Jueces 15:14 - Qullan Arunaka DC

¹⁴ Kunapachatix Lejí chiqar puripkän ukkhasti, filisteonakax kusisiñat wali arnaqt'asisaw jupar jikxatir mistunipxäna. Ukampis Tatitun ajayupaw Sansonxar jutäna, ukat jupax amparanakapan ñach'antata wiskanakxa, jan kunak t'aqaräna, ninampi nakhantat lino ch'anqhäkaspas ukhama;

Aymar Bibliia 1986

¹⁴ Cunapachatejj Lehi sat chekaru puripcäna ucqhajja filisteonacajj cusisiñata wali arnakasisaw jutapjjäna. Ucampis Diosan ajayupaw Sansón chachajjar jutäna. Ucatsti Sansón chachajj amparanacapan ñach'antatäqui uca wiscanacjja jan cunaquiw t'akaräna, mä lino sat pita naqhantataru uñtata.

Qullan Arunaca

¹⁴ Cunapachatejj Lehi sat chekaru puripcäna ucqhajja filisteonacajj cusisiñata wali arnakasisaw jutapjjäna. Ucampis Diosan ajayupaw Sansón chachajjar jutäna. Ucatsti Sansón chachajj amparanacapan ñach'antatäqui uca wiscanacjja jan cunaquiw t'akaräna, mä lino sat pita naqhantataru uñtata.

Jueces 15:14 Jak'a apnaqawi uñst'ayäwi

Job 20:5

ñanqha lurir jaqin kusisiñapax juk'atakikiwa; kusist'añapasti jank'a tukusirikirakiwa.

Salmos 118:11

Taqi tuqit muyuntapxitäna, Tatitun ch'amapampisti atipjtwa.

Salmos 18:34

34 (35) jupaw uñisirinakaxamp nuwasiñatak yatichitu, jupaw atipjañatak ch'am churitu.

Éxodo 14:3

Ukhamat faraonax akham sani: ‘Israelitanakax janiw kawksar sarirjamäpkisa, chhaqtataw wasaran sarnaqasipki’ sasa.

Éxodo 14:5

Egiptonkir reyix israelitanakan jaltxapxatap yatisinxa, jupasa, yanapirinakapas israelitanakar khithanukupxatapat amthapisipxäna, ukat sapxarakïna: “¡Kuns lurtan, janik israelitanakar mistuykasänti! Jichhasti, ¿khitirak jiwasanakatak irnaqarapistanisti?” sasa.

Miqueas 7:8

Uñisir Babilonia marka, aynacht'ataxat jan kusiskamti, aynacht'atäkasinsa sartaskakïwa; laxa ch'amakas muyuntkitan ukasa, Tatituw qhanaxaxa.

Zacarías 4:6

Jupasti saskakïnwa: “Tatitux Zorobabel chacharuw yatiyäwi apayaski akham sasa: ‘Zorobabel, janiw jach'a chamanïñamax wakiskiti, janirakiw jach'a ejercitonïñamas munaskiti; jan ukasti ajayuxampikiw atipt'asma, siw taqi ch'aman Tatituxa.

Filipenses 4:3

Juma, nayampi chik irnaqiri, jumaruw uka kullakanakar yanapt'añamatak achikt'assma, jupanakasti nayamp chikaw qhispiyasiñ arunak yatiyañan irnaqapxäna, Clemente jilatampi, mayni yanapirinakaxampi kunaw irnaqapxäna. Jupanakan sutinakapasti wiñay jakañ qillqatan qillqantatäxiwa.

Jueces 14:19

Ukatsti ukspachaw Tatitun ajayupax Sansonxar purïna; ukat Sansonax Ascalón chiqaru saräna, ukawjansti kimsa tunka jaqinakaruw jiwarayäna, ukanakat isinakap aparaniwayasin, ukampiw jiskt'anak chiqt'apkatayna ukanakarux arsutap phuqhäna. Uka qhipatsti wali phiñasitaw awkipan utapar kutt'xäna,

Jueces 14:6

Ukapachaw Tatitun ajayupax Sansonar purïna, ukat mä cabritökaspas ukhamak leonarux jisk'a jisk'a tukjäna; ukampis ukxa janiw awkip taykaparux yatiykänti.

Jueces 15:13

Jupanakasti sapxarakïnwa: —Janiwa, janiw jiwayapkämati, jan ukasti katuntapxakïmawa, ukat filisteonakar katuyxañataki —sasa. Ukatsti pä machaq wiskanakampi chinuntasin imantaskän uka qarqa p'iyat irpsunipxäna.

Jueces 15:9

Filisteonakasti jutasin Judá chiqaruw utjnuqtapxäna, Lejí chiqakam purisina,

Jueces 16:12

Ukatsti Dalilax machaq wiskanakampiw ñach'antäna, ukat art'äna: —¡Sansón, filisteonakaw katuntapxätam! —sasa. Uka utansti jaqinakax jamasat uñch'ukisinipkäna; ukampis Sansonax uka wiskanak juch'us ch'ankhar uñtatak t'aqthapïna.

Jueces 16:24

Ukatsti jaqinakax Sansonar uñjasinxa, diosapar yupaychasaw q'uchupxäna, akham sasa: “Jiwasan diosasaw Sansón uñisirisarux amparasar katuyistu, jupax yapunakas tukjirïna, walja jaqinakas jiwarayirïna” sasa.

Jueces 16:9

Dalilax utapar mä qawqha jaqinak imantatayna, ukat jupax jach'at art'äna: —¡Sansón, filisteonakaw katuntapxätam! —sasa. Sansonasti may thuqthapisin uka phalanakxa jan kunak t'aqanuqäna, nakhantat phalanakäkaspas ukhama. Filisteonakasti janiw Sansonan ch'amapa kawkhankatapsa yatxatirjamäpkänti.

Jueces 3:10

Tatitun ajayupaw Otoniel chachxaru jutäna, jupaw israelitanakarux irptäna; nuwasiriw mistüna, ukatsti Tatitux Cusán-risataim reyiruw atipt'ayäna.

Jueces 5:30

‘Inas kuntix nuwasïwin apaqanipki uka yänak jaljasisipkchi. Sapa maynitakix mä warmi, jan ukax pä warmi; Sisaratakisti suma saminakat lurat isinaka: maya, jan ukax paysa, suma saminakan p'itakipata isinaka, atipjirin kunkap k'achachañataki’ sasa.

1 Samuel 10:10

Ukatsti Saúl waynampi uywatapampix Guibeá chiqar puripkäna ukkhaxa, mä tama profetanakaw jupanakar jikxatir mistunïna. Ukapachasti Diosan ajayupaw Saúl waynxarux jutäna, jupasti uka profetanakjamarakiw parläna.

1 Samuel 10:6

Ukapachaw Tatitun ajayupax jumxaru jutani, jupanakamp chikaw profecía arunak arsüta, yaqha jaqiruw tukurakïta.

1 Samuel 11:6

Ukanak ist'asinsti, Saúl waynax Diosan ajayupampi phuqt'atäsinxa, wal phiñasïna.

1 Samuel 17:35

nayax qhipapat arktirïta, usuchjasinsti lakapat ovej aparirïta,

1 Samuel 4:5

Kunapachatix Tatitun arust'äwi arcapa campamentor puriyanxapxän ukkhasti, israelitanakax kusisiñat wali jach'at art'asipxäna, uraqsa khathatiyapxänwa.