Jueces 15:15 - Qullan Arunaka DC

¹⁵ ukatsti ukawjan asnon chhuyu änkha ch'akhap uñjasin, ukampiw waranqa filisteonakarux jiwarayäna.

Aymar Bibliia 1986

¹⁵ Ucjjarusti mä chhuyu asno quijada ch'aqha catusinsti, ucampiw waranka filisteonaca jiwarayäna.

Qullan Arunaca

¹⁵ Ucjjarusti mä chhuyu asno quijada ch'aqha catusinsti, ucampiw waranka filisteonaca jiwarayäna.

Jueces 15:15 Jak'a apnaqawi uñst'ayäwi

2 Samuel 23:8

Davidan ejercitopan jan axsarir soldadonakax kimsanïnwa. Jupanakat nayrïrix Joseb-basébet sat hacmonita jaqïnwa, jupasti uka kimsanin jilïripänwa, mä kutisti, lanzapampix kimsaqallq pataka jaqinak jiwarayäna.

Levítico 26:7

Jumanakasti uñisirinakamarux jaltayapxätawa, espadampi jiwarayataw jumanak nayraqatan uñjasipxani;

Levítico 26:8

jumanakat phisqanikiw patakanir chhuktayañatak munasini, jumanakat patakanisti tunka waranqa uñisirinakaruw chhuktayapxani; uka uñisirinakamasti jumanak nayraqatan jiwarapxani.

Hebreos 11:34

jan jiwarkay ninsa jiwarayapxänwa, espadampi jiwayatäñatsa jaltapxarakïnwa, jan ch'amanïkasas ch'am apsusaw nuwasiñatakix sayt'asipxäna, uñisirinakapan ejercitopar atipjasa.

Josué 23:10

Jumanakat maynikiw waranqa jaqinakarux jaltayaspa, Tatitu Diosamax jumanakat arxatasin nuwasitap layku, kunjämtix jupa kipka arsuwayki ukarjama.

Jueces 15:16

Ukatsti sänwa: “Mä asnon änkha ch'akhapampiw maya, paya phinanak lurta; asnon änkha ch'akhapampiw waranqa jaqinak jiwarayta” sasa.

Jueces 15:17

Uka arunak arsusinsti, uka änkha ch'akhxa jaqunukxänwa. Ukat uka chiqax Ramat-lejí sutimpi uchata, ukasti “Änkha ch'akhan qullupa” sañ muni.

Jueces 3:31

Uka qhipatsti israelitanakan jilïripax Samgar satänwa, jupasti Anat chachan yuqapänwa, jupax hierro k'achin lawampiw patak filisteonak jiwarayäna. Ukhamat Samgar chachax israelitanakar qhispiyäna.

Jueces 4:21

Ukampis Sisarax wali qaritätapat laykux ikjawayxäna. Ukham uñjasinsti, Jael warmix mä martillompi, chhujlla utap katxäsir ch'akurumpi aptasinxa, kawkhantix Sisarax ikiskäna ukkharuw k'achat jak'achasïna, ukatsti uka ch'akurumpiw p'iqipat liq'intäna uraqkam puriyasa. Ukhamaw Sisarax jiwäna.

Jueces 7:16

Ukatsti ukspachaw uka kimsa patak jaqinakapxa, kimsa tamaruw jaljäna, ukatsti taqpachaniruw oveja waxra pututunak churäna, ukhamaraki ch'usa wakullanaka, uka wakullanak manqharusti nina wiya uchasa.

1 Samuel 14:14

Aka nayrïri nuwasïwinsti, Jonatanampi yanapiripampix mä juk'a pachanak pä tunka chachanak jiwarayapxäna.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa: