Jueces 17:4 - Qullan Arunaka DC

⁴ Micaiasax taykapar qullqi kutkatayxatapatsti, jupax qullqi yänak lurir jaqiruw uka pä patak qullqi churäna, qullqimpi jawikipat mä ídolo lurañapataki, lurayasinsti, Micaiasan utaparuw uka ídolo uchäna.

Aymar Bibliia 1986

⁴ Ucampis Micaiajj taycaparojj kollke churjjäma sascaquïnwa. Taycapajja pä pataca kollke apakawayasin platero sat kollke luririn ucaruw apäna mä diosa suma lurañapataqui, patatsa kollkempi jawiquipata uqham lurayañataqui. Ucatsti lurayanisinjja Micaian utaparuw uchäna.

Qullan Arunaca

⁴ Ucampis Micaiajj taycaparojj kollke churjjäma sascaquïnwa. Taycapajja pä pataca kollke apakawayasin platero sat kollke luririn ucaruw apäna mä diosa suma lurañapataqui, patatsa kollkempi jawiquipata uqham lurayañataqui. Ucatsti lurayanisinjja Micaian utaparuw uchäna.

Jueces 17:4 Jak'a apnaqawi uñst'ayäwi

Isaías 30:22

Ukatsti uka qullqit lurat diosamxa, qurimpi jawikipat diosamsa, jan wali yänakäkaspas ukhama, jan ukax t'unäkaspas ukham apanuküta.

Isaías 44:13

Jichhax diosanak luririru uñjañäni. Jupax kuntix lurañapäki uk sum tupt'asaw katuqi, kunayman qillqañ yänakampi sum lurt'asaw jaqir uñtat mä dios lursu, ukatsti mä temploruw uka jan jakañan diosarux ucharaki.

Habacuc 2:18

¿Kunatakis askix mä diosaxa sum lurt'asin tukuyatäkchi ukaxa? ¿Kunatakis askix jaqin lurt'at mä diosaxa yatichäwinakapas k'arikamakïchi ukaxa? uka yaqha diosanakax janiw parlapkiti; ¿kunjämaraki uka yaqha diosanak lurir jaqisti uka diosanakar atint'asispasti?

Deuteronomio 27:15

“ ‘Ñanqhachatäpan metal umatatayasin yaqha diosanak lurir jaqixa, ukatsti jan uñjkañ chiqar imantarakini ukaxa; uka lurañasti Diosatakix axtaskayawa.’ Uka arsutarusti taqpach markaw sani: ‘Ukhamäpan’ sasa.

Jueces 17:5

Micaías chachan utapansti mä chiqaw utjäna yupaychañataki. Jupax efod sat isi lurasïna, ukhamaraki utapankirinakan yaqha diosanakapa, ukatsti maynïr yuqaparuw sacerdotet utt'ayäna.

Jueces 18:17

Uka phisqa uñaqanakax nayraqat utar mantasin, suma lurata qullqimpi jawikipat ídolo, ukhamaraki efod isimpi, wila masinakan diosanakapampi apsupxäna, ukchañkamasti sacerdotex uta punkun suxta patak soldadonakampïskänwa.