Jueces 12:4 - Qullan Arunaka DC

⁴ Ukhamasti Jefté chachax Galaad chiqankir jaqinakarux taqiniruw tantacht'äna, ukatsti Efraín ayllunkirinakampiw nuwasïna, jupanakarusti atipjänwa, Efraín ayllunkir jaqinakax Galaad chiqankirinakarux sapxänwa: Efraín, Manasés taypin jakapkän ukanakax Efraín ayllur apanukurinakawa, sasa.

Aymar Bibliia 1986

⁴ Ucatsti Jefté chachajja Galaad sat marcanquir take jakenaca tantacht'asinjja Efraín sat tribunquir jakenacampi nuwasisajja atipjänwa. Efraín sat tribunquir jakenacajj Galaadanquirinacarojj sapjjänwa, Efraín, Manasés taypin jacapcäna ucanacajj, Efraín triburu apanucurinacäpjjew sapjjänwa.

Qullan Arunaca

⁴ Ucatsti Jefté chachajja Galaad sat marcanquir take jakenaca tantacht'asinjja Efraín sat tribunquir jakenacampi nuwasisajja atipjänwa. Efraín sat tribunquir jakenacajj Galaadanquirinacarojj sapjjänwa, Efraín, Manasés taypin jacapcäna ucanacajj, Efraín triburu apanucurinacäpjjew sapjjänwa.

Jueces 12:4 Jak'a apnaqawi uñst'ayäwi

1 Reyes 17:1

Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.

Nehemías 4:4

4 (36) Ukat nayax Tatitut mayista: “Nanakan Diosaxay, nanakat larusipxatap ist'am. Nanakatak arusitapax jupanakxar kutxatpan, uñisirinakapan amparapar katuyam, yaqha markar katuntat jupanakax apapxpan.

Salmos 78:9

Efraín ayllunkir mich'inak apnaqir jaqinakax, nuwasïwi urun qhiparuw uñtxapxäna,

Proverbios 12:13

Ñanqha lurir jaqix pachpa k'arisitapampiw k'ithuntasi, aski jaqisti jan walt'añanakatxa mistukipuniwa.

Proverbios 15:1

Suma arumpi kutt'ayañax q'apisiñ chuyma llamp'uchi, jan wali arumpi kutt'ayañasti, q'apisiñ juk'amp naktayi.

Jueces 11:10

Ukxarusti Galaad chiqankir jilïrinakax sapxänwa: —Tatituw uñjaskistu, arsutamarux phuqhapxäwa —sasa.

Jueces 12:3

Jumanakan nanakar jan yanapt'ir jutapxatam uñjasin, jakañax apt'asirpachaw amonitanakampi nuwasir sarta, Tatitusti atipt'ayituwa. Jichhasti, ¿kunatarak jumanakasti nayampi nuwasir jutapxtasti? —sasa.

Jueces 12:5

Galaad chiqankir jaqinakax, Efraín ayllunkirinakarux Jordán jawir makatañanak aparapxäna, ukatsti kunapachatix Efraín ayllunkirit yaqhip jaqinakax jaltxasin uka chiqa makhatañ mayipkäna ukkhaxa, Galaadankirinakax jiskt'apxänwa: “¿Efraín ayllunkirïtati?” sasa. Ukampisa, “Janiwa” sapki ukanakaruxa,

1 Samuel 25:10

Ukampis Nabal jaqix sänwa: —¿Khitis Davidaxa? ¿Khitis uka Jesé jaqin yuqapaxa? ¡Jichhürunakan walja uywatanakaw uywiripat jaltxasipki!