Jueces 11:10 - Qullan Arunaka DC

¹⁰ Ukxarusti Galaad chiqankir jilïrinakax sapxänwa: —Tatituw uñjaskistu, arsutamarux phuqhapxäwa —sasa.

Aymar Bibliia 1986

¹⁰ Ucjjarusti Galaad chekanquir jilïrinacasti sapjjaraquïnwa: —Diosawa testigosajja nanacasti lurapjjäwa cuntejj arsctajja uqhamarjama —sasa.

Qullan Arunaca

¹⁰ Ucjjarusti Galaad chekanquir jilïrinacasti sapjjaraquïnwa: —Diosawa testigosajja nanacasti lurapjjäwa cuntejj arsctajja uqhamarjama —sasa.

Jueces 11:10 Jak'a apnaqawi uñst'ayäwi

Génesis 16:5

Ukatsti Sarai warmix Abram chachaparuw säna: —¡Jumaw juchanïta Agar warmin nayar jisk'achañapatakixa! Naya kipkaw juparux warmimat chursma, jichhasti wawanïxasin nayatsa juk'ampïkxaspas ukham amuyasxi. Tatituy sispan khitis juchanïtan ukxa, jumati jan ukax nayacha —sasa.

Génesis 21:23

Ukhamasti, Dios nayraqatan jichhpach mä juramento lurarapita, jan kuna ñanqhsa nayarusa, wawanakaxarusa, wawanakaxan wawanakaparusa luraskañamataki. Kunjäm suma chuymampitix nayax jumar uñjksma ukham uñjitäta, kawkïr markar jakiritix jutkta uka markankir jaqinakampix ukhamarak luräta.

Génesis 31:50

Phuchhanakaxarutix jan wal uñjäta, jan ukax jupanakxaru yaqha warminakamp jaqichasïta, janis khitis jiwas paninitakix qhanañchirix utjkani, ukapachax Tatit kipkaw qhanañchaskani —sasa.

Génesis 31:53

Jichhasti Abraham achachilaman Diosapay uñjpan, Nahor achachilaxan Diosapas uñjarakpan —sasa. Ukhamasti Jacobux kawkïri Diosarutix Isaac awkipax yupaychkäna ukan sutipxaruw juramento luräna.

Éxodo 20:7

“Janiw Tatit Diosaman sutip inamayatak aytasïtati, jupasti inamay sutip aytasirirux mutuyaniwa.

Jeremías 29:23

Taqi ukanakaw jumanakampix lurasini, Israel markan sinti jach'a juchanak lurapxatam layku: jaqi masiman warmipampiw jumanakax wachuqa jucha lurapxtaxa, ukatsti kuntix nayax jan sapksma ukanakarak nayan sutixar parlapxtaxa. Nayax uk sum yatta, naya kipkaw uñjta. Naya, Tatituw uk arsta’ ” sasa.

Jeremías 42:5

Ukhamasti jupanakax Jeremiasarux sapxarakïnwa: —Tatitu Diosamaw chiqpach qhanañchirïni janitix nanakax kuntix jupax siskätam uka arunakar phuqhapkä ukkhaxa.

Miqueas 1:2

Taqi markanaka, akanak ist'apxam; taqi markpachan utjir jaqinaka, sum ist'apxam: Tatitux qullana utapatpach jumanakatak arsuni.

Zacarías 5:4

Taqi ch'amani Tatituw arsu: ‘Nayaw aka ñanqhachäwi apayanta, lunthataskis ukan utaparu, ukhamaraki k'ari juramento nayan sutix aytasis lurki ukan utapampir mantañapataki. Uka ñanqhachäwisti ukankaniwa jan mä lawasa, mä qalas qhiparañapkama.’ ”

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Romanos 1:9

Nayax kawkïr Diosarutix taqi chuymaxampi arkaskta, Yuqapan suma yatiyäwi arunakap qhanañchasa, jupax jumanakat amtasitax yatiwa,

2 Corintios 11:31

Jesucristo Tatitun Dios Awkipaxa, wiñayatak yupaychatäñapax wakisiwa, jupax nayan chiqa arsutax yatiwa.

Deuteronomio 1:16

Ukhamarusa, jumanakan ajllit taripirinakarux aka arunak iwxarakta: ‘Taqinir sum uñjapxam, marka masinakamaru, yaqha markat jutir jaqinakarusa, sapaqat maynir suma chiqa kankañamp uñjapxarakim;

Jueces 11:9

Jefté chachasti sänwa: —Jumanakatix amonitanakampi nuwasiñaxataki nayan kutt'añax munapxsta; ukat Tatitutix amonitanakar atipt'ayitani ukaxa, nayax jumanakan jilïrimäyäwa —sasa.

1 Samuel 12:5

Samuelusti akham arsurakïna: —Ukhamasti Tatitusa, jupan ajllita reyisa uñjaskiwa, jumanakax janiw kuna juchsa nayarux apsupkistati —sasa. Jupanakax sapxarakïnwa: —Ukhamäskapuniwa —sasa.

1 Samuel 24:12

12 (13) ¡Jichhasti Tatituy jiwasa paninirux taripistpan, jiwasan jan wali luratanakas uñjarakpan! Ukampisa nayax janipuniw juma reyitakix amparax aytkäti.