imantxapxäna, kawkïrtix Efraín qullunakan churatäkän ukaru.

Jueces 12:8

Jefté chacha qhipatsti, Israel marka apnaqirix Ibsán chachänwa, jupasti Belén markankirïnwa,

Jueces 17:1

Efraín sata qullunakan mä jaqiw jakäna Micaías sutini,

Jueces 17:6

Uka urunakansti Israelan reyipax janiw utjkänti, uka laykusti sapa mayniw munañapak lurasipxäna.

Jueces 17:7

Uka urunakansti, Judá uraqinkir Belén markan mä jayankir waynaw utjäna, jupasti Leví ayllunkirïnwa.

Jueces 17:8

Uka waynasti Belén markat mistusin yaqha chiqar jakiriw sarxäna, Efraín qullunakanjam sarkasasti Micaías chachan utaparuw purïna.

Jueces 18:1

Khä urunakansti Israel markan janïraw reyix utjkänti. Dan ayllunkirinakax janirakiw uraqinïpkarakïnsa, ukhamasti jupanakax utjasiñatak uraq thaqhasaw sarnaqasipkäna.

Jueces 18:13

Ukawjatsti Efraín qullunakaruw sarapxäna, ukatsti Micaías chachan utaparuw puripxäna.

Jueces 19:16

Uka arumax mä awkiw yapu luräwit kutt'anisin uka chiqa saraskäna. Uka awkisti Efraín qullunakankirïnwa, ukawjansti jupax jayankir jaqjamaw jakäna, Guibeá markan jakirinakax Benjamín ayllunkirïpxänwa.

Jueces 19:2

Uka uñt'atapasti jupampi tuqisiwayasinxa, Belenankir awkipan ukaruw jakir sarxäna. Pusi phaxsi ukankxasinsti,

Jueces 21:25

Uka urunakansti Israel markan janïraw reyix utjkänti, ukhamïpansti sapa mayniw munañanakapar sarnaqapxäna.

Jueces 3:27

Israelita uraqir purisinsti, Efraín qullun trompet phust'äna, israelitanakar jawsañataki, uk ist'asasti jupanakax taqpachaniw Ehud chachan qhipap qullunakat saraqanipxäna.