Jueces 1:7 - Qullan Arunaka DC

⁷ Ukat Adonisédec reyix säna: “Nayrax paqallq tunka reyinakaruw amparanakapata, kayunakapat tayka luk'ananak khariqta, jupanakarux manq'añaxat williqtki uka jilt'anak pallasiyta. Jichhasti Diosax nayaruw kunjämtix nayax jupanakar lurkäyäta uka lurarakitu” sasa. Ukatsti Jerusalén markaruw irpxapxäna, ukan jiwxäna.

Aymar Bibliia 1986

⁷ Ucatsti Adonisedec chachajj saraquïnwa: “Nayrasti nayajja pakallko tunca reyinacaruwa amparanacatsa, cayunacatsa tayca luc'ananaca qhuchhurta, ucatsti mesajja manqhatwa jilt'a t'ant'a t'unanaca pallasiyta. Jichhasti Diosajj nayarojj cunjämtejj jupanacaru lurcäyäta uqhamaracwa lurayaraquitu” sasa. Ucatsti Jerusalén marcaruw apjjapjjäna, ucanwa jiwjjänjja.

Qullan Arunaca

⁷ Ucatsti Adonisedec chachajj saraquïnwa: “Nayrasti nayajja pakallko tunca reyinacaruwa amparanacatsa, cayunacatsa tayca luc'ananaca qhuchhurta, ucatsti mesajja manqhatwa jilt'a t'ant'a t'unanaca pallasiyta. Jichhasti Diosajj nayarojj cunjämtejj jupanacaru lurcäyäta uqhamaracwa lurayaraquitu” sasa. Ucatsti Jerusalén marcaruw apjjapjjäna, ucanwa jiwjjänjja.

Jueces 1:7 Jak'a apnaqawi uñst'ayäwi

1 Reyes 21:19

Juparusti sätawa: ‘Tatitux akham siwa: Jumax Nabot chachar jiwayasinxa, kunatix jupankkäna uk apartaxa, jichhasti kawkha chiqantix anunakax jupan wilap jallq'apki, uka pachpa chiqan anunakax juman wilam jallq'apxani’ ” sasa.

Éxodo 29:20

Ukatsti uka oveja kharinuküta, wilapampisti Aaronampiru, wawanakapampiruw aynach tuqit kupi jinchupat jawt'äta, ukhamarak kupi ampar tayka luk'anata, kupi kayu tayka luk'anampita. Ukatsti jilt'kani uka wilampisti altar thiyanakaruw ch'allakipäta.

Isaías 33:1

¡Ay, kunakïkan juma Asiria markatakixa! ¡Jumax markaxar t'unjir markätawa! T'unjañ tukt'aykäta ukkhaxa, jumax kipka t'unjataw uñjasïta; ch'uxña lurañ tukt'aykäta ukkhasti, uka kipka ch'uxña lurataw uñjasirakïta.

Sofonías 3:19

Khä urunakanxa, nayaw t'aqhisiyir jaqinakat arxatäma. Kayu p'akit ovejanakjamäpxsta ukasa qullt'apxämawa, saranukutanakarus kuttayanxarakïwa, t'aqhisitanakamsa, jan walt'atanakamsa askiruw tukuyarakï, ukhamat akapachan jach'ar aptatäpxañamataki.

Romanos 2:15

sarnaqatanakapampiw uñacht'ayapxi, chuymanakapan kamachin qillqatätapa. Pachpa chuymapaw qhanañchi, pachpa amuyunakaparakiw juchañchani, jan ukax arxatanisa,

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.

Apocalipsis 13:10

“Katuntat apatäñapäki ukanakax, katuntat apatäpxaniwa; espadampi jiwayatäñapäki ukanakax, espadampi jiwarayatäpxaniwa.” Taqi akanakan yatisini, Diosan qullan markapan ch'amanïtapasa, iyawsañanïtapasa.

Apocalipsis 16:6

Uka jaqinakax jumar katuyat jaqinakarusa, profetanakarus jiwarayapxänwa. Jichhasti jumax jupanakar wila umayaraktaxa. ¡Luratapatjam katuqasisipki!” sasa.

Jueces 1:6

Adonisédec reyix jaltxänwa, ukampis jupanakax arktasin katjanipxäna, ukatsti juparux amparanakapata, kayunakapat tayka luk'ananak khariqapxäna.

Jueces 9:24

ukhamat Abimélec chachax Gedeón awkipan paqallq tunka yuqanakapa jiwarayatapata mutuyäwi katuqañapataki, ukhamaraki Siquem chiqankirinakasa yanapapxatap layku, mutuyäwi katuqapxañapataki.

Jueces 9:57

Ukhamarakiw Diosax Siquem chiqankirinakarux jaqinak jiwayatanakapat mutuyäna. Ukhamaw Gedeón chachan Jotam yuqapan ñanqhachäwipax jupanakampi phuqhasïna.

1 Samuel 15:33

Ukampis Samuelux sänwa: —Kunjämatix jumax espadamampi walja warminakar jan wawani uñjasiytaxa. Ukhamarakiw taykamax jupanakjam uñjasini —sasa. Guilgal chiqansti, Samuelux jan axsart'asaw Tatit nayraqatan Agag reyirux pusir kharinuqäna.