Jueces 1:4 - Qullan Arunaka DC

^4-5 ukhamaw Judá ayllunkirinakax cananeonakana, ferezeonakan uraqinakap katuntasipxäna, Tatituw jupanakan amparanakaparux katuyäna. Bézec chiqansti tunka waranqa jaqinakaruw atipjapxäna, jupanak taypinsti Adonisédec reyiw jikxatasïna.

Aymar Bibliia 1986

⁴ Uqhamaw judänquirinacajj atipjasinjja cananeonacana, ferezeonacana orakenacapa catuntasipjjäna, ucampis jupanacarojja Diosawa yanapasina uqhama atipjayäna. Bezec sat orakensti tunca waranka jakenacaruw atipjapjjäna.

Qullan Arunaca

⁴ Uqhamaw judänquirinacajj atipjasinjja cananeonacana, ferezeonacana orakenacapa catuntasipjjäna, ucampis jupanacarojja Diosawa yanapasina uqhama atipjayäna. Bezec sat orakensti tunca waranka jakenacaruw atipjapjjäna.

Jueces 1:4 Jak'a apnaqawi uñst'ayäwi

1 Reyes 22:15

Ukatsti jupax reyin ukaruw saräna, reyisti jupar jiskt'änwa: —Micaías, ¿Galaadankir Ramot marka katuntirix sarapxiristti, janicha? —sasa. Micaiasasti sänwa: —Katuntir saraskakim, atipjätawa, Tatituw uka marka katuyätam —sasa.

1 Reyes 22:6

Ukatsti Israelan reyipax profetanakaruw tantachäna, jupanakasti niya pusi patakanïnwa, ukat jupanakarux jiskt'äna: —¿Galaadankir Ramot markar katuntir sariristti, janicha? —sasa. Profetanakasti ukxaruw sapxäna: —Nuwasir saraskakim, Tatituw uka marka katuyätam —sasa.

Salmos 44:2

2 (3) Diosar jan uñt'irinakarux amparamampiw jaqunuktaxa, markanakaruw mutuytaxa, ukarurakiw nayra awkinakaxar utt'aytaxa.

Salmos 78:55

Israel markan nayraqatapatxa, Tatitur jan uñt'ir markanakarux ananukünwa; ayllunakaparuw uraqinak lakintäna, chhujllanakapan jakayarakïna.

Deuteronomio 7:2

Kunapachatix Tatit Diosamax uka markanak jumanakar katuyapkätam, ukatsti jupanakar atipjapxarakïta ukkhasti, janiw jumanakax jupanakat khuyapayasipxätati, janirakiw kuna suma arust'äwirus jupanakampi mantapxätati; q'alpun uka markanak t'unjapxäta.

Deuteronomio 9:3

“Jichhasti jumanakax yatipxañamawa, Tatit Diosamaw jumanak nayram saraski, mä ninar uñtataw jumanak nayräxan uka markanakar t'unjani, jisk'achjarakini. Jumanakax uka markanakarux mä ch'ipxtanak jaqunukupxäta t'unjapxarakïta, kunjämtix Tatit Diosamax arsuwayki uka aruparjama.

Jueces 1:3

Ukatsti Judá ayllunkirinakax Simeón ayllunkir jilanakaparuw jawsäna, jupanakamp mayacht'asis Judá ayllur wakt'kki uka uraq katuntasiñataki. Simeón ayllunkirinakasti Judá ayllumpi mayacht'asiñatakix iyawsapxänwa,

Jueces 11:32

Jefté chachax amonitanakan uraqinakapar mantaranttasin jupanakarux katuntäna, Tatitusti juparux atipt'ayänwa.

Jueces 3:5

Ukhamawa, israelitanakax jakañ qalltapxäna cananeo, hitita, amorreo, ferezeo, heveo, jebuseo jaqinak taypina,

1 Samuel 11:8

Kunapachatix Saúl waynax Bézec chiqan jaqinakar yatiykän ukkhaxa, Israel markat kimsa pataka waranqa jaqinakaw tantacht'asipxatayna, Judá uraqitsti kimsa tunka waranqa jaqinakaraki.

1 Samuel 14:10

Ukampisa jupanakatix: “Makhatanipxam” sistanixa, ukkhakiw makhatañäni, ukasti jiwasatakix mä chimpüniwa Tatitun jiwasar atipjäwi churañapataki —sasa.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa: