Jueces 13:1 - Qullan Arunaka DC

¹ Israelitanakax wasitatampiw Tatit nayraqatan jan walinak lurxapxäna. Tatitusti jupanakarux pusi tunka maraw filisteonakan amparapar katuyäna.

Aymar Bibliia 1986

¹ Israelitanacasti wastatampiw Dios nayrakatanjja jan walinaca lurjjapjjaraquiquïna. Ucatsti Diosajja pusi tunca maranaca filisteonacampi t'akhesiyatäñaruw catuyäna.

Qullan Arunaca

¹ Israelitanacasti wastatampiw Dios nayrakatanjja jan walinaca lurjjapjjaraquiquïna. Ucatsti Diosajja pusi tunca maranaca filisteonacampi t'akhesiyatäñaruw catuyäna.

Jueces 13:1 Jak'a apnaqawi uñst'ayäwi

Jeremías 13:23

Mä ch'iyar jaqix janiw janq'u jaqir tukkaspati, janirakiw leopardos allqap mayjt'aykaspati; ukhamarakipï jumanakasa, ñanqha lurañar yatintatäxasinxa, janirakiw askinak lurapkasmati.

Romanos 2:6

ukat sapa maynir luräwipatjam churkan ukapacha.

Hebreos 11:32

¿Kunat juk'ampirak arsüsti? Gedeón, Barac, Sansón, Jefté, David, Samuel taqi jupanakat arsuñ janiw tukuykiristti, ukhamarak profetanakatsa.

Jueces 10:6

Israelitanakax wasitatampiw Tatitun nayraqatapan jan walinak lurapxäna, ukatsti Baal, Astarté diosanakan kunayman uñtasitanakaparuw yupaychapxäna, ukhamaraki Siria, Sidón, Moab, Amón, filisteonakan diosanakaparusa. Diosaru taqi chuyma yupaychañxa apanukxapxänwa.

Jueces 10:7

Ukat Tatitux jupanakatak q'apisïna, ukatsti filisteonakana, amonitanakan amparaparuw katuyäna.

Jueces 12:15

Kunapachatix Abdón chachax jiwxän ukkhasti, Piratón markaruw imt'xapxäna, ukasti Efraín uraqinkiwa Amalec qullunakana.

Jueces 14:4

Awkip taykapasti janiw amuyapkänti Tatit pachpa taqi kunsa ukhamäñapatak wakt'ayatapa, Tatitux filisteonakampi kunjämatsa nuwasiñ thaqhaskäna, uka urunakansti filisteonakaw israelitanakar apnaqäna.

Jueces 15:11

Ukham ist'asinsti, Judá ayllunkirit kimsa waranqa jaqinakaw Etam chiqankir qarqa putur sarapxäna, Sansonarusti sapxänwa: —¿Janit yatkta filisteonakan jiwasanakat sipan juk'amp ch'amanïtapxa? ¿Kunatarak akham jan walt'añar puriyapxistasti? —sasa. Sansonasti sänwa: —Nayax kunjämtix jupanakax nayar lurapkitu, ukakirak nayax jupanakar lurta —sasa.

Jueces 15:20

Sansonax Israel markarux pä tunka maraw irpäna, filisteonakax taqi uksa tuqinak apnaqapkän uka urunakana.

Jueces 2:11

Israelitanakan luräwinakapax Tatit nayraqatan janiw walïkänti, jupanakax Baal diosan kunayman uñtasitanakaparuw yupaychañ qalltapxäna.

Jueces 3:7

Israelitanakan luratanakapax Tatit nayraqatan janiw walïkänti, Tatitu Diosapat armasisin Baal, Astarté uka diosanakan uñtasitanakaparuw yupaychapxäna.

Jueces 4:1

Ehud chachan jiwxatapatsti, israelitanakax Tatit nayraqatan wasitat jan walinak lurapxäna,

Jueces 6:1

Israelitanakan luratanakapax Tatit nayraqatan janiw walïkänti, ukat Tatitux jupanakar paqallqu mara madianita jaqinakan amparapar katuyäna.

1 Samuel 12:9

Ukampis jupanakax Tatitu Diosapat armasxapxänwa, ukat jupax Sisaran amparapar katuyäna, jupasti Jabín ejerciton jilïripänwa, Hasor markan reyipa, ukhamarak filisteonakana, moabitanakan reyipan amparaparuw katuyäna, ukanakaw jupanakampix nuwasipxäna.

1 Samuel 4:9

¡Filisteo soldadonaka, jan kun axsarasay wakichasipxam, ukatsti taqi chuymampi nuwasipxam, ukhamat israelitanakan t'aqhisiyata jaqinakapar jan tukuñasataki, kunjämtix jupanakax jiwasan t'aqhisiyatänxa ukhama!” sasa.

1 Samuel 7:13

Filisteo jaqinakax atipjat uñjasisin janiw mayampsa israelitanakan uraqiparux mantantapkänti; Samuelun jakañapkamasti Tatitux filisteonakatakiw sayt'asïna.