Jueces 15:7 - Qullan Arunaka DC

⁷ Uk yatisasti, Sansonax sänwa: —Niyakixay jumanakax ukham lurapxstaxa, ¡juramentompiw arsta, jumanakat phuqsusiñaxkamax janipuniw inakt'käti! —sasa.

Aymar Bibliia 1986

⁷ Ucampis Sansón chachajj saraquïnwa: —Niyajjay jumanacajj uqham lurapjjchistajja. Jichhasti janiwa samarcäti jumanacampi phoksusiñcamajja —sasa.

Qullan Arunaca

⁷ Ucampis Sansón chachajj saraquïnwa: —Niyajjay jumanacajj uqham lurapjjchistajja. Jichhasti janiwa samarcäti jumanacampi phoksusiñcamajja —sasa.

Jueces 15:7 Jak'a apnaqawi uñst'ayäwi

Romanos 12:19

Munat jilatanaka, jumanak purax jan ukhamat ukham lurjasipxamti, jan ukasti Diosar jaytapxam, jupaw mutuyaskani. Qillqatax siwa: “Nayaruw chiqapar uñjañax wakt'itu; nayaw mutuyaskä, siw Tatituxa” sasa.

Jueces 14:19

Ukatsti ukspachaw Tatitun ajayupax Sansonxar purïna; ukat Sansonax Ascalón chiqaru saräna, ukawjansti kimsa tunka jaqinakaruw jiwarayäna, ukanakat isinakap aparaniwayasin, ukampiw jiskt'anak chiqt'apkatayna ukanakarux arsutap phuqhäna. Uka qhipatsti wali phiñasitaw awkipan utapar kutt'xäna,

Jueces 14:4

Awkip taykapasti janiw amuyapkänti Tatit pachpa taqi kunsa ukhamäñapatak wakt'ayatapa, Tatitux filisteonakampi kunjämatsa nuwasiñ thaqhaskäna, uka urunakansti filisteonakaw israelitanakar apnaqäna.

Jueces 15:6

Filisteonakasti yatxatañaruw uchasipxäna, khitisa ukham lurpacha uk jiskt'asa, ukatsti Sansonan phuqsusiñat ukham luratapa, timnateo awkch'ipax warmip aparasin Sansonan mayni jilat masipar churatapata yatisinxa, filisteonakax sarasin warmimpiru, awkipampiruw ninampi phichhantapxäna.

Jueces 15:8

Ukspachaw wali q'apisita jupanakar katuntäna, ukatsti jupanakat waljaniruw jiwarayäna. Uka qhipatsti Etam chiqankir qarqa putur jakiriw sarxäna.