Jueces 18:6 - Qullan Arunaka DC

⁶ Levita sacerdotex sänwa: —Jan axsaras sarasipkakim, kawkharutix jumanakax sarapkäta ukkhanxa, Tatituw imasipkätam —sasa.

Aymar Bibliia 1986

⁶ Levita sacerdotejja saraquïnwa: —Jan ajjsaras sarasipcaquim, Diosawa imasipcätam cawqharutejj sarapcäta ucqhanjja —sasa.

Qullan Arunaca

⁶ Levita sacerdotejja saraquïnwa: —Jan ajjsaras sarasipcaquim, Diosawa imasipcätam cawqharutejj sarapcäta ucqhanjja —sasa.

Jueces 18:6 Jak'a apnaqawi uñst'ayäwi

1 Reyes 22:12

Profetanakax uka pachparak yatiyapxäna, Ahab reyirusti sapxänwa: “Galaadankir Ramot markar katuntaskakim, atipjätawa, Tatituw uka marka jumar katuyätam” sasa.

1 Reyes 22:15

Ukatsti jupax reyin ukaruw saräna, reyisti jupar jiskt'änwa: —Micaías, ¿Galaadankir Ramot marka katuntirix sarapxiristti, janicha? —sasa. Micaiasasti sänwa: —Katuntir saraskakim, atipjätawa, Tatituw uka marka katuyätam —sasa.

1 Reyes 22:6

Ukatsti Israelan reyipax profetanakaruw tantachäna, jupanakasti niya pusi patakanïnwa, ukat jupanakarux jiskt'äna: —¿Galaadankir Ramot markar katuntir sariristti, janicha? —sasa. Profetanakasti ukxaruw sapxäna: —Nuwasir saraskakim, Tatituw uka marka katuyätam —sasa.

Salmos 33:18

Tatitusti iyawsirinakaparux sum uñjaski, munasiñapar katuyasirinakarus imaskiwa,

Éxodo 4:18

Moisesasti, Jetró awkch'ipan utapar kutt'asin jupar säna: —Egipto markar kutt'añaxawa, kawkhankapkitix marka masi jilanakaxax ukaru. Jupanakax jakasipkpachati janicha uk uñjiriw sarañ munta —sasa. Jetró awkch'ipasti sarakïnwa: —Ukhamax saramaya, walik saräta —sasa.

Jeremías 23:32

Nayax kawkïr profetanakatix uka k'ari samkanakap parlasax markaxar maysar saranukuyapxi ukanakatakiw sayt'ta. Janiw nayax jupanakar khithankti, janirakiw kuna arunaksa churkaraktti, ukhamasti jupanakax janiw markaxarux yanapt'apkaspati. Naya, Tatituw uk arsta.

Deuteronomio 11:12

Tatitu Diosaw uka uraqi uñjaski, marpacharakiw jupax uñch'ukisinki.

1 Tesalonicenses 3:11

Pachpa Dios Awkisampina, Jesucristo Tatitusampin jumanakar uñjir sarañatak nanakar yanapt'añap munapxta.

Jueces 18:5

Ukat jupanakax sapxäna: —Ukhamax Tatituruy jiskt'arapipxita, nanakan jutataxax walikïskaniti, janicha, uk yatiñataki —sasa.

Jueces 18:7

Uka chiqawjatsti, uka phisqa uñaqanakax Lais markaruw sarxapxäna. Uka markan jakir jaqinakax Sidón markankirïpxänwa, jupanakasti kusisitakiw sumankañan jakasipxäna; janiw khitis kunsa kamskänti, janirakiw kunas jupanakar pist'känti. Sidón markapat jayan jakapxäna, janiw khitimpis parlapkänti.

1 Samuel 1:17

Ukatsti Elí sacerdotex sarakïnwa: —Jichhax jan llakisxamti, sumakiy sarxam, Israelan Diosapay jumarux kuntix maykta uk churarakpan —sasa.