Jueces 16:24 - Qullan Arunaka DC

²⁴ Ukatsti jaqinakax Sansonar uñjasinxa, diosapar yupaychasaw q'uchupxäna, akham sasa: “Jiwasan diosasaw Sansón uñisirisarux amparasar katuyistu, jupax yapunakas tukjirïna, walja jaqinakas jiwarayirïna” sasa.

Aymar Bibliia 1986

²⁴ Cunapachatejj jakenacajj uñjapjjäna ucqhasti k'ochupjjänwa, yupaychapjjaraquïnwa diosaparu aqham sasa: “Jiwasan diosasawa catuyistu Sansón uñisirisarojja, jupasti yapunacasa tucjiri, uqhamarac walja jakenacasa jiwarayiriraquiwa” sasa.

Qullan Arunaca

²⁴ Cunapachatejj jakenacajj uñjapjjäna ucqhasti k'ochupjjänwa, yupaychapjjaraquïnwa diosaparu aqham sasa: “Jiwasan diosasawa catuyistu Sansón uñisirisarojja, jupasti yapunacasa tucjiri, uqhamarac walja jakenacasa jiwarayiriraquiwa” sasa.

Jueces 16:24 Jak'a apnaqawi uñst'ayäwi

1 Crónicas 10:9

Ukatsti Saulurux p'iqip apaqapxäna, nuwasiñ yänakap katuntasipxäna, ukatsti filisteo uraqpacharuw yatiyirinak khithapxäna, jaqinakaru, diosanakaparu yatiyanipxañapataki.

Salmos 97:7

Akapach diosanakar yupaychirinakax jisk'achjatäpxiwa, uka diosanakat jach'achasirinakas aynacht'apxiwa. ¡Taqpach diosanakaw nayraqatapan qunqurt'asipxi!

Isaías 37:20

Nanakan Dios Tatituxay, munañan asirionakat qhispiyapxita, ukhamat taqi markanakax juman sapa Diosakïtam yatipxani” sasa.

Ezequiel 20:14

ukampis sutixan jach'ätap laykuw uk jan lurkti, jupanak Egiptot irpsunir uñjapkitu uka markanak nayraqatan jan jisk'achat uñjasiskañaxataki.

Daniel (hebreo) 5:23

Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Daniel (hebreo) 5:4

Taqiniw vino umapxäna ukatsti qurita, qullqita, bronceta, hierrota, lawata, qalat lurat diosanakaparuw yupaychapxarakïna.

Habacuc 1:16

Ukatwa chawlla katurix qänanakaparu, anzuelonakaparusa, suma luqtäwinakampi, incienso q'aphinakampi waqaychi, ukanakäpan suma walja manq'anakax utjarapi.

Deuteronomio 32:27

Ukampis uñisirinakaxampi jan lart'ayasiñ laykuw jan lurkti; uñisirinakaxan jach'a jach'a tukuñapsa munkaraktti, jupanakax sapxaspawa: Jiwasaw ch'amasamp atipjtanxa; janiw Diosax taqi ukanak lurkiti’ sasa.

Apocalipsis 11:10

Aka uraqin jakirinakasti wal kusisipxani jupanakan jiwarapxatapata. Kusisiñatsa jupanakkamaw churäwinaksa waxt'asipxani, uka pani profetanakan jaqinakar wali t'aqhisiyirïtap layku.

Jueces 15:14

Kunapachatix Lejí chiqar puripkän ukkhasti, filisteonakax kusisiñat wali arnaqt'asisaw jupar jikxatir mistunipxäna. Ukampis Tatitun ajayupaw Sansonxar jutäna, ukat jupax amparanakapan ñach'antata wiskanakxa, jan kunak t'aqaräna, ninampi nakhantat lino ch'anqhäkaspas ukhama;

Jueces 15:16

Ukatsti sänwa: “Mä asnon änkha ch'akhapampiw maya, paya phinanak lurta; asnon änkha ch'akhapampiw waranqa jaqinak jiwarayta” sasa.

Jueces 15:8

Ukspachaw wali q'apisita jupanakar katuntäna, ukatsti jupanakat waljaniruw jiwarayäna. Uka qhipatsti Etam chiqankir qarqa putur jakiriw sarxäna.

Jueces 16:25

Jupanakasti sinti k'uchikiw jikxatasipxäna, ukatsti Sansonar irpanipxañapatakiw mayipxäna jupat sawkasiñataki. Ukhamasti carcelat Sansonar irpsunipxäna, jupar uñjasinsti wal kusisipxäna, ukat pä piläranak taypiruw sayt'ayapxäna.

1 Samuel 31:9

Ukatsti p'iqip apaqapxäna, nuwasiñ yänakapsa aparapxarakïnwa, ukatsti taqi filisteo uraqpacharuw khithanak khithapxäna, taqi markpacharu diosanakapan utapan yatiyapxañapataki.