Jueces 1:19 - Qullan Arunaka DC

¹⁹ Tatitux Judá ayllunkirinakamp chikäkchïn ukasa, jupanakax qullu uraqinak katuntapkchïn ukasa, janiw pampa uraqinakan jakirinakarux jaqunukurjamäpkänti, uka jaqinakan hierrot lurat carronakanïpxatap layku.

Aymar Bibliia 1986

¹⁹ Diosasti judänquirinacampi chicäscänwa, ucatwa lomanacan jaquirinacarojj atipjasin catuntasipjjäna orakenacapjja. Ucampisa uca loma cayu vallenacan jaquirinacarusti janiw atipjas alisnucuñatac ch'amanïcänti, jupanacajj hierrota lurata carronacanïpjjänwa uca laycu.

Qullan Arunaca

¹⁹ Diosasti judänquirinacampi chicäscänwa, ucatwa lomanacan jaquirinacarojj atipjasin catuntasipjjäna orakenacapjja. Ucampisa uca loma cayu vallenacan jaquirinacarusti janiw atipjas alisnucuñatac ch'amanïcänti, jupanacajj hierrota lurata carronacanïpjjänwa uca laycu.

Jueces 1:19 Jak'a apnaqawi uñst'ayäwi

Génesis 39:2

Ukampis Tatituw Joseampiskäna, uywiripan utapan jakañapkamasti taqi kunas Joseatakix walikïskänwa.

Génesis 39:21

Tatitux Josear yanapaskakïnwa, khuyapayasiñap uñacht'ayarakïna, cárcel uñjirimpis munayasïnwa,

2 Samuel 5:10

Davidan munañan kankañapax juk'amp jilxatäna, taqi ch'aman Dios Tatitusti jupampïskänwa.

2 Reyes 18:7

Ukat Tatitux jupar yanapäna, taqi kuntix lurañataki amtkäna ukanakan askir mistuyarakïna. Mä urusti, Ezequiasax Asiriankir reyitakiw sayt'asxäna, janiw jupar ist'añ munkxänti.

Salmos 46:11

11 (12) ¡Taqi ch'aman Tatitux jiwasampïskiwa! ¡Arxatirisax Jacobun Diosapawa!

Salmos 46:7

7 (8) ¡Taqi ch'aman Tatitux jiwasampïskiwa! ¡Jacobun Diosapaw arxatirisaxa!

Salmos 46:9

9 (10) aka uraq tukuskamaw nuwasiñ t'akurayi; mich'i antutt'añanak jisk'a jisk'a p'akinuqi, lanzanak t'unarpayi, ¡nuwasiñ carronaksa ninampiw phichhantaraki!

Salmos 60:12

12 (14) Diosan yanapapampix muspharkañanak lurañäni; ¡jupaw uñisirinakasarux takxatani!

Eclesiastés 9:11

Akapachan yaqhanakamp kun uñjta: janiw suma jalirinakax t'ijuñan atipt'apkiti, janirakiw ch'amaninakas nuwasïwin atipjapkiti; janiw yatiñan jaqikis t'ant'anïkiti, janiw ch'ikhinakakis qamirïpkiti, janirakiw suma yatiqatanakakis suma katuqatäpkiti; chiqpachansa, taqi jupanakarux ukhamaw wakt'i.

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Isaías 8:10

Tatitux jiwasampïskatapatxa, inamayäniw uka amtäwinakapaxa, Tatitux janiw munkaniti uk phuqhapxañanakamxa, inamayaw nuwantañatakis amtasipkäta, janiw khitis nuwantañar uskuskaniti.

Mateo 1:23

“Chacha jan uñt'ir mä tawaquw usur jaqiptani, jupasti mä yuqall wawa wawachasini, juparusti Emanuel sutimpiw sutichani.” (ukasti: “Diosax jiwasampiwa” sañ muni).

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

Filipenses 4:13

Criston ch'amapampix taqi kunaruw saykatirista.

Josué 1:5

Juman jakañamkamax janiw khitis atipjkätamti, nayasti kunjämatix Moisesamp chikäkäyät ukhamarakiw jumampïskä, janipuniw jumarux jaytanukkämati.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Josué 14:12

Ukat jichhax jumar maysma uka qullu chiqanak nayar churañamataki, kunjämtix Tatitux arsuwaykitu ukhamarjama. Jumasti yattawa Anac sat jach'a tansa jaqit saraqir wawanakapan uka urunakatpach uka chiqan jakapxatapxa, markanakapasa jach'anaka, wali suma uyuchrantat markanakätapa. Ukampis nayax Tatitun yanapapampix uka chiqat jupanakarux jaqunuküwa, kunjämtix Tatitux arsuwayki ukhamarjama” sasa.

Josué 6:27

Tatitux Josué chacharux yanapänwa, sutipasti taqi uksa tuqinakan aytasïna.

Josué 7:12

Ukat israelitanakax uñisirinakapan nayraqatapan jan sayt'asipkaniti, jupanakax jaltxapxakiniwa, jichhax israelitanak pachpaw tukjatäñaru purisipki. Jumanakatix kuntix t'unjatäñapaki ukanak jan mäki tukjapkäta ukaxa, nayax janiw mayampsa jumanakampïkxäti.

Jueces 1:2

Tatitusti jupanakarux sänwa: “Judá ayllunkiriw nayraqat nuwasiñapa, nayax jupanakaruw uka uraqi katuyä” sasa.

Jueces 4:13

hierrot lurat llätunk patak carronakapa, taqpach soldadonakap tantacht'äna, ukatsti jupanakampix Haróset-goím chiqat mistusin Quisón jawir thiyakamaw sarantäna.

Jueces 4:3

Jabín reyix hierrot lurat llätunk pataka carronakanïnwa, israelitanakarux pä tunka maraw walpun t'aqhisiyäna, ukhamïpan israelitanakax yanapt'ayasiñatak Tatitur art'asxapxäna.

1 Samuel 18:12

Saúl reyisti Davidarux axsaränwa, Tatitusti Davidarukiw yanapäna, Saulurusti janiw yanapkxänti.

1 Samuel 18:14

Tatituw Davidar yanapäna ukat taqi kuna luräwipas nayraqataru mistüna.

1 Samuel 18:5

Davidasti kuntix Saúl reyix lurañapatak siskäna ukanakampix wali sum phuqhäna, ukat Saúl reyix nuwasir jaqinakar sarayañapatak utt'ayäna. Ukasti Saúl reyin taqi soldadonakataki, jilïri jaqinakapatakis wali sumapunïnwa.