Jueces 11:26 - Qullan Arunaka DC

²⁶ Nanakasti Hesbón, Aroer uraqina, ukhamarak uka jak'ankir uraqinakansa, Arnón jawir thiyankir markanakansa kimsa patak maraw jakxapxta, ¿kunatarak jumanakasti uka uraqinakat taqi uka maranakan jan arsusipktasti?

Aymar Bibliia 1986

²⁶ Nanacasti Hesbón, Aroer, uqhamarac uca jac'anquir orakenacansa, Arnón sat jawir thiyanquir marcanacansa quimsa pataca maranacaw jacjjapjjtjja, ¿cunatraqui uca maranacansti jumanacajja jan arsusipjjestasti?

Qullan Arunaca

²⁶ Nanacasti Hesbón, Aroer, uqhamarac uca jac'anquir orakenacansa, Arnón sat jawir thiyanquir marcanacansa quimsa pataca maranacaw jacjjapjjtjja, ¿cunatraqui uca maranacansti jumanacajja jan arsusipjjestasti?

Jueces 11:26 Jak'a apnaqawi uñst'ayäwi

Jeremías 48:19

Aroer markankirinaka, thakhi jak'ar sayt'asisin uñtapxam; khitinakatix jaltxapxi ukanakar jiskt'apxam, ‘¿Kunas aka chiqan lurasi?’ sasa.

Hechos 13:19

Ukatsti jupax Canaán uraqin paqallqu jach'a markanak t'unjäna, uka uraqinak jiwasan awkinakasar churañataki.

Deuteronomio 2:24

Tatitusti sänwa: ‘¡Jichhasti sarantapxam, uka Arnón jawir makhatapxarakim! Nayaw uka amorreo Sihón sat Hesbón markan reyiparu, ukhamarak markaparusa jumanakar katuyapxäma. ¡Uraqip katuntasipxam, jupanakamp nuwasipxarakim!

Deuteronomio 2:36

Janiw kawkïri markas jiwasan amparanakasat jaltirjamäkänti; Tatit Diosasaw taqi aka markanak amparasar katuyistu, Arnón jawir thiyankir Aroer sat markat qalltasa, qhirwa chinqankir marka, Galaad uraqkama.

Deuteronomio 3:2

“Ukat Tatitux nayar sarakitu: ‘Jan jumax axsaramti, nayaw jupampiru, ejercitopampiru, ukhamarak taqi markaparus amparamar katuyaskäma, ukhamat jumax kunjämtix Hesbón markan jakir amorreonakan Sihón sat reyipar lurkta, uka kipka jupar lurañamataki’ sasa.

Deuteronomio 3:6

Taqi uka markanak t'unjapxtan, kunjämtix Hesbón markankir Sihón reyimpix lurktan ukhama, ukhamarak chachanakarusa, warminakarusa, wawanakarusa jiwarayasa,

Josué 11:18

jupanakampisti walja maranakaw nuwasïna.

Josué 12:2

Hesbón markan jakir amorreo jaqinakan Sihón sat reyipa. Jupan marka apnaqañapax Aroer chiqat Arnón jawir thiyakamänwa, ukatsti chika qhirwat Jaboc sat jawirkama, ukawjat amonitanakan uraqipax qalltäna (Galaad uraqit niya chikatapjamawa),

Josué 12:5

Jupan marka apnaqañapax Hermón qulluta, Salcá, Basán chiqat qalltasax Guesur, Maacá sat qurpakama, Galaad sata uka chika uraqkamänwa, ukasti Hesbón marka apnaqir Sihón reyinkänwa.

Josué 13:10

Hesbón markan jakkäna, amorreonakan Sihón sat reyipan taqi markanakapamppacha, amonitanakampi qurpäkis ukakama.

Josué 13:16

ukhamïpansti uraqipax Aroer chiqata, Arnón sat jawir thiyana, Hesbón markakama, qhirwa taypinkir markamppacha, Medebá pampanakamppacha.

Josué 13:17

Ukatsti pampankir taqi markanaka: Dibón, Bamot-baal, Bet-baal-megón,

Josué 23:1

Walja maranakaw sarakipxäna, kunapachatix Diosax Israel markaru uñisirinakapat samarañ churäna ukatxa, Josué chachasti wali chuymanïxarakïnwa,

Jueces 10:8

Uka urutsti filisteonakampi, amonitanakampix tunka kimsaqallqun maraw israelitanakarux walpun t'aqhisiyäna, khitinakatix Galaad chiqana, Jordán jawirat mayskatana, amorreonakan uraqipan jakapkän ukanakaru.

Jueces 3:11

Uka qhipatsti pusi tunka maraw uka uraqin samarañax utjäna.

Jueces 3:30

Ukhamaw israelitanakax moabitanakar atipjapxäna. Ukatsti uka uraqin kimsaqallq tunka maraw sumankañax utjäna.

Jueces 5:31

“¡Tatay, taqpach uñisirinakamax ukham tukjatäpxpan, jumar munirinakasti qhanapxpan, kunjämtix intix chika urun qhanki ukhama!” Uka qhipatsti uka uraqinxa, pusi tunka maraw samarañax utjäna.

Jueces 8:28

Ukhamaw madianita jaqinakax israelitanakampi apnaqata uñjasipxäna, janipuniw mayampis sayt'asirjamäpkänti. Gedeón jakkipansti pusi tunka maraw samarañax uka chiqan utjäna.

Jueces 9:22

Abimélec chachax kimsa maraw israelitanakarux munañapar apnaqäna,