Jueces 12:5 - Qullan Arunaka DC

⁵ Galaad chiqankir jaqinakax, Efraín ayllunkirinakarux Jordán jawir makatañanak aparapxäna, ukatsti kunapachatix Efraín ayllunkirit yaqhip jaqinakax jaltxasin uka chiqa makhatañ mayipkäna ukkhaxa, Galaadankirinakax jiskt'apxänwa: “¿Efraín ayllunkirïtati?” sasa. Ukampisa, “Janiwa” sapki ukanakaruxa,

Aymar Bibliia 1986

⁵ Galaad marcanquirinacasti Efraín sat tributjja Jordán jawira maqhatañanacwa aparapjjäna. Cunapachatejj yakhepa Efraín tribunquirinacajj jaltjjasina maqhataña mayipcäna ucqhajja, jupanacajj jisct'apjjänwa, “¿Efraín tribunquirïtati?” sasa. Ucampis “Janiwa” sapqui ucanacarojja,

Qullan Arunaca

⁵ Galaad marcanquirinacasti Efraín sat tributjja Jordán jawira maqhatañanacwa aparapjjäna. Cunapachatejj yakhepa Efraín tribunquirinacajj jaltjjasina maqhataña mayipcäna ucqhajja, jupanacajj jisct'apjjänwa, “¿Efraín tribunquirïtati?” sasa. Ucampis “Janiwa” sapqui ucanacarojja,

Jueces 12:5 Jak'a apnaqawi uñst'ayäwi

1 Reyes 11:26

Nabat chachan Jeroboam yuqapasti reyitakix sayt'asirakïnwa. Jeroboam chachax Salomonan yanapiripänwa, jupasti Efraín ayllunkir Seredá markankirïnwa. Taykapasti Serúa sutin mä ijma warmïnwa.

Josué 2:7

Reyin soldadonakapasti Jordán jawir tuqir sarki uka thakhinjam arktapxäna. Jupanakan mistupxatap ukspachaw marka punkux jist'antasxäna.

Josué 22:11

Maynïr israelitanakarusti yatiyapxänwa Rubén, Gad, Manasés ayllunkir chikat jaqinakapax mä altar Canaán uraqi qurpana, Jordán jawir jak'ana, israelita uraqin lurapxatapa;

Jueces 12:4

Ukhamasti Jefté chachax Galaad chiqankir jaqinakarux taqiniruw tantacht'äna, ukatsti Efraín ayllunkirinakampiw nuwasïna, jupanakarusti atipjänwa, Efraín ayllunkir jaqinakax Galaad chiqankirinakarux sapxänwa: Efraín, Manasés taypin jakapkän ukanakax Efraín ayllur apanukurinakawa, sasa.

Jueces 12:6

akham sañapa mayipxäna: “Shibolet” sasa, ukampis “Sibolet” sasaki arsupana, jupanakan jan suma qhan uka aru arsutap laykuxa, katuntasin ukkharpachaw jiwayapxäna. Uka nuwasiñansti Efraín ayllunkirinakat pusi tunka payan waranqa jaqinakaw jiwarapxäna.

Jueces 17:7

Uka urunakansti, Judá uraqinkir Belén markan mä jayankir waynaw utjäna, jupasti Leví ayllunkirïnwa.

Jueces 3:28

Ehud chachasti sänwa: “Sarañäni, Tatituw moabita uñisirinakasarux atipjayistani” sasa. Israelitanakasti iyawsasaw jupar arkapxäna, Jordán jawir thiya pampanak katuntasipxäna, janirakiw khitirus uka chiqanjam sarakipayapkänti.

Jueces 7:24

Ukatsti Gedeonax Efraín qullunkirinakaruw yatiyirinak khithäna, uka ayllunkir chachanakax madianitanakampi nuwasir saraqanipxañapataki, ukhamarak jupanakax Bet-bará jawira, Jordán jawira makhatañsa jark'antapxañapataki, madianitanakan uka chiqar janïr purinkipana. Efraín ayllunkirinakasti uka yatiyäwirux ist'apxänwa,

1 Samuel 1:1

Efraín qullunak taypin Ramá sat chiqan mä chachaw jakäna, sutipasti Elcaná satänwa. Achachilanakapax Jeroham, Elihú, Tohu, Suf satäpxänwa. Jupanakasti Efraín wila masit jutirïpxänwa.