Jueces 16:1 - Qullan Arunaka DC

¹ Mä urux Sansonax Gaza markaruw saräna. Ukansti jan wali sarnaqir mä warmiruw uñjäna, ukatsti utaparuw mantäna, uka arum jupampi ikiri.

Aymar Bibliia 1986

¹ Mä urojj Sansón chachajj Gaza sat marcaruw saräna. Ucansti uñjänwa chachanacampi sarnaker mä warmiru; uca arumajja utapanwa iquïna uca warmimpi chica.

Qullan Arunaca

¹ Mä urojj Sansón chachajj Gaza sat marcaruw saräna. Ucansti uñjänwa chachanacampi sarnaker mä warmiru; uca arumajja utapanwa iquïna uca warmimpi chica.

Jueces 16:1 Jak'a apnaqawi uñst'ayäwi

Génesis 10:19

Cananeo jaqinakan uraqinakapasti, Guerar tuqikamaw purïna, Sidón markatpacha, Gaza sat markakama, ukhamarak Sodoma, Gomorra, Admá, Seboím markanakkama, Lesa sat uka markakamaraki.

Proverbios 7:8

Jupasti marka thakhi thiyar purisinxa, maykataruw makhati, uka warmin utap tuqiruw sari.

Josué 15:47

Asdod markampi, Gaza markampix, jach'a markanakapampi jisk'a markanakapampi kuna, uka uraqinakasti Egipton jisk'a jawirapkama, Mediterráneo sat jach'a quta thiyanakkamaw purïna.

Jueces 1:18

Ukampisa, janiw Gaza, Ascalón, Ecrón chiqanak katuntapkänti, janirakiw uka jak'a markanakan uraqinakapsa katuntañatak ch'amanïpkänti.

Jueces 14:1

Sansonasti mä urux Timná markaruw saräna, ukatsti mä filistea tawaquruw uñtäna,

Jueces 16:2

Kunapachatix Gaza chiqankirinakax Sansonan markankatap yatipkän ukkhaxa, uka markar muyuntasin marka mantañawjan uñch'ukiyapxäna. Jupanakax arum paqaraw ukankapxäna, willjta tuqir Sansonar jiwayañ amtampi.