Jueces 14:11 - Qullan Arunaka DC

¹¹ Filisteo jaqinakan Sansonar axsaratap laykusti, kimsa tunka waynanak jupan ukar irpapxäna, jupampi chika ukankapxañapataki.

Aymar Bibliia 1986

¹¹ Ucampis filisteonacajj uñjasinjja wali ajjsarayasipjjäna, Sansón chachataquisti quimsa tunca amigonacapa irpapjjäna jupampïpjjañapataqui.

Qullan Arunaca

¹¹ Ucampis filisteonacajj uñjasinjja wali ajjsarayasipjjäna, Sansón chachataquisti quimsa tunca amigonacapa irpapjjäna jupampïpjjañapataqui.

Jueces 14:11 Jak'a apnaqawi uñst'ayäwi

Job 41:6

6 (30) ¿Alakipa jaqinakax jisk'a jisk'a ukar jalanuqasax aljapxaspati?

Cantar de los cantares 5:1

Kullakitay, nayan munasitaxay, panqar yapuxarux mantxtwa. Mirraxampi, q'apkir qullanakaxamp apthapisxtwa, misk'xa tapatpach manq'antta, vinoxsa, lechexsa umt'araktwa. Munat jila masinaka, manq'apxam, umapxarakim, ¡qawqhtix munapkta uk umantapxam!

Mateo 9:15

Jesusasti sarakïnwa: —¿Jaqichasïwir jawsayat jaqinakax jaqichasir waynan ukankaskatapat llakitakïpxaspati? Ukampis jaqichasir waynar irpasxañ urux purininiwa; ukkhaw ayuno lurañax wakisini.

Juan 3:29

Mä jaqichasïwinxa, jaqichasir tawaqumpi mayachasirix jaqichasir waynawa; jaqichasir waynan jila masipax, arsutap ist'asin wal kusisi. Uka pachparakiw nayax kusista.

Jueces 14:10

Sansonan awkipasti tawaqun utaparuw saräna; Sansonasti ukan mä phuñchhäwi luräna, kunjämtix waynanakax lurapxirïki ukhamarjama.

Jueces 14:12

Sansonasti uka waynanakarux sänwa: —Nayasti mä jiskt'a jiskt'apxäma. Aka paqallqu uru phuñchhäwintix uka chiqt'apxätaxa, nayax sapa mayniruw linot lurat suma isimpi, phuñchhäwir sarañ suma isimpi churapxäma.

1 Samuel 10:23

Ukatsti kawkhantix imantasitäkän ukkhat irpsuriw jalapxäna. Kunapachatix Saúl waynax marka nayraqatan uñstkän ukkhaxa, taqiniw uñkatapxäna, jach'a tansätap laykux israelitanakax janiw maynis kallachipkam purkänti.

1 Samuel 16:6

Kunapachatix jupanakax purxapxän ukkhaxa, Samuelux Eliab chachar uñjasax akham amuyt'äna: “Tatitux aka jaqiruw reyïñapatak ajllispacha” sasa.