Jueces 10:16 - Qullan Arunaka DC

¹⁶ Israelitanakasti uka k'ari diosanakxa apanukxapxänwa, Tatitur wasitat yupaychxañataki, Tatitusti israelitanakan t'aqhisiskañapxa janiw munkänti.

Aymar Bibliia 1986

¹⁶ Israelitanacajja uca c'ari diosanacjja apanucjjapjjänwa, Diosaru cutt'asa yupaychañataqui. Ucatsti Diosajja janiw muncänti israelitanacan t'akhesiscañapjja.

Qullan Arunaca

¹⁶ Israelitanacajja uca c'ari diosanacjja apanucjjapjjänwa, Diosaru cutt'asa yupaychañataqui. Ucatsti Diosajja janiw muncänti israelitanacan t'akhesiscañapjja.

Jueces 10:16 Jak'a apnaqawi uñst'ayäwi

Génesis 6:6

jupasti jaqir luratapxa wal amtäna. Chuymapsa walirak usuyasïna,

2 Reyes 13:23

Ukampis Tatitux jupanakat khuyapayasïnwa, yanapt'arakïnwa, jupan Abraham, Isaac, Jacob ukanakampi suma arust'äwi luratap layku, ukat jupax Israel markarux q'al tukjañsa, jupan nayraqatapat jaqunukuñsa jan munkänti. Jichhakamas Tatitux israelitanakar imaskakiwa.

2 Crónicas 15:8

Asá reyisti profetan arunakap ist'asax, ch'amañchasïnwa, ukatsti Judá, Benjamín uraqinakatxa, axtkañ yaqha diosanakarux q'alpun tukjäna, ukhamaraki kawkïr markanaktix Efraín qullunakan katuntkäna uka markan utjir diosanakamppacha, ukatsti Tatitun utap nayräxankkän uka altarxa askicht'ayarakïnwa.

2 Crónicas 33:15

Ukxarusti Tatitun utapat yaqha markanakankir diosanakap apsüna, kawkïr yaqha diosanakan altaranakaptix qullu patanakana, Jerusalén markansa luraykatayna ukanakamppach apthapïna, ukatsti markat jayaruw ukanak jaqunukuyäna.

2 Crónicas 7:14

ukampis sutix apki uka markaxatix jisk'ar tukt'asin mayisitani, nayar thaqtitani, jan wali sarnaqatanakapsa apanukuni ukkhaxa, nayax alaxpachatpach juparux ist'ä, juchanakapsa pampacharakï, ukatsti markapan nayraqatar sartañapsa kuttayxarakïwa.

Salmos 73:21

Nayax wali llakitäskayätwa, chuymaxas walpun usutänxa,

Isaías 63:9

Juparakiw taqi llakinakapat qhispiyi. Janiw jupan khithanitapati qhispiykixa; jan ukasti kipka Tatituw qhispiyi. Khuyapayasiñap layku, munasiñap laykuw jupax qhispiyi, jupaw amparat katt'asin wayti. Ukhampun luri.

Jeremías 31:20

“Efraín markax nayatakix munat wawaxawa; taqinit sipansa sinti munat wawaxawa. Jupar tuqintkta ukasa, janipuniw nayax jupat armaskti; taqi chuymaxampiw munasta, jupatsti walpun khuyapt'ayasirakta. Naya, Tatituw uk arsta.

Oseas 11:8

“Israel, ¿kunjämarak apanukt'asïmasti? ¿Kunjämarak jaytanukt'asïmasti? ¿Admá marka tukjkta ukhamti tukjirisma, jan ukax, Seboím markarux kuntix lurkta ukhamarakcha luririsma? ¡Chuymaxaw ch'allxtitu, jumatakisti khuyapayasiñan phuqt'atarakïtwa!

Oseas 14:8

8 (9) Israelitanakasti sarakiniwa: ‘Kunäskpas jichhax yaqha diosanakaxa’ sasa. ¡Nayaw uñjasta, markaxarus imasirakta! Nayax pino quqjam ch'uxñakipunïsktwa, markaxax nayanwa achup jikxatarakini.”

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Lucas 15:20

Ukatsti awkipan utaparuw kuttanxäna. “Awkipasti jayankkipan juparux uñjäna, ukat jupat khuyapt'ayasisin jikxatirix jaläna, juparusti qhumantasa, jamp'att'asaw katuqäna.

Lucas 19:41

Jerusalenar jak'achasisinsti, Jesusax marka uñtasaw jachäna,

Juan 11:34

ukat Jesusax jupanakar jiskt'äna: —¿Kawkharus imapxta? —sasa. Jupanakasti sapxänwa: —Tatay, jutamay uñjiri —sasa.

Efesios 4:32

Ukatsipana jumanakax suma chuymanïpxam, maynit maynikam khuyapt'ayasisa, purapat pampachasipxam, kunjämtix Diosax jumanakar Cristo tuqi pampachapktam ukhama.

Deuteronomio 32:36

“Diosaw markapat arxatasini, markapar jan ch'aman uñjasaxa; Diosaw luqtirinakapat khuyapayasini jan kunar tukuyat jikxatasitap uñjasaxa.

Hebreos 3:10

Ukat nayax uka jaqinakatak phiñasta, saraktwa: ‘Jupanakax chuymapan jayanpun sarnaqapxi, janirakiw nayan thakhinakax uñt'añ munapkiti.’

Hebreos 4:15

Jiwasan Jilïr sacerdotesax t'ukha kankañasan khuyapt'ayistaspa, jupax uka kipkarakiw kunayman yant'anakan jiwasjam uñjasïna, ukampis jupax janipuniw juchar purkänti.

Josué 24:23

Josué chachasti jupanakarux saskakïnwa: —Ukhamasti jumanak taypin utjki uka yaqha diosanak apanukupxam, ukatsti taqi chuymampirak Israelan Tatitu Diosapar arkapxam —sasa.

Jueces 2:18

Tatitusti sapa kuti mä jilïrir sayt'aykän ukarusti yanapt'arakïnwa, uka jilïrin jakañapkamasti Tatitux israelitanakarux uñisirinakapan amparapat qhispiyäna, jupanakan art'asitapa, t'aqhisitanakap ist'asax khuyapt'ayasïnwa.

1 Samuel 12:10

Ukatsti jupanakax Tatituruw art'asipxäna akham sasa: ‘Tatay, jumar apanakusax juch lurapxta, Baal, Astarté uka yaqha diosanakaruw yupaychapxta; ukampis jichhax uñisirinakaxan amparapat qhispiyapxita, juma saparukiw yupaychapxäma’ —sasa.

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.

1 Samuel 7:4

Israelitanakasti Baal, Astarté uka diosanakar yupaychañ apanukxapxänwa, ukatsti Tatitu saparukiw yupaychxapxäna.