Jueces 18:14 - Qullan Arunaka DC

¹⁴ Ukhamasti Lais uraqi uñaqiri sarapki uka phisqa chachanakax, masinakaparuw sapxäna: —¿Yatipxtati? Aka utanxa efod sat isimpi, wila masinakan diosanakapampiw utji, qullqimpi jawikipat suma lurat idolow utji. ¿Kun lurañsa amuyapxtaxa? —sasa.

Aymar Bibliia 1986

¹⁴ Pheska uñakerinacajj Lais sat chekanaca uñjir sarapcäna ucanacajja, jilanacaparojj sapjjänwa: —May jan yatipctatejja, aca utanjja utjiwa efod sat isi, familiataqui diosanaca, uqhamarac suma lurata yakha diosa patatjja kollkempi jawiquipata uqhamanaca. Ucampisti, ¿cuna lurañsa amuyapjjtajja? —sasa.

Qullan Arunaca

¹⁴ Pheska uñakerinacajj Lais sat chekanaca uñjir sarapcäna ucanacajja, jilanacaparojj sapjjänwa: —May jan yatipctatejja, aca utanjja utjiwa efod sat isi, familiataqui diosanaca, uqhamarac suma lurata yakha diosa patatjja kollkempi jawiquipata uqhamanaca. Ucampisti, ¿cuna lurañsa amuyapjjtajja? —sasa.

Jueces 18:14 Jak'a apnaqawi uñst'ayäwi

Proverbios 19:27

Munat wawaxay, chiqachäwi arunakarutix jan ist'kätaxa, yatiñ kankañan suma iwxa arunakapat saraqtasma.

Oseas 3:4

Walja maranakaw israelitanakax jan reyini, jan jilïr irpirini sarnaqapxani, wilañchanak jan luqtasa, jan altaranakani, jan sacerdotenakani, jan yaqha diosanakani.

Jueces 17:5

Micaías chachan utapansti mä chiqaw utjäna yupaychañataki. Jupax efod sat isi lurasïna, ukhamaraki utapankirinakan yaqha diosanakapa, ukatsti maynïr yuqaparuw sacerdotet utt'ayäna.

Jueces 18:13

Ukawjatsti Efraín qullunakaruw sarapxäna, ukatsti Micaías chachan utaparuw puripxäna.

Jueces 18:15

Ukhamasti uka uñaqanakax mayninakat jithiqtawayasin levita waynan utaparuw sarapxäna, uka utasti Micaías chachan utapänwa.

Jueces 8:27

Uka qurimpisti Gedeonax mä ídolo lurayäna, uksti Ofrá sat markaparuw uchayäna, Israel markpachaw uka ídolo laykux Tatitut armt'asis jan sum arkapkänti, Gedeonatakisa, wila masinakapatakisa ukax sipitar uñtatänwa.

1 Samuel 14:28

Ukat mayni israelita soldadox jupar säna: —Awkimax juramentompiw ejercitorux wayt'i, ‘khititix mä kunsa manq'kani ukax jiwayatäniw’ sasa. Ukat jaqinakax jichhax wali qarjtatäpxi —sasa.

1 Samuel 19:13

Ukatsti Mical warmipax jank'akiw mä ídolo katusin ikiñapar ikintayäna, ch'ijmañarusti cabrito t'awrat p'itata usküna, ukarusti mä isimpiw janxatarakïna.